القوات الجوية تعلن فتح باب القبول والتسجيل من 8-1-1433

سلمان الاسلمي · #**541** (**permalink**) 18-12-2011, 12:44 PM

اقتباس:

المشاركة الأصلية كتبت بواسطة ابي جندي بسس

يا شباب اليوم الاحد كان موعدي بالقاعده الجويه برياض خولني اعلمكم بالي حصل لي

اول شي جيتهم الساعه 7 ونص ولو جيتهم 8 عادي ما عندهم تعقيد وطريقة تعاملهم ممتازه مره مو نفس الامن العام يجيك يزبد بوجهك ومسوي فيها لا والله تعاملهم متواضع مره المهم ماعندهم تعقيد دخلت عليهم وخذو بطاقتي الاحول وجلسة شوي ونادو اسمي وجيتهم وخذو الطول والوزن ورجعت لكرسيي وشوي نادوني مره ثانيه وعلى المقابله المقابله ((( عقيد + ونقيب +ورائد + ونقيب + وريس رقباء))) المهم والله يوم شفتهم قمطت العافيه

بس قبل لا ادخل فيه وكيل رقيب على الباب قالي انتبه شد صووتك هم يبون وحد صوته يلعلع بس ومن دخلت عليهم ونا اصيح وقول السلام عليكم

ابتسمو ونا ابتسم وهي يسألني قال وش اسمك قلت فهد ونا ابتسم وهو يصرفها لي قالي وش فيك تضحك

>>زبدها بوجهي السلب

المهم سألني وقال وش تبي بالعسكريه ونا اسكت بغيت اقوول وطن لا نحميه لا نستحق العيش فيه

بس الحمد لله ما قلتها قلت انا احب العسكريه قال الله يوفقك وعلى فكره انا خامس واحد وراي عالم على شان كذا ما طولوها معاي المهم بعد المقابله رحت للغرفه الي جنبه وسجلة رقم جوالي وخذت اوراق المستشفى ... المستشفى بحي المروج ......
المهم انتهينا ونا اقووم وطلع ولقا النقيب هو الي يشررف على القسم الي حنا فيه يعني هو الكل بالكل وشايف حاله ما غير يهايط على الناس

المهم جيته قلت لو سمحة يا طويل العمر

عاد هو استانس يوم قلت له يا طويل العمر

قالي امر قلت له الدوره حقتها وين قالي وهاذي معلومه جدا مهمه قالي ((( الدوره بطائف وتعيين برياض ))
نص بمطار الملك خالد ونص بالقاعده يوم قاله ونا ارتاح اذا صار التعيين برياض مايهم الدوره عساها بقريح

المهم رحت ونا طالع لين كل الناس طلعه يشووفن عرض كان فيه عرض طيران الترنيدو +اف 15 يعرضن وكل الناس طالعه ولقيت ريس الرقباء الي كان مع الي يسألون بالمقابله طالع رحت له وسلمت عليه وقلت له لو سمحة الدوره وين وتعيين وين قالي مثل ما قال النقيب وقال ان التعيين برياض ميه بالميه

المهم الله يوفق الجميع لما يحبه ويرضاه
وسمحولي لو طولت عليكم والله بس بغيت اشرح لكم الي صارلي على شان تستفيدون من تجربتي

اهم شي بالمقابله ارفع صووتك وبس وترا ما عندهم تشدد والله امروهم تساهيل مره
وعذروني على القرق الزايد

طيب يالغالي وش اسئلتهم

عاشق العسريه · #**542** (**permalink**) 18-12-2011, 02:17 PM

الله يعطيك العافيه طيب هم يكرشون على الوزن والطول 181 والوزن 90

آبو طيف · #**543** (**permalink**) 18-12-2011, 03:04 PM

ياعيال انا ولد عمي ملازم اول طيار في القوات الجويه دقيت عليه ذاك اليوم وقلت له اني سجلت واني برسلك رقم الطلب عشان تضبطني قاااالي اوكي اذا سجلت ارسله .. بس والله اني منقهر للحين عشااني مارسلت له رقم الطلب ولا كاان انا مععكم (قهههههههههههر )
الله يوفق اللي انقبلو اتنشاء الله ..

معمر في ذاكرتي · #**544** (**permalink**) 18-12-2011, 04:09 PM

تكفون ياشباب ردو علي بسرعه
موعدي بكره ويش الاوراق الي اجيبها واحضر بلبس رياضي ولا لا

وايل من بني وايل · #**545** (**permalink**) 18-12-2011, 04:13 PM

اقتباس:

المشاركة الأصلية كتبت بواسطة معمر في ذاكرتي

تكفون ياشباب ردو علي بسرعه
موعدي بكره ويش الاوراق الي اجيبها واحضر بلبس رياضي ولا لا

تعلن لجنة القبول والتسجيل والتجنيد المركزية بالقوات الجوية الملكية السعودية عن أرقام المرشحين لوظائف التجنيد للدورة رقم (19) بجميع وحدات القوات الجوية، وعلى المرشحين مراجعة الوحدات التي تم تقديمهم عليها بحسب الجداول الزمنية الموضحة أدناه وإحضار مايلي :

1 . عدد(4) صور 4*6 مكشوف الرأس .

2 . صورة واضحة من المؤهلات العلمية .

3 . صورة واضحة من شهادة حسن السيرة والسلوك إن وجدت .

4 . صورة واضحة من الهوية الوطنية .

5 . صورة واضحة من بطاقة العائلة الخاصة بالوالد .

6 . ملف علاقي .

تفضل اخوي هذا الرابط موقعهم
http://www.rsaf.gov.sa/pages/jobs.aspx

بتوفيق