باين في كلماتك نبرة الالم ..

اتمنى من الله ان يوفقك ويسوق لك الرزق الحلال اللي يغنيك عن حرامه ..

حقيقة كان لازم يكون عندك توقع لأسوء الاحتمالات ..

عشان تتجنبين الصدمة على حسب قولك ..

حنا لسنا في بلد يوفر الوظائف في غضون شهر او شهرين ..

الوظائف هنا يبي لها شوي صبر ..


ولاتقولين انك ماشية في درب غير صحيح ..

مادام انك تحرصين على الدورات واكتساب المهارات فانت ماشية صح ومامنك تقصير ..

درستي وجبتي نسبة عالية وبحثتي وبحثتي مامنك تقصير بالفعل ..

فانا نصيحتي لك كأخ الحرص على الدورات واكتساب الخبرات ..

سواء لغة انجليزية او حاسب او سكرتارية او اي مجال اخر ..

لكي تدعم ملفك اذا تقدمتي في اي مكان ..

واسالي الاخوان ادرى مني بها الموضوع ..


ولاتنسين ولاتنسين ...

رضا الله ورضا الوالدين والحرص على اداء الصلاة في اوقاتها والدعاء ..

وربي ان شالله مايخيب املك ..

تحياتي لك وانا حاس ان الايام الجايه تحمل معها اخبار سارة لك ان شالله ..

اختي ما فيه احلي من انك تطرقين باب الرحمن في اخر الليل وانتي علي سجادتك ماحد يسمعك غيره اسال الله العلي العظيم ان بفرج همك اختي
وش تقولين من اللي متخرجه من الجامعه بمعدل عالي ومرتبة شرف وما حصلت وظيفه

اول شي يا اخت عزوف الجروح انا اول من قرا الموضوع هذا بس انشغلت وما امداني ارد عليك.....

لكن برغم كل اللي ذكرتيه احسني الظن بالله وخلي ثقتك فيه وصدقيني راح تنالين مرادك

انا كنت ادرس في الكلية الصناعية في ينبع وبقي لي 17 ساعة فقط واتخرج لكن عقم النظام كان سبب في فصلي....

تحطمت (مؤقتا) لكن مافقدت الامل بالله....وكنت على ثقة بأنها بتفرج لكم ما أدري ...مسألة وقت.....

والحمدلله فرجت والان شغال براتب مهندس...وكل شهر ربي يكرمني ....ويسخر لي اللي يخدمني وييسر اموري

بس انتي احسن الظن في الله وتشوفين العجب

عزوف الجروح الله يفتحها في وجهك يااارب ويرزقك عاجلآ با الوظيفة الي تناسب مؤهلاتك والي يتعلاعب في بنات الناس من مجرد تسلية الله يبلاة في نفسة ورح يلقيها قدام عيونه وصدق المثل الي قال من دق باب الناس دقو بابة ولله يرزقك بالي تتمنينه ويحفظك لهلك ياااااااااارب وكل بنوته سعودية تخاف على نفسها أأأأمين يااارب

انا مع اخوي الدبلوماسي الانسان لابد يحسن اظن بالله ولا احد يدري المستقبل وش يخبي غير الله سبحانه وتعالى سبحان الله يا اختي عزوف ما تتوقعين كيف كانت الدنيا ضايقه علي قبل ثلاث سنوات وربك يوم جاب فرجه وربي انها تنهال علي الخيرات من حيث لا احتسب مو شرط ماديه لكن بجميع اموري مارحت لمكان وتضيق الا فرجه سبحانه يسبقني..اخر شي كان موضوع ايست منه اني اضيف ابنائي معي هالضمان الاجتماعي ورفض المدير المسؤول واغلقت جميع المنافذ من قبل عيد الاضحى وانا مقدمه وخلاص غسلت يدي انه يتم هالشي بعد رفض المدير لكن سبحان الله ربك سخرها وتم اضافت ابنائي يوم الاربعاء الفائت وربي اننا نخجل كيف لا نحسن الظن بالله وهو بيده كل شي...دائما ضعي املك في الله كبير وتوقعي ان ربك فوق كل شي والي مكتوب لك بيصير....وتأكدي انه كل ما ضاقت عليك اعرفي ان فرجه قريب...الله ويوفقك