[align=center]
ساعدوني ياخوان انا ما حصلت وظيفه من 5 سنوات وربي زهقت وطفشت
اه اه اه تكفون ساعدوني خلاص مليت
كرهت نفسي وكرهت الحياه

آآآآآآآآآآآآآآآآآآآآآآآآآآآآآآه

أقسم بالله أني أفكر بالانتحار

حياتي كلها مشاكل
صرت عالة على أهلي وخاصة أبوي اللي هو مقتدر مالياُ
لكن أنا أبغى أعتمد على نفسي ولا أبغى أخذ منه ولا ريال
وانا رجال ابعاه يعتمد علي مب انا اللي اعتمد عليه
يعطيني فلوس ويجبرني أني اخذها لكن أسلوبه في المد تحز في النفس
وكل ماحصلت مشكلة داخل البيت قام يخاصم وينافخ ويذلني بالكلام
أنت عايش في نعمه وخير مع أخوانك والا كان طردتك من البيت
من غير السب والشتم واللعن ويدعي عليه
في الاخير صار يعاملني كـ مريض نفسي وأنسان فاشل في الحياة
حتى أخواني صارو يرددون لي الكلمات هذه .. أنت فاشل ، أنت مريض
كل ما حاولت اعزل نفسي عنهم واعاملهم بالحسني وابتعد عن المشاكل
لكنهم اتهموني بالتمثيل واني منافق
وهم ما يدرون أني أحترق من داخل نفسي
والسبب أني عاطل ماني مريض ولا فاشل
تعبت نفسيآ ومعنويآ كل يووم أقول الفرج بكرهـ
أقسم بالله مالقيت أحد يحس فيني
أبغى أفرح وأبغى أضحك وأنبسط مثل الناس
أبغى أعيش حياة هادئة وحياة كريمة بدون مشاكل
مكتوب عليه الشقاء والهم والغم والعذاااااااااااااااااااااااااااااب
ضاعت 5 سنوات من حياتي هباءاً منثورا لا دورات علمية ولا هم يحزنون
تكفى يابو متعب أبغى وظيفة حكومية تأمن مستقبلي وأتزوج وأفتح بيت
مليت من هذه الحالة إلى متى وأنـــــــــــا عبئ على أهلي ..
وين أروح كل ماجيت أقدم قالو افضليه ومفاضله ومادري ايش
وشروط تكسر الظهر رغم لنا الحق بالوظايف اكثر من الأجنبي
ماصارت حالة هذي حتى العسكريه قامو يتغلون علينا
وياخذونها بسنة التخرج والنسب وشروط تعجيزية مثل الطول وغيره ..
ياشباب حياتي بدون عنوان ولا أدري وش أسوي أنصحوني تكفون

أخوكم بندر الأحمدي من جدة 25 سنه

[/align]

لا تيئس غيرك كثير عاطلين
واكثر منك كمان ناس واصله اعمارهم حول 30 وللحين عاطلين
وش شهادتك انت ؟؟

الله يفرج همك ويشرح صدرك ويوفقك

كثر من الاستغفار ونا اخوك

ماضاقت الا فرجت
وانت كمان كل ماتسمع بتقديم قدم
واذا انت ياااائس خش الجيش
ترى الجيش ماعاده زي اول كرف ومدري وشو

اتمنالك حياه سعيدة ي خوي

[align=center]
شهادتي ثانوية عامة ..

علمي
[/align]

مثلك بـ التمام - بس الحمدالله رافع نفسي والحمدالله ,, خلال الخمس سنوات الي جالسها
ماخليت احد يطلع لسانه علي ؟؟ الا بـ سوال واحد بس انت ماتوظفت لـ قابلت الناس
ولا انا الحمدالله ./، بـ طريقتي الخاصه { أعرف اجيب لي الي ابيه سواء فلوس ولا غيره } طبعأ الطريق الي اجيب منه فلوس انجبرت منه من اول سنتين عاطل بما ان طولي 177 ووزني متناسق وشهادتي ثانوي

وانالـ ألحين عاطل بس الحمدالله { أنجبرت على طريق اجيب منه مصروفي } وفلوسي وسيآرتي والا اخره ..،

الا ان الله - يفرجها انشالله واتوظف - واترك الطريق الي انا فيه لـ وجهه الله
ولاتيئس { دور يمين يسار } شوف الشركات العاديه لين الله يفرجها

شوف العثيم رفعو الرواتب لـ 3800 ريال الحين لـ السعودين ؟؟؟
وكارفور يعني تمضيت حال الا ان تحصل الي تبيه وبـ التوفيق انشالله

تقبل تحيآتي ...

[align=center]لا تياس من رحمة الله
خليك صبور وانا اخوك فهناك الكثير من العاطلين مثك وزود
ولا تفكر انك تنتحر فهذا حرام حرام حرام
واهم شئ رضى الوالدين لاتفكر انك ترد عليه علشان لا يرتفع عليه الضغط لا سمح الله
واهم شئ الصلاة ومن ثم الصلاة ووو صلاة اليل (الوتر)
وفي الاخير
اهم شئ الصبر ومن ثم الصبر والصبر مفتاح الفرج[/align]