[align=center]
كذذذا اوووفر بزياااااده ..
انتم جالسين تذلون الشعب بــ هالالفين .. ترى ما صارت هذه .
من شروط تعجيزية الى جرجرة المحاكم .. ليييه ؟؟
هذا حق اصيل لنا في البلد .. و لاانتم جالسين تخالفون قرارات الملك ؟
وبعدين ع طاري المحاكم .. الان عرفتم طريق المحاكم ؟؟
طيب والحراميه اللي ناهبين مليارات البلد من اللي جالس يحميهم ؟
ولا بس انتم حيلكم ع الشعب البسيط و المطحون في هالبلد ؟
ترى للصبر حدود !
[/align]

انا انصح الكل يسجل ويصير نصف المواطنين موظفين ونصفهم مسجونين وكدا حنقظي عالبطاله
خخخخخخخخخخخخخخخخ

بصراحه هالشباب الي تعلق مالها حق ماتستحون قاعدين بالبيت وتبون اعانة كانكم حريم روح اششتغل زبال انشالله ولا تاخذ اعانة انتو رجال شباب المستقبل يابو زعم اذا انتو هالحال احنا البنات وش نسوي نلطم

عيب والله عيب استحو خيلو

حسبي الله عليهم الله لا يوفقهم ولا يهنيهم
حراميه عساها نار ببطونهم يوم القيامه يارب

اذا فيه خير خله يسجن 700 الف عاطل اذا يقدر وعلي فكره ترا الصبر له حدود حنا وصلنا مرحله الانفجار من اللي صايرلنا

خلاص ماعاد الوضع يطاق الي متي يلعبون فينا ترا ما حنا غنم حنا بشر كل شي يجينا مايحتاج نشحد

حسبي الله ونعم الوكيل

الله يرزقنا بالوظيفه من عند الكريم اللي تغنينا عن تفاهات الناس السخيفه المتجمعه

ومسويه فيها اعانة عاطلين وهم شحذ عاطلين

ربي ارحمنا برحمتك ياارحم الراحمين

إلى كل الأحبه في هذا المنتدى الغالي :
أتمنى من أي محب في هذا المنتدى إقتباس ردي هذا والبحث لي عن محامي وإرسال رسالتي إليه متمنيا أن يصل صوتي إليه . أنا ماأقدر أدخل في تفاصيل المعاناة مع البطالة والمعاناة بعد التخرج وهضم الحقوق والأمور التي عايشناها كشباب من جميع البرامج التي وضعت لخدمة الشباب من :
( حافز ، جدارة ، دعم مشاريع الشباب التابع للغرف التجارية والموارد وصندوق المئوية وغيرها ) ولا أقول إلا
حسايف راح العمر . آخر الصدمات ( حافز ) ووزارة العمل تتوعد سوف نحاكم و..و..و.. إلخ . وأنا أقول إذا كنت أستحق ومنكم ضاعت السنين راح أتقدم برفع شكوى على ( مديرالموارد البشرية ) من خلال مكتب محامي واللي يصير يصير وأوراقي وشهاداتي وملفاتي ومشاركاتي وحقوقي الضائعة محفوظه من زمان عندي إلى اليوم . والأخوان يتوعدون نعم تعديت ال35سنه وإذا وصل الأمر ومالقيت ( محامي ) وحولتوا موضوعي للمحكمة فهذا عز الطلب عندي وماوراي شغل . راحت السنين وأنا أجتهد وأشارك وأحاول ماغير شهاـدات يشيب لها الراس من كثرها تركتوا كل شي ووقفتوها على هذا عمره كبير هذا متوفي هذا عنده سجل هذا وهذا .
كل ماذكروا في إستبعادات حافز يستاهلون هالمكرمة . متوفي الله يرزق ابنائه ليه الحسد . عنده سجل يمكن عنده آجار إلتزامات وغيره . عمره فوق 35سنه طمنوا قلبه وريحوه يستاهل . ولاتنسون أخواتنا العاطلات والله عندهم معاناة مايعلم بها إلا الله خلوا بناتنا يفرحون بهالمكرمة .
ياجماعة أنا أتمنى ( محامي ) يقول لي تعال للمكتب وجب كل الملفات وأكيد إن أي موضوع راح أطرحه مؤكد أنه يلمس معاناة كل الشباب الموجود في هذا المنتدى الغالي . وكل مابين موضوع وموضوع يدور بيني وبين المحامي راح أقول : صدقني ماهي معاناتي أنا بس كل الشباب مثلي عندهم آمال وطموح ) وشف فعايلهم بنا .
أتمنى أحد يوصل صوتي لـ ( محامي ) يحب الشباب وطموحهم وآمالهم .
وإذا أرادة إدارة الموقع متابعة الموضوع فهذا يشرفني في وقت التواصل مع المحامي وإذا كان هذا صعب في أني أجد محامي فالأكيد إني مقدم عليهم وعمري فوق ال35سنه وأنا جاهز لإستدعائهم وماراح أحدث بياناتي ولا راح أكذب أو أخاف هذا أنا وهذا عمري وهذي مكرمة والدي الملك عبدالله الله يحفظه .
ياناس قلب أبومتعب كبير وعاطفته واضحه على الشباب الباحث عن عمل ولكل المواطنين يكفي والله إننا نشوفه بخير وصحة وسلامة وهذا الأهم سواء صرفوا حافز أو ماصرفوا .

حسبنااااااا الله ونعم الوكيل فيهم

الله ينزل فيهم أشد عذابه ..