إنت تحسبين الكبار ماهم داريين ؟

عارفين إن دول الخليج ماهي مقصره مع شعوبها بل تكرمهم و تعطيهم و خيرهم لهم ok
و الكبار عارفين بعد إن أغلب الشعب مضجر بالذات الشباب العاطل عن العمل و كيف إن الفقراء و المحتاجين و الأرامل و المطلقات كيف هم يعانون من الفقر و إرتفاع أسعار السلع الغذائية الأساسية و إرتفاع أسعار العقار بمعنى الإيجارات اللي يالله يا دوب يقدرون يوفون دفعة الإيجار الشهري الكل يعرف إنه فيه صعوبة و لا زال و مازال فيه فقر و فيه سخط من قبل أغلب الشباب و كبار السن و الفقراء و المحتاجين و الجرائد كل يوم تبين و توضح و اليوتيوب يظهر و اللقطات تبين حتى من بعض البرامج الجريئة و الصادقة و الله العظيم الذي لا إله إلا هو مرا فلسطيني حزن على الشعب السعودي و و الله العظيم مرا مصري يقول ما كنت متوقع إن فيه فقر في السعودية !!!!
يعني حتى الغير سعوديين عرف بالوضع و مع العلم راتب هذول الإثنين اللي قابلتهم أكثر من رواتب السعوديين و يتمناها كل سعودي و إن هذول الإثنين يعملوا في شركة يعمل فيها السعوديين و الغير سعوديين و الغالب في هالشركة إن رواتب الغير سعوديين أفضل و أعلى من رواتب السعوديين لأنها متدنية !!!
طيب الحين لما سعودي يسمع أو يقرأ مثل هالأخبار على بالك إنه يحسدهم ؟
أكيد بيقول " ماشاء الله تبارك الله - الله يزيدهم و يفرح لهم تدرين ليش ؟ لأن من طبعه الأصالة و لأن أغلب الناس ما تحسد أخوانها لأن الناس متربيين و ما تعلموا إنهم يتمنون زوال نعمة أخوانهم
لكن ودي أسألك .. بالله هالأخبار ما تقهر كثير شباب اللي مو لاقي وظيفة ؟
بالله هالأخبار ما تقهر اللي غيورين للوطن ؟
بالله هالأخبار ما يدري عنها المسئولين ؟ هم من سنين و سنين يدرون من سنييييييييييين طويييييييييييييله لأنهم سافروا لهم و لأنهم راحوا أوروبا و أمريكا و حضروا إجتماعات و عملوا لقائات و راحوا إنتدابات و دورات و عملوا إتفاقات .... إلخ ... إلخ و في النهاية لكنهم في النهاية وش عملوا " بعض " هالمسئولين و بعض هالوزراء ؟ اللي أئتمنتهم الدولة ؟ مجرد حبر على ورق ولا كلام في كلام قر قر قر قر قر قر قر << إيص فيه كلام صديق
و بس كثر حكي و كثر هرج من زمان ولا شيء في أرض الواقع برغم إن الحقيقة تنقال فيه أشياء فعلاً تحققت و لكنها بسيطة و قليلة و الدليل إن إلى الآن مازال هناك فقر مشاهد و هو واقع و ملموس و إلى الآن هناك مطالب من قبل الشباب العاطل الباحث عن العمل و لكن لما يسمعون مثل هالأخبار اللي تحدث و تصير في دول الخليج ماشاء الله تبارك الله بتزيدهم هم على هم و قهر من اللي يصير هنا لأنه الشباب عبروا عن إستيائهم و غضبهم و حاجتهم بأبسط الطرق بالكلمات و البلونات المربوطه بالشهادات الحقيقية و إلى الآن ماصار شيء
عرفتي الحين مين اللي بينقهر ؟ و عرفتي مين اللي ما همه الخبر ؟
و عرفتي من متى و الكل عارف ؟
و لا حول حول ولا قوة إلا بالله العلي العظيم و إنا لله و إنا إليه راجعون
اللهم لا تجعل في بلادنا من يريد أن لا ينال الشعب من خيرات دخل النفط ؟
اللهم لا نفاق ولا رياء إنا نسألك أن تطيل عمر قائدنا خادم الحرمين الشريفين عبد الله بن عبد العزيز

لأن مو معقوله بعد هالسنين الطويلة ما يصير ولا شيء !!!
ما غير بس كلام جرايد و بس ولا فيه أي تغيير حقيقي
و غيرنا ماشاء الله تبارك الله من أفضل إلى الأفضل ماشاء الله تبارك الله
و على قولتك ممكن ينطبق المثل اللي يقول " كثرت الدق تفك اللحام " مع إني ما أعتقد إلا إن تغيرت هالبطانة الفاسدة اللي فضحهم رب العالمين
ولا حول ولا قوة إلا بالله العلي العظيم
فهمتي مقصدي ؟