بسم الله الرحمن الرحيم
السلام عليكم ورحمة الله وبركاتة
اخوكم في الاسلام اخوكم اخوكم
انني احد الشباب الذين يريدون العيش والاستقرار الوظيفي
الحمدللة والشكر على كل حال حمد كثير طيبا
انا خريج كلية التقنية حاسب الي +دورة معهد مصرفي +لغة انجليزية
الحالة المادية مديون متزوج ولدي طفلة والله ما ادري كيف اجيب مصاريفها بعد فترة وهالحين
كل مكان فريتة مالقيت شي ابدا كل يقول مواهلك كويس بس مانقدر علىشي رح للخدمة المدنية
رحت للعسكرية وسقطت بعمى الالوان يمكن قدمت فيها اكثر من 30مرة من عام 1426هــ كل قطاعات الوزارة الداخلية
المهم جاي تقديم الدفاع المدني وقدمت وطلع رقمي وقالو لازم شهادة منا منا لقيت واحد يبيع شهادة ورحت لصديقي ونصحني مااشري شهادة قلت لازم هذي الشروط عطاني فلوس سلف ابعة الالف ريال شريت الشهادة جت الشهادة جاء الموعد رحت للموعد قالو ماعليها ختم اختمها وتعال كلمت راعيها قال بعد سبوع رجعت لهم قالو لا قلت بروح اليوم وبكرة اجيكم قالو طيب لاتتاخر
اتصلت براع الشهادة وقال خلاص المغرب دقو علي قالو تعال بالمسبح بعد اسبوع كلمت راع الشهادة قال خلاص يومين عندك المهم ماجت الشهادة الا ليلة الموعد الساعة 2 بالليل جتهم نفس المشكلة قالو رح شف المسبح الفلاني يبيع جيت المسبح قال 2500ريال منا منا دبرني قال مافية 2500 اذا نجحت بالسباحة رجعت للدفاع معي يمكن 17ريال او اقل بعد قلت ياولد مامعي اشتري اكل خل الشهادة قال توكل على الله مالك عندنا وظيفة انقهرت رحت للمستشفى تعبت انهرت مغذي وابر وحالتي حالة اليوم اتصل علي شايب ولدة معة الثانوية العامة يعيشون بالبر اسجل عيالة اذا جاء تقديم قال ابشرك الولد انقبل بالدفاع المدني قبول نهائي قلت الله يوفقة ياعالم قسم بالله العضيم انة ماطلع رقمة لامبدائي ولا شاف المسبح بعينة بحياتة اللهم لاحسد
وجاني زميلي بعد صلاة العشاء اليوم قال ولد اخوي انقبل بالدفاع وهو كان مطرود معي ساقط بالسباحة المشكلة هنا "انة اتصل فية الدفاع المدني مدة اسبوعين ولا رد مرسل واحد على عمة اللي يسولف علي خل فلان يجي ترى الفرز اخر شي يوم الاربعاء ولا الوجة من الوجة ابيض"اللهم لاحسد بس شوفو وين اللي يتعب وراى الوظيفة واللي مايتعب واللي يستاهل واللي مايستاهل

وهاضت المشاعر بهذة الابيات

من وين نبداء ياجماعة على الهون-----الوضع خايس والوزارة مطمة
اتعبت حالي ليتهم بس يدرون -------ان الامل فاقد وعاجز المة
ياليتهم ياليتهم بالحق يمشون-------كان الضعيف يشال وتقدر تزمة
او ليتهم عن الحقد ينهون-----لاجل الضعيف يعيش ويعيش عمة
جيت الدفاع باكر تحضرون----- بناد الامل بكل جهد وهمة
جينا وقالو ياجماعة لاتعدون-----كل ينفذ عن ذرعة وكمة
وتكاتفو اطيور شلوى على الهون----وتجمعو من شان درب الاعمة
حط العدد وزاد اللي يعدون-----وتقاسمو اعدادهم بالمهمة
وقايدهم الظالم علية الناس يدعون----عسا كل المواتر تخمة
قال الشهادة بالدرب يشرون -----مطلوبها كل التفاصيل لمة
جينا على المسبح وصار يتمادون----من شان محدن يجية ويعمة
والعقد هذا واضح ومدفون ----بين الكبير وبين راعي المرمة
تكاتفو وتعاقدو والكل يدرون ----وتناول اسامي بعض الامة
كلهم رسوب ولاعاد ياتون------الرقم خالي ولاحدن يشمة
احدن شراها باغين درب مزيون -----وحدن بغاها لاجل ابوة وامة
واحدن بغاها على كل مكنون-------بالدرج شيك واقصى البواخر تزمة
وحدن خسر بالحال والحال مديون---- اربع الاف وشال همة بهمة
وكثرت علية من اللي يعدون -----لاصار عاجز ومشروب جوفة ودمة
بين المجالس قالو ويقولون-----عليك يكثر بالجواريح سمة
للحين عاطل وبالدين مغبون-----والطفل ضايع والمصاريف ذمة
والحق بين لاكن وين اللي يعرفون----ان الفرج قرب ولا فية غمة
اكتب وصياتي للي يدرسون----كان الكتاب يصوب تفخر الامة
وكان الكتاب يخيب عليكم يعزون ----فان الشباب وفانية كل قمة
وحذر من العالم ولو صار موزون----يرتاح قلبك وشريين دمة


كلماتي عزام بن عيد المكحلي

السلام عليكم الله يصبرك ويسعدك ياغالي يرزقك برزق الحلال الوظيفه اللي تعجبك مابعد الضيق اللي الفرج

الله يوفقك ويبرد كبدك وتحصل ماتتمناة يارب

ارسل ابياتك الى امير شي
تراك شاعر
يمكن الكلمات هذي بعد الله توصلك الى الوظيفه

الله يرزقك ويعطيك على قد نيتك يااارب

الله يوفقك ويرزقك عاجلا غير اجل

طول بالك ,الله كريم ..

الله يكتب لك الرزق الطيب الحلال ..

الله يعينك ,,,

وصح لسانك....