29-11-2011, 12:41 PM
|
 |
عضو مهم
|
|
تاريخ التسجيل: May 2010
المشاركات: 257
معدل تقييم المستوى: 1163
|
|
اقتباس:
المشاركة الأصلية كتبت بواسطة أم سلطاان
طيب شلون اسجل في التأمينات؟
مافهمت
|
الاجراءات القديمه
فقط تستأجرين المحل وتروحين للبدية وتستخرجي الرخصة وتقدميها لمكتب العمل وتحصلي على التاشيرات بحسب النشاط ولا يحتاج سجل تجاري او اي شئ .
الاجراءات الجديدة
التامينات الاجتماعيه دائرة حكومية منفصله مثل البلدية ومكتب العمل وغيره
بعد صدور الرخصه من البلدية تدورين على شخص سعودي غير موظف حكومي او قطاع خاص تسوين له عقد عمل يوقع عليه وتاخذين معك صورة من هويته وتروحين للتامينات وتسجلينه كموظف عندك وتدفعين مقدم مبلغ 900 ريال تامينات لكل شهر 300 ريال واحسبي حسابك بعد مرور كل 3 شهور تدفعين 900 ريال وتاخذين منهم خطاب يفيد انك وظفتي سعودي والجديد كمان تروحين لوزارة التجارة وتصدرين سجل تجاري يكلف 1000 ريال ولا تنسي هذا السجل يلزمك بدفع مبلغ سنوي للزكاة والدخل بحسب راس المال المسجل في السجل على الاقل 600 ريال سنويا وبعد هذا تروحين لمكتب العمل وتسجلين المحل عندهم وتضيفي السعودي اللي وظفتيه ثم يعطونك تاشيره عامل .
واحسبي حسابك السعودي موظف عندك من تاريخ تسجيله عندك وتصرفين راتبه قبل ان يشتغل المحل ويدخل العمالة السعودية على الاقل 3 شهور من تاريخ الاستقدام حتى يصل العمال .
واذا ما لقيتي سعودي توظيفنه تروحين لمكتب العمل وهو يرس لك سعودي يشتغل عندك ويشترط اقل راتب له 3000 ريال .
اذا عندك استعداد لكل هذه الطلبات والمشروع واثقه منه ودخله عالي توكلي على الله .
او إلغي الفكره وانسي انك تفكري في أي مشروع .
وانتبهي ان تسجلي شخص وهمي او شخص توظيفنه كم شهر وتقولين له توكل على الله لأنهم عندهم عقوبات صارمه منع من الاستقدام مره اخرى عدم السماح لك بتجديد اقامات العمال .
هذه القرارت المفروض انها تطبق على الشركات الكبيرة مثل شركات الالبان وغيرها من الشركات اللي ارباحها مئات الملايين ...
لكن يطبقونها على صاحب كشك وبوفيه وحلاق وبنشر ..... الخ من المشاريع الصغيره .
حتى لو فكرتي وقلتي بشتغل في محلي بنفسي واسجل نفسي موظفه في محلي لن يقبلون ما عندهم غير :
وظف سعودي وعندنا برنامج نطاقات وعندنا حلول للعاطلين .
التعديل الأخير تم بواسطة ابن الاثير ; 29-11-2011 الساعة 12:45 PM
|
العرض العادي
