الحمد لله يوم السبت راح أباشر الدورة بالرصيفه بمكة ومدتها اسبوع من السبت للخميس من الساعه 9 الى الساعه 3 الظهر ...
وفيه اختبار بعد الدوره بإذن الله لازم اجتازه الاختبار كله نظري وإن شاء الله بعد الاجتياز فيه شهاده ...

جاني اتصال منهم يوم الاربعاء وقالوا يوم السبت تروح للدوره المهم اليوم الخميس رحت لمكه قلت بتعرف على الطريق ومكان الدورة ورحت للمسؤول عن الدورة إسمه الاستاذ شريف وقلت له عندي دوره يوم السبت ان شاء الله اش المطلوب ؟ قال تجيب معاك كراسه وقلم .. قلت بالنسبه للبس ؟ قال بكيفك ...
قلت الدوره خاصه برجال السلامه فقط ؟ قال الدوره عامه وراح تاخذ فيها اشياء كثيره مثل معمار واسلاك الكهرباء و و و نسيت الباقي ..
وقال فيه شهاده ولازم تجتاز الاختبار اذا رسبت تعيد الدوره مره ثانيه ...

حتى اني لما دخلت عليه في القاعه لقيت 7 او 6 شباب يختبرون ....
فيه ناس لقيتهم هناك يقولون ليه وقت الدورة راح تسكن عندنا بدون مقابل ولما رحت للمسؤول عن السكن قال هذا الشيء خاص بالمهنيين فقط إنتم مالكم سكن ...

رجعت لموقع العمل ولقيت مهندس سلامه في مكتبه سألته كذا سؤال
الاوفر تايم قال 40 او 44 ساعه اضربها في الراتب الاساسي 3000 ريال واقسمها على 1.5 واطرحها مدري من ايه المهم الاوفر التايم حق (( الدبلوم )) أقل تقدير يوصل 825 ريال في الشهر ...

لما حسبتها وقلت لو التأمينات أخذت 400 ريال من الراتب حيكون الصافي 4991 ريال ...
هذا الراتب خاص بالدبلومات 3000 + 750 + 500 + 341 + 825 = 5416 -400 ريال 5016 ريال
400 حق التأمينات الظاهر اني غلطان يارب ما يكون أكثر
المهندس يقلي التأمينات خصم 9% بس مدري
طيب لو قلنا التأمينات تاخذ 500 ريال
يطلع الاجمالي 4916 ريال ...

ملاحظه هذا لو قلنا الاوفر تايم راح يطلع لك 825 ريال بالشهر أما لو أكثر اكيد حيكون الراتب أكثر من كذه
لأن المهندس قلي بعد ما ضربنا وقسمنا وطرحنا حسبه طويله عريضه قال لنقول 40 ساعه بدل من 44 ساعه

الله يوفق الجميع وإن شاء الله نشوفكم قريب في العمل

اقلكم شيء... بعد شوي بجيب العقد اللي صورته عندي وقلكم عن المكتوب فيه بالنسبة للراتب أحس أني لخبطت بالحيل

والله تصفحت المنتديات عشان أعرف خصم التأمينات بس كل واحد يطلع لنا بكلام غير

المهم

بالنسبة لأصحاب الدبلومات

راتب أساسي 3000 ريال
بدل سكن 750 ريال ( 3 أشهر ) ما فهمت قصدهم اش معنى 3 أشهر واحد من اصدقائي يقول يعني يعطونك 9000 ريال آخر السنة و750 ريال تمشي معاك كل شهر ... (( اللي يعرف ياليت يقلنا )) أنا نسيت لا أسأل عن هذا الشيء ..
بدل مواصلات 500 ريال
بدل الاجازة 341 ريال ( 30 يوم في السنة ) الظاهر إن اللي ياخذ اجازة ما ينزلون له الـ 341 ريال .
بدلات أخرى ( صفر ) سألت واحد من المهندسين قلت يعني الاوفر تايم ؟ قال لا
ولي صديق يقول يمكن تأمين طبي وغيره ...

نسيت أقلكم شغله مهندس السلامه اللي قابلته يوم الخميس قلت له ممكن شركة بن لادن تأمن لي سكن وأتنازل عن بدل السكن 750 ريال ؟ قال ما اقدر افيدك لكن فيه واحد اسمه القرني يفيدك فيها ... وقال فيه ناس يشتغلون في بن لادن أخذوا سيارات من الشركة وشالوا عنهم بدل المواصلات ...

قبل شوي حسبت انا وواحد صديق ليه مدير ماليه في أحد المؤسسات الخيرية
قال يمكن التأمينات يخصمون من 420 ريال فقط ...
وحسبنا التالي
3000 + 750 + 500 + 341 + 825 ( أوفر تايم حسب الراتب الأساسي للدبلوم 3000 ريال ) = 5416
هذا الراتب الاجمالي بدون خصم التأمينات الحين نخصم التأمينات 5416-420 = 4996 ريال ...

هذا على أساس الاوفر التايم 40 ساعه 825 ريال لو كان اكثر راح يزيد الراتب ولو كان التأمينات تاخذ أكثر من 420 ريال راح يقل الراتب يمكن 90 ريال على اكثر تقدير ...

اللي يعرف خصم التأمينات 9% كم تساوي يقلنا ...

باقي شيء مهم المهندس حسب لي الزيادة السنوية لأصحاب الدبلوم (( 250 ريال كل سنة )) الظاهر حسبه على أساس الراتب 3000 ريال ...

8
8
طريقة حساب بدل السكن, ٣أشهر أساسي,, يعني راتبك الأساسي × ٣ ÷ ١٢شهر = ٧٥٠ ريال تنزل لك كل شهر
والتأمينات يخصمون ٩٪ من الراتب الأساسي+بدل السكن
يعني في حالتك ٣٠٠٠+٧٥٠=٣٣٧.٥ ريال تخصم من إجمال الراتب
الأوفر تايم وبدل النقل وباقي البدلات ماتدخل في حساب الخصم للتامينات
ومبروك عليك الوظيفة

الان لي 9 ايام بعد وصول رسالتهم لي باكمال بياناتي

والطلب مثل ماهو باقي انتظار

ماتتدري اخوي نواز كم ياخذون وقت .. مهند اتصلنا عليه الاربعاء في اجازه باقي ماوصل

وربي يسهل الامور ان شاء الله

فيصل

الدوره حقت المهندسين ولا حتى مراقب امن وسلامه

والدوره فيها انجليزي : (

ياليت تعطينا تفاصيل عن الدوره اذا تعرف وهل سهله ولا فيها صعوبـه !

====

بالنسبه للعقد ياريت تورينا اياه عشان نعرف ( إذا ربنا كتب ) اللي لنا واللي علينا

والف مبروك ياقلبي تستاهل كل خير ياعسل