تكفون ياجماعة الخير أدخلو عندي ولد عمي حالته صعبة والرجال طلع من البيت

حربيي · #1 (**permalink**) 29-11-2011, 09:30 PM

ولد عمي رجال يدرس شهادة أسمها كامبردج الدولية لتقنية المعلومات المهم الرجال باقيله أختبار واحد فقط وفيه واحد الله يهديه قاله ماتقبل بالقطاعات العسكرية وطردو ناس واجد بسبتها ولد عمي أنهارت أعصابة وطلع من البيت وبلغنا الشرطة واللحين يبحثون عنه بس اللي أبغى أفهم هي ماتقبل صح ولا الخبر كذب تكفون ياخي حرام يدمرون طموح الشاب والله حرام الله يستر وماينتحر المفروض ولد عمي يتاكد هل الكامبردج هي تنقبل بالعسكرية ولا ماتنقبل عشان يدرسها دايم وهو متسرع الله يهديه ويجينا سالم غانم

فتى الموسم · #2 (**permalink**) 29-11-2011, 09:34 PM

إنا لله وإنا اليه راجعون
الله يرجعه لكم سالم غانم يارب ياكريم
اخوي على ماسمعت انهم بعض القطاعات تقبل شهادة كامبردج
وبعضهم ماتقبل
بس انتو حاولو تهدونه وتخلونه يشتغفر ربه ويصلي وقلوله ترى الدنيا صغيرة لايخلي كل همه دنياه

رجل غيور · #3 (**permalink**) 29-11-2011, 09:42 PM

الله يردة الكم

إبو الجازي · #4 (**permalink**) 29-11-2011, 09:45 PM

وعليكم السلام ورحمة الله وبركاته
لاحول ولآقوة الا بالله
صحيح أن قطاعات كثيره ماتقبل هالشهاده هذي وش المشكله الله واعلم
واكثر القطاعات العسكريه تقبل ادخال بيانات ومعالجة نصوص
الله يعينه . . بتوفيق

x.500 · #5 (**permalink**) 29-11-2011, 09:54 PM

انا عندي له شهادة افضل من شهادته بكثييييير وتخليه يقبل في افضل واطهر مكان باذن الله تعالى وبلاش بعد ,

الشهادة هي شهادة انا لا الله الا الله وحده لا شريك له وان محمد عبده ورسوله واقام الصلاة ايتاء الزكاة صوم رمضان حج بيت الله لمن استطاع اليه سبيلا .

عاطل ومش عاطل · #6 (**permalink**) 29-11-2011, 09:58 PM

الموضوع ما يسوى انه يطلع من البيت

ترى هي ارزاق بالاول وبالاخير

واذا ما انقبل بالعسكريه ينقبل بغيرها

والعسكريه خصوصا الامن العام ما فيها الا رواتبها الزينه

وبيلقى وظائف تقبله بشهادته وتدور له بالغلط !

خله يكمل دراسته ولكل حادث حديث

البلوز · #7 (**permalink**) 29-11-2011, 10:01 PM

بسم الله الرحمن الرحيم ياحبيبي مايقبلو الي دبلوم حاسب الي سنتين او سنة ونص او دبوم حاسب الي 6 اشهور في اي قطاع عسكري

حربيي · #8 (**permalink**) 29-11-2011, 10:03 PM

جزاكم الله ألف خير على كلامكم الأكثر من رائع وشكلها صح ماتنقبل الكامبردج المشكلة هو دايم يتسرع بتخاذ القرار الله يهديه وحرام المفروض المعهد مايضحك علية ويقول أنها تقبل بالعسكرية وفالأخير تطلع ماتقبل حسبي الله على المعاهد النصابة اللي سرقت فلوس وطموح شبابنا احسبي الله ونعم الوكيل اللي يشوف يقول الشهادة دارسها بالهند وهو دارسها بالسعودية والسعودية ماتعترف بشهاداتها يازين بس الهجرة

حربيي · #9 (**permalink**) 29-11-2011, 10:07 PM

يالبلوز المعهد قاله أن الشهادة تعادل 6أشهر ومقبولة بوزراة الخدمة المدنية ومعتمده من الكلية التقنية بس طلعت غير معتمده بالعسكرية لأن صاحبة يقول طرده الأمن العام بسبب هاذي الشهادة كامبردج والمشكلة المعهد يقول شهادة الكامبردج معتمده من الكلية الأمنية ويدرسونها طلابها الضباط لو ماهي معتمده ليش يدرسونها الضباط ليش مايقبلونها دامها معتمده بالكلية الأمنية يعني الكلية الأمنية ماهو قطاع عسكري وهو درسها بالسعودية مو بالهند وأنه مايعتمدونها يعني (السعودية تدرس طلابها وتعطيهم شهادات وبالأخير مايعتمدون شهاداتهم والله ظلم وحسبي الله عليهم)