مصيدة حافز ساعدوني قبل أطيح فيها

قلبي يعورني · #1 (**permalink**) 29-11-2011, 11:36 AM

السلام عليكم ورحمة الله وبركاته

اول شئ لايغركم اني عضوة جديدة ترى لي خبرة في العطاله 5 سنوات

المهم نجي لمقطوع الذكر حافز

اتصلو عليه مركز طاقات التابع لصندوق تنمية الموارد البشرية وقالتلي الموظفة ان عندهم
وظايف كثيرة وسألتها عن الرواتب وقالت انتي تعالي نعمل معك مقابلة لمدة ساعتين << اهم شئ ساعتين
وانهيت المكالمة بعدما اخذت العنوان .. دخلت النت وسألت عن المولود الجديد لحافز اللي اسمه طاقات
وطلع انهم يدربوا العاطلين كل واحد حسب مؤهلاته وبعدين يتم توظيفه واللي مايتوظف يستمروا في البحث له عن وظيفة << قوة اخلاص للوطن والمواطن
وطبعا الوظايف في القطاع الخاص من طقة بائعة ملابس وكاشيرة ومشرفة مصنع وحارسة امن في ملاهي او حديقة حيوان!!!!

انا فكرت في الشغله قلت هذي الوظايف مستحيل يتجاوز مرتبها 2500 ريال واذا مره مره صاروا كرماء يكون الراتب 3000 ريال وانا جامعيه ومؤهلاتي التعليمية والتدريبية ماتستاهل كذا خصوصا اني جربت في يوم ادوس على كرامتي واشتغلت في مؤسسة اهليه وحطو مكتبي مع الهنود والبنقاله
ماقول انهم اقل مني او شئ كلنا ابناء آدم وحواء بس اللي يقهر مؤهلاتهم التعليمية اقل مني ورواتبهم اكثر مني
وبيني وبينكم انا خير شر مابغى القطاع الخاص ابغى استنى التعيين وابغى يصرفولي الاعانه زي ماقال الملك ورجلهم فوق رقبتهم

نرجع لمحور حديثنا اللي هو طاقات ابن حافز .. بعد مابحثت وسألت قررت اسحب سيفون من اللي يحبه قلبكم واطنش الانترفيو برغم انها اعطني موعد مفتوح ليوم الاربعاء اللي هو بكره..
طبعا بتقولون يابقرة روحي شوفي وسجلي ماحد حصلها ياوجه الفقر بقولكم افتحو موقع حافز واختارو الاسئلة المتكررة وركزوا في اول سؤال تبع شروط الاستحقاق للحصول على الاعانه وتحديدا البند الخامس:
5- ألا يكون طالباً أو متدرباً في أي مرحلة من مراحل التعليم أو التدريب.
استوقفني الشرط واتصلت على مركز طاقات ولاردوا وبعدها اتصلت على مركز حافز ورد الموظف وسألته هل لو قبلت التدريب في مركز طاقات التابع لصندوق تنمية الموارد البشرية استبعد من قائمة المستحقين للاعانه؟ وقريت له البند الخامس من الشروط
طبعا الموظف جاب العيد وقال الشرط واضح لو درستي او تدربتي خلال فترة الاستحقاق تستبعدين من قائمة المستحقين طوال فترة دراستك او تدريبك!
انا قفلت الخط وجلست اقلب في راسي الهرجه وقلت خليني ارجع مره ثانيه لموقع حافز واقرأ بتركيز (ماهو حافز)

طيييييب أحد يفهمني اللحين كيف يحطون شرط إكمال الدورات التأهيلية والتدريبية وبعدين يحطون شرط اني ما أكون متدربة؟؟؟؟؟

مصيدة حافز ساعدوني قبل أطيح فيها

إستراحة الأعضـاء

السلام عليكم ورحمة الله وبركاته اول شئ لايغركم اني عضوة جديدة ترى لي خبرة في العطاله 5 سنوات المهم نجي لمقطوع الذكر حافز اتصلو عليه مركز طاقات التابع...

مصيدة حافز ساعدوني قبل أطيح فيها

تسجيل الدخول

مصيدة حافز ساعدوني قبل أطيح فيها

إستراحة الأعضـاء

السلام عليكم ورحمة الله وبركاته اول شئ لايغركم اني عضوة جديدة ترى لي خبرة في العطاله 5 سنوات المهم نجي لمقطوع الذكر حافز اتصلو عليه مركز طاقات التابع...

مصيدة حافز ساعدوني قبل أطيح فيها