تنصحوني اتركها ..؟

اغمزلي بعينك · #1 (**permalink**) 29-11-2011, 08:22 PM

السلام عليكم ورحمة لله وبركاتة
... الحمدلله والصلاه السلام على اشرف الانبياء والمرسلين
بعد ،،،،
شباب انا خريج كلية التقنيه بتخصص ادارة مكتبية " بمعدل 4,8
والحمدللة بحثت عن وظيفه ولقيت مدخل بينات باحد الشركات
دوامها من 8 الصباح الا واحده ظهران ثم بريك الا الساعه اربع العصر وبعدها تكمل الا ثمان ب الليل وراتبها 2200 : ريال يقولون انها الدوام 8 ساعات ولا اتوقع لانها اكثر

سوالي الله يجزكم خير انا صراحه تعبت من الوظيفه وراتبها مو مغري وفترتين افكر اتركها صراحه / وش تنصحوني فيه بالله .؟ لاني محتار

ودمتو سـ‘

رضاربي · #2 (**permalink**) 29-11-2011, 08:42 PM

كم لك سنه بعد التخرج ؟؟
هل عندك خبرة غيرها ؟؟
نصيحتي لك كمل بالوظيفة ولكن لاتستقر فيها يعني اقعد دور وقدم وكلما سمعت عن مكان روح وحط اوراقك لكن انك تفصل وتقعد بالبيت لاااااااا والف لااااااااا .. صدقني الخبرة بتنفعك بعدين كثيييير والحين الخبرة اهم بكثير من المعدل فمابالك لو جمعتهم الاثنين لان انت ماشالله معدلك ممتاز ,, طبعا خلال هذي الفترة اذا قدرت تاخذ دبلوم ثاني زي الكومبيوتر او انجليزي بينفعك كثير ولو حتى كورس داخل الشركة نفسة بس يعطونك ورقة تثبت حضورك للكورس وتقدر تدعم سيرتك الذاتية فيها ,,

برستيج عرعر · #3 (**permalink**) 29-11-2011, 10:25 PM

والله شوف ماخاب من استشار

شوف إنت خليك بها اهم شي انك وانت فيها قدم على قطاعات عسكريه
لاتنسى يعطونك وكيل رقيب وياصل راتبك فوق الـ 8000 اذا كنت بالامن العام

وفوق الـ 9000 اذا كنت بالمخدرات

واذا مثلا طولك مايســمح

خليك فيها قزرها عليها ورح قدم على وظايف ثانيه وقدم في جداره

والله يوفقك يارب

الهجر · #4 (**permalink**) 30-11-2011, 01:47 AM

الله يوفقك
اذا كنت مرتاح انا اخوك خليك فيها لين تحصل افضل منها
ولاتنسى الاستخاره والاستغفار
وفقك الله

الزهراني عبدالله · #5 (**permalink**) 30-11-2011, 06:58 AM

العسكريه تناديك

عزيز الجنوب · #6 (**permalink**) 30-11-2011, 08:10 AM

كرف دوامها وراتبها مايسوى عليها ذكرتني يوم كنت اشتغل بشركه تويوتا نفس النظام بس سحبت عليهم

تدري ياحبيبي خش فيها وطقطق ان اعجبتك كان بها ماعجبتك اسحب عليهم ببراد ابو ريالين

جرب وشوف

مظلوم يادنيا · #7 (**permalink**) 30-11-2011, 09:49 AM

شوف ياقلبي
انت خرريج جديد وصعب جداً جداً تلقى وظيفه ليش ؟
لان ماعندك خبرات , انا اشوف انها حلووه كبدايه لك
يمكن 2200 راتب اساسي بدون بدلات ( النقل + السكن) تأكد منهم

انا اشوف انك تقبل فيها حتى لو كان راتبها متدني
لأنها بالاول والاخير احسن من جلستك بالبيت

اغمزلي بعينك · #8 (**permalink**) 30-11-2011, 10:40 AM

كلامكم ع العين والراس والراتب الاساسي 1700 مع البدل 2200 ومن ناحيه فكره اقعد شهر او ثلاث شهور عبال ميعطوني حق الخبره
بس يولد ضاق صدري راتب قليل واي غياب بعذر يخصم + فترتين
بخصوص كلامك اخوي بندول ثري مبقيت قطاع عسكري مقدمت عليهوالطول ب 170 بس دعواتك
وتسلمون ع النصايح حبيت اخذ رايكم
بس فيه سوال ثاني الحين لو ادور باحد الشركات الثانيه وانا شغال ب الوظيفه عادي اخاف ميقبلون لاني موظف .؟

متفائل الى القمة · #9 (**permalink**) 30-11-2011, 12:20 PM

قدم في جميع الوظائف العامة والخاصة ولاتذكر انك موظف اقدم على وظيفة بدون كذب خارج نفسك وانا شاء الله بتحصل اللي تبيه وانت بعملك خذه وناسة حتى لو كنت غير مرتاح والله يوفقك