السلام عليكم ورحمه الله وبركاته
انا جتني وظيفه في بنك سابا
وهي ممثله خدمه عملاء وش طبيعه العمل
لاني مااعرف شي عنها اللي يعرف معلومات
يفيدني الله يوفقكم والله لا ادعيله

[align=center]انا موظف في البنك العربي ممثل مبيعات ... راح افيدك بشغل موظف خدمه العملاء بشكل عام في البنوك ولكن السستم يختلف من بنك لآخر ولكن يبقى العمل ومتطلبات العمل واحدة في جميع البنوك
مهام ممثل او ممثله المبيعات يتلخص في التالي :
1- اصدار بطاقات صراف ( جديد - اعادة تنشيط للبطاقة - بدل فاقد )
2 - اصدار كشف حساب للعميل ( كشف حساب يحدد تاريخ الكشف حسب رغبه العميل من تاريخ الى تاريخ .... )
3 - تعديل بيانات العميل الشخصيه ( الاسم - العنوان - البريد - الجوال ..... الخ )
4 - تنشيط حساب العميل اذا كان موقوف الحساب
5 - لديك نماذج للبطاقات الائتمانيه ( ذهبي - فضي - بلاتيني ) حسب مايرغب العميل وحسب راتبه يعبأ النموذج من قبل العميل مع صورة للبطاقة الشخصيه وترسل للادارة العامه ويتم الاتصال بالعميل بعد ذلك .
6 - هناك عروض تسويقيه يتم تغيرها حسب مايراه البنك كل فترة تتغير فيها نسبه الربح للبنك وتتغير عروض للعملاء ..... مهمه الموظف او الموظفه هو اتباع سياسات والاجراءات الموجهه من الادارة لجميع الفروع اللتي لابد على الموظف معرفتها حين تتغير لكي لاتقع في خطاء لاقدر الله وكل فرع يفيد موظفينه عند التغيير مثال : حصل هناك تغيير في التمويل الشخصي نسبه الربح للعملاء سابقآ 1,99 النسبه الجديدة 2,50اذن انت عليك تسويق ذلك العرض الجديد وتترك الاول اول مايجيك عميل للمراجعه لاي سبب كان بعد ما تخلص منه تعطيه معلومه عن العرض هذا اذا وافق العميل تطبع العقد وتحط رقمك الوظيفي في العقد عشان يحسب لك عموله ... وباقي العروض نفس الطريقة مثل العقار - السيارات - البطاقات الفيزا والماستر كارد ...الخ
ملحوظه هامه من خلال تجربتي في اعمال التسويق البنكيه للفائده قليل يجهلها :
1 - لاتعرض للعميل اي عرض تسويقي الا بعد ان تنجز طلبه الا في حاله كانت زيارته بخصوص جديد العروض هذا الوقت استغل فرصه التسويق للعميل
2 - لكي تعرف ماذا تعرض للعميل سوا بطاقة او تمويل شخصي او عقاري اتبع التالي : اثناء انجاز طلبه حاول بطريقه سريعه بدون ماتخليه يشعر بالتأخير في انجاز طلبه ادخل على حساب العميل وابحث عن راتبه الشهري بالكامل بدون يشعر العميل بانك تعرف راتبه ... بعد انتهائك من طلبه اعرض عليه حسب الراتب اذا كان راتبه قليل اعرض له بطاقة ائتمانيه - اذا راتبه متوسط اعرض تمويل شخصي او سيارة او بطاقه - اذا راتبه كبير اعرض تمويل عقاري او شخصي او سيارة او لو تطلع ببطاقة ......... وعلى كذا راح تنجح وتحقق التارقت المطلوب شهريا او سنويا
سوف اكتفي بهذه المعلومات لك يمكن احد عنده اضافه . وللمعلوميه اذا اردت ان تصل لطموح اعلى في البنك لابد ان تكون مسوق ناجح وتسويقك لكل اللي قلت لك تحقق التارقت المطلوب بالراحه وكل بنك له حد لكل موظف ولكل فرع ولكل منطقه في التارقت واي سؤال انا حاضر اتمنى اني قدرت افيدك ...... وآسف على الاطاله

[/align]