بسم الله الرحمن الرحيم
السلام عليكم ورحمة الله وبركاته

صباح الخير اخواني الاعضاء و الزوار

الزبده -,’

شرط القوات الجويه الملكيه السعوديه
( شهادة من نادي سعودي رياضي مصدق من الرئاسة العامة لرعاية الشباب )


كيفية استخراج الشهاده من نادي سعودي رياضي ؟؟

الله يعافيكم الله عنده معلومه يقدر يفيدني و يفيد فيها الاعضاء و الزوار اللي حابين يقدمون الله يخليه يعلمنا ولا يبخل علينا ,’.


ياليت تعفونا من المشاركات اللي ما تسمن ولا تغني من جوع
اذا فيه معلومه متأكد منها تفضل و قلهــآ

بالتوفيق لنا ولكم و لجميع العاطلين ان شاء الله

وشكراً مقدماً لكم و لـ / مشرفنا المتألق " مجنون شهار "

الختم حق ارعاية والشباب


اما انا متخرج ادارة مكتبية وشكلهااا مالهاا مكان عندهم

ايه والله ياشباب نبي نعرف كيف هذي الشهادة
حيييييييييييييييييييييرة تااايم

[align=center]وعليكم السلام ورحمة الله وبركاته

العفو ياخوي لا شكر على واجب
وكلنا نعين ونعاون

بالنسبه للشهاده
هذي شهادة بمزوالة رياضه معينه من نادي رياضي
يعني مثلا شهاده تفيد بان فلان بن فلان يزوال السباحه ومتقن لها ومن هالكلام
لان الجندي الرياضي بيصير مدرب بعد التعيين بس طبعا راح ياخذ دورة اعداد المدربين وهم راح يرشحونك لها

والجندي الرياضي ارييييح بكثير من جمييع التخصصات
لان دوامها بلبس رياضه بالصالات الرياضيه اللي بالقواعد
وثاني شي بيستلم علاوة مدرب وهي 25% نفس علاوة التدريس
واذا يفت كوره او له هوايه حلوه متقنها يشارك مع منتخب القوات الجوية وبالمسابقات اللي تقام
سواء داخليا او خارجيا
وراح يكون مشرف على اختبارات الترقيه لان فيها اختبار لياقه

يعني دوامها كله رياضه برياضه والبدله العسكريه تنساها نهاااائيا
الا بالرسميات فقط


وانا راح امر على الشباب بالتجنيد بكره وبتأكد من وضع هالشهاده وكم مدتها اللي يبونها وايش الرياضات اللي يبون
هل فيه شي معين او اي شي .

بالتوفيق لكم جميعا

[/align]

^^

يعطيكم العافيه يالغالين ما قصرتوا وما تقصر يا مشرفنا و ان شاء الله ننتظرك بكره في نفس هذا الموضوع و نشوف وش هالشرط الغريب العجيب

و بالتوفيق يا رب للجميع

نشوفكم اليوم العصر ان شاء الله ,’ فمـآن آلله

طيب اخوي مامعها الا المتوسطه يعني لازم يكون معاه شهادة من نادي سعودي رياضي مصدق من الرئاسة العامة لرعاية الشباب عشان يقدم
ارجوا الرد

^^

ايه

كفاءه + شهادة من نادي سعودي رياضي مصدق من الرئاسة العامة لرعاية الشباب

بالتوفيق ان شاء الله للجميع
واليوم بعد العصر راح يرد علينا مشرفنا الغالي مجنون شهار و يفهمنا وش موضوع هالشهاده !!

كل مره بشرط اجن من الي قبله صدقوني بيجي شرط يقولو الي حاصل على دوره في كأس العالم يصير مدرب

بكره ان شالله اجيب الخبر