فنادق الشرقية ترفض إسكان سعوديات دون محرم

الـوافي · #11 (**permalink**) 09-02-2008, 03:06 AM

اقتباس:

المشاركة الأصلية كتبت بواسطة أم الوظائف

اللي معه الابتدائي..غير الجامعي العلم يفرق كثير بين الاثنين...

الرجل في المدينة.. يفرق عن رجل القرية..

الرجل السعودي.. يفرق عن الرجل غير السعودي..

لكل واحد ثقافة واسلوب وعلم..

ولكل شئ مطالب ولك شئ حدود..

مشكلة اخوي الكريم انت يمك ماتدركها.. لانها ما تخصك.. يعني انت رجل وما تعرف الاوضاع اللي يعيشونه المدرسات.. اللي مجبرها زوجها او ابوها على التوظيف في مكان بعيد جدا..

المدرسة واعلم باوضاع المدرسات ومدى المعاناة اللي يحسون فيها.. اذا توفر لها سكن فيه امن.. اخوي افضل بكثر.. ويكون عند الشرطة خبر.. افضل اخوي الكريم من تكون تسكن بقرية باقصى السعودية..

مرة عرضوا على المدرسات يروحون بقرية .. ومافيه سيارات على حمير اكرمك الله يطلعون.. تخيل...

فيه مدرسات عايشات وحدهم.. لانه الاخ الزوج الكريم جالس ومهددها يا تجيبون الفلوس يا اخذ الاطفال..

او تكون هي المسؤولة عن البيت تكون ارملة او مطلقة..

يعني قبل نلتفت لسكن الفندق... وهو يكون معروف عن الشرطة.. ليش ما نكون ضد وزارة التعليم اللي تكون البنت من الشرقية.. وتتوظف بجازان..او بقرى القصيم..

احدى المسؤولين علق على موت المدرسات قال لانهم ياكلون بالسيارة ويتكلمون.. اكيد اذا بجلس بالسيارة 3 ساعات الصباح 3 ساعات طريق الرجعة.. اكيد باكل وانام واسولف.. عذر اقبح من ذنب.. واغلب الرجال للي ماتت زوجاتهم يفكرون انه وقف المصروف.. ماهمه زوجته اللي ماتت..

لو تطلع على اوضاع المدرسات كان شاب شعرك من الاسلوب والذل اللي يعيشونه..حنا نطالب بحق للمرأة ..اسأل الشيوخ عن المشاكل اللي توصلهم من وره ازواج المدرسات واخذ راتب زوجته..

انا لما قدمت كان اقرب وظيفة على مسافة 400كليو عن سكني.. الحمدلله انا مقتدرة ماديا ومستحيل اقبل.. بس غيري فقيرة تتمنى..

أختي أم الوظائف حنا مختلفتا ندري إنه متعلم أكثر من إلي معاة ابتدائي لكن إذا كان هذا معاة جامعي مثقف وهذا ردة ولله أنا أفضل الابتدائي أحس من الجامعي وذا كان فيه جامعيين بالأسلوب هذا الله يخلف على التعليم وأسلوب التعليم

أم الوظائف · #12 (**permalink**) 09-02-2008, 03:29 AM

اقتباس:

المشاركة الأصلية كتبت بواسطة الـوافي

أختي أم الوظائف حنا مختلفتا ندري إنه متعلم أكثر من إلي معاة ابتدائي لكن إذا كان هذا معاة جامعي مثقف وهذا ردة ولله أنا أفضل الابتدائي أحس من الجامعي وذا كان فيه جامعيين بالأسلوب هذا الله يخلف على التعليم وأسلوب التعليم

اخوي الكريم اختي الكريمة ما قالت الا الصحيح... احنا مشكلتنا انه يتكلم بالشئ اللي اقل منه..

يعني الللي تخصصة رياضيات ما له الحق يتكلم في علم النفس..

يعني اللي قليل تعليم قليل مدارك... تعليم بشتى انواعه مو بس بالشهادات..

يعني الكثير فرحان بالقرار.. طيب ليش ما فكر بالمدرسات؟؟

والا لانه الزوج فرحان ياخذ راتب زوجته مو مهم..

يعني الكل صايح ضد قرار سكن المرأة واعتبره فساد ووصلنا اخر الزمان,,..

ولا احد تكلم عن دخول الشباب للبحرين بالبطاقة...

مع انه انتشر الان الايدز... كثير جدا الموت على طريق الجسر..واللي يجون سكرانين

اليوم البحرين تزخر بالروسيات.. والمصابات بالامراض.. وفي من اهل الرياض يجون ويحطون الحريم على الكورنيش بالخبر والدمام.. وركض على الخمر والبنات الليل بالبحرين..

ما احد تكلم عن جلسات الشباب السامري.. واللي يصير فيها من جن وزياران..

فيه على حسب ما سمعت بالحجاز مراقص واستراحات.. يجمعون فيها شباب وبنات ورقص وهبال على الاخر..ولا احد تكلم

الاستراحات المنتشرة اليوم والشباب كثير فيها.. ومن ااستراحات يطلعون الارهابين يطلعون اصحاب المخدرات.. تطلع الجرائم..ولا احد قرر ومنع..

قبل فترة قرأت بنت ماخذينها مع ابوها بعدين مسكوا الاب.. وربطوه واخذوا البيت وودوها لصديقهم باستراحة..

البنت ما فيه ابن امه طالب بحقها لانها مو سعودية.. لكن مسلمة وشريفة..يعني تموت..

ليش ما فيه مخالفات شديدة للشباب اللي يتحرشون بالبنات.. مثال مع احترامي لكل.. اهل الرياض من يجون الشرقية يعم الفساد ما اعمم على الكل بس كثير... لدرجة صاروا في مرات يسكرون الشارع.. ويتحرشون بالابو والبنات معه...

والله وهذي صارت مع كذا وحده انه مع ابوها ويجون شباب يتحرشون فيهم..

الرياض من يجون ينزلون بالشارع ويرقصون.. يفحطون..ويطلولون على صوت الاغاني.. ما يحترمون اللي قدامهم يسوق.. ولا احد تكلم..

لدرجة صرنا نتحاشان نطلع مو جية اهل الرياض..

ياترى هذا ما يتعبر فساد.؟؟؟ او الفساد انه تسكن المرة لظرف في فندق..

مو كل الحريم بيسكنون ركض.. بس اكيد فيه سبب.. وغير كذا بلد لا على علاتها,, ليش ما يكون فيه تفكير منطقي اكثر.. يعني مسموح بس خصصوا اقسام..

يعني قبل نطالب بمنع النساء السكن بالنفدق خل نمنع شباب الرياض باذية اهل الشرقية..

نمنع توظيف الوحدة بعيد عن بيتها..

الكلأسيكي · #13 (**permalink**) 09-02-2008, 07:26 AM

صح لسانك ام الوظائف يعطيك العافيه
نعم يدا بيد لمجتمع حضأري خاليا من التعصب الفكري الجاهلي ..

توت بري · #14 (**permalink**) 09-02-2008, 07:38 AM

بالعكس ياريت يسمحوووا

بالسكن بدون محرم

والله من جدااا

تعبنا من الحالة هذي ذكرتوني بالرياض

الله يأخدهم المعقدين عشان نسكن نحتال عليهم ونجيب أخونا ونكتب عقد الشقة بأسمه

والله هذاااا قرار نحتاجه

خاصة وأن الحكومة الرشيدة دايم توظفن جنب البيت يعني مانحتاج نسكن بررر البيت الله

يخليها لنااا

وأنا أؤيد وبشدة السماح للبنات السكن بدون محرم

الكلأسيكي · #15 (**permalink**) 09-02-2008, 03:24 PM

اخوي تووت ابشرك القرار حكومي الحين هع والحمدلله هاذي بدايه لاعطاء
المراه السعودية ولو جزء من حقوقها وربي يحفظهن ويوفقهن
وانشاء اللة مجتمعنا بدا يتقبل ويتثقف ويتفهم نوعا ما
وانشاء اللة ربي يوفق الجميع مشكورين

أم الوظائف · #16 (**permalink**) 09-02-2008, 03:32 PM

اقتباس:

المشاركة الأصلية كتبت بواسطة الكلأسيكي

صح لسانك ام الوظائف يعطيك العافيه

نعم يدا بيد لمجتمع حضأري خاليا من التعصب الفكري الجاهلي ..

اتمنى فعلا يجي اليوم اللي يكون مجتمعنا حضاري مو جاهلي..

بحروسماء · #17 (**permalink**) 09-02-2008, 03:42 PM

انا كنت مصمم اني ما ارد لكن الضروره تجبرني على ذلك
لماذا نحن لا نحسن الرد الا بالاساءة بطريقه او اخرى
مع احترامي للجميع عندي تساؤل
بسيط اكيد سمعنا في بعض مناطق المملكة
عن الفتيات اللاتي يهربن من بيوتهم ؟؟؟ صحيح
هل القرار هذا في مصلحتهم ام لا
انا في اعتقادي ان راح يفتح مجال اكثر للهروب
اما عن سكن المراه فاذا كانت للضروره القصوى فلا بأس ان تاتي
بورقه رسميه من ذوي الاختصاص
دمتم بود

Poem · #18 (**permalink**) 09-02-2008, 05:50 PM

اقتباس:

المشاركة الأصلية كتبت بواسطة الـوافي

تكفى ياالمعلم بعدين ليش تحتقر الي معاة شهادة إبتدائي ياخي يكون فية الخير أحسن من المعلمين هذا ردك ونت معلم أجل الله يخلف على التعليم اذا كان فية معلمين بأسلوبك

والله ردك جاي من قل العلم

انا لمن قلت ابتدائي (قصدت في العقلية مش الدرجة العلمية)

يعني يالله اخلف عليكم بس

خليتو الاسئلة و بديتو تتهجمون على كلمة (الابتدائي) وهذا كلة من العقلية الكبيرة الي عندكم واثبات لدرجة استيعاب المواطن السعودي المتعصب للعاداة والتقاليد الي مالها دخل في الدين.

الله يخلف بس
الحمد لله والشكر.

مطلوب من العطاله · #19 (**permalink**) 09-02-2008, 06:16 PM

الله يسمع منك

أم الوظائف · #20 (**permalink**) 09-02-2008, 11:13 PM

اقتباس:

المشاركة الأصلية كتبت بواسطة صاف معكم

انا كنت مصمم اني ما ارد لكن الضروره تجبرني على ذلك
لماذا نحن لا نحسن الرد الا بالاساءة بطريقه او اخرى
مع احترامي للجميع عندي تساؤل
بسيط اكيد سمعنا في بعض مناطق المملكة
عن الفتيات اللاتي يهربن من بيوتهم ؟؟؟ صحيح
هل القرار هذا في مصلحتهم ام لا
انا في اعتقادي ان راح يفتح مجال اكثر للهروب
اما عن سكن المراه فاذا كانت للضروره القصوى فلا بأس ان تاتي
بورقه رسميه من ذوي الاختصاص
دمتم بود

لالالالالالالالا ما راح يفتح مجال للهرب اكثر..

البنت اخوي ما تهرب الا في شئ كايد.. الحين مسألة هروب البنت مسألة خطيرة.. يا ترى اي نوع من التعذيب تعرضة له اضطرها تهرب من البيت,..

لازم يكون فيه خط ساخن للجهة المسؤولة من الدولة.. يعني اي بنت تتعرض لعملية تعذيب او مرأة او طفل.. يكون فيه خط للأبلاغ..

الحين والعياذ بالله لو تسمع صياح عيال جيرانك ما تقدر تساعدهم.. من خوف تتروط..

امس فقدنا غضون.. واليوم قرأنا عن البنتين اللي حلق شعرهم ابوهم.. وسمعنا تعذيب وتحرش وكي وغيرة يتعرض له الاطفال والامهات والبنات.. ولافيه احد يردع الاب..

انا ضد تماما قرار البنت تسكن بروحها من غير سبب او عمرها 16 وجاية تسكن.. لا لازم تكون كبيرة شابة .. ويكون معها عذر فيه علاجات في المستشفيات خصوصا الرياض.. فيه محاكم بالرياض. لو توفر لك وحده مطالبها بمدينتها من صحة وغيره شلي يحدها تسافر..

وفيه اشياء سكتنا عنها وهي الاهم ان نتكلم فيها يكفي اليوم اكيد قرأت 110 الف سعوديين رايحين للبحرين... روح بربك شوف وين يروحون السعودي ولاي هدف يروحون.. وايش الامراض اللي يجيبونها.. واو هل هذا مو فساد؟؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

فنادق الشرقية ترفض إسكان سعوديات دون محرم

قسم المنتدى الاعلامي