شباب انا قدمت على المباحث واتصلو علي وسويت المقابله والطول والوزن والنظر وباقي فحص مستشفى قوى الامن المهم انا تخصصي هندسة حاسب دراسه خمس سنوات بالجامعه
فهل يعطوني رقيب ولا رقيب اول ولا رقيب باقدميه ولا ايش الامنيه والدفاع والحرس يعطون ملازم اول مهندس فما ادري عن المباحث ياليت تفيدونا
ثانيا ابي منكم النصيحه
انا متردد اروح ولا لا لاني توي خريج السنه ذي ولا ودي برقيب صراحه تمنيت الامنيه ووصلت للفرز النهائي ولا قبلت والدفاع والحرس الوطني ماقدمت وندمت والان متردد اولا لاني مهندس يعني تعبت علشان اتخرج بشهادة هندسه بعد خمس سنوات كد وكفاح ثانيا لاني ودي اقدم الصيفيه الجايه بالحرس والدفاع والامنيه مره وحده كلها ونشوف لكن اخاف منقبل فيها كلها
واندم على المباحث لاني سمعت رواتبها مره حلوه
وياليت تذكرون البدلات بالمباحث وعلى اي درجه يتعين الرقيب وهل له اثر رجعي بعد الدوره ولا لا
وكيف العمل بالسجون طيب ولا بطال لان دورة السنه ذي بالمباحث الظاهر انها سجون حسب ماقالي العسكري اللي دقق الاوراق وهل فيه بدل للسجون ولا صنف ولا شي
وبالتوفيق للجميع انشاء الله