السلام عليكم ورحمة الله وبركاته

كيف الحال عساكم بخير




انا حابه افضض واقول الي بخاطري وبكل صراحه بعد ماتاكدت اني بحاجه اني افصح عن الي بخاطري ولأول مره وبمنتداكم الي هوصار منتداي بعد مانظميت فيه



بقولكم حكايتي والاحداث الي مرت علي وبكل اسف
انا اتخرجت من الثانويه بنسبه مرتفعه ولله الحمد وكنت احلم اني اكمل دراستي الجامعيه بعد ماسهرت اليالي عشان اني اجيب النسبه

وبعد ماجبتها أبتدت قصة معاناتي
الي اثرت علي

وحده مبسوطه اول ماتخرجت ومعنوياتها 100على 100 ومتحمسه للحياة وللدراسه وللوظيفه


بعد ماخذت نسبه عاليه للاسف مانقبلت بأي مكان للدراسه وتحطمت نفسيآ الى درجة ان بعض الكليات قدمت عليها اكثر من 5 مرات بشهر واحد تخيلوا يعني

هذي اول سنة تخرج وبعدها للملمت جروحي وشلت الجامعه من بالي بشكل مؤقت وادخلت معهد ودرست كم دوره عشان اضيع وقت واستفيد

وخلصت دورات
وبعدها مانكتب للي اقدم للترم ثاني وبعدها صرت اقدم على وظايف على حسب المؤهلات


الي عندي ولله الحمد صح مادرست جامعه بس العلم الي عندي ممتاز وانا احب اتعلم

ومابقى شركه ولاومستوصف اسمع انه فيه توظيف الا وقدمت فيه وكنت اتامل خير وجلست سنه ونص على ذا الحال يعني مافي قبول ابد ونفسيتي كل مالها وتتحطم والمم جروحي واصبر واقول الحمد لله


وفي مره من المرات صارلي موقف مرتين تكرر معي قدمت على شركه وكلمني موظف شؤون التوظيف

وعلى بالي الرجال على اتصالاته وكل فتره متصل يسال عن شي انه صادق ولكن للاسف يبي يتسلى ويغازل على باله ان البنات لما يقدمون على وظايف قصدهم كذا

بدل مايحافظ على خصوصية البيانات الي عنده ويسوي شغله على اكمل وجه قام يتسلى بالاسماء ويتصل بالله عليكم موشي يقهر ليش وصل بعض الشباب الى هذي درجه

بدل مايساعد ويشوف شغله يروح يضايق خلق الله


بس احمد ربي ان انا ماخذه حتياطي للتوضيح بس انا cv يعني السيره الذاتيه حقتي اكتب الاسم الاول والعائله ورقم جوال
بس رقم الجوال وانا مخصصته بس للتوظيف يعني مش جوال الي اكلمه فيه عشان كنت حاسبه حساب المواقف الي تصير

لان في ناس ناقصين عقل مايهمهم الا ان يتسلون المهم
اخذت درست من الي صار معي وكملت مشواري بتقديم وبعد فتره تصلت علي وحده من موظفات لاحد شركات النسائيه ونبسطت ويوم
رحت تدرون وش قالولي
قالولي دوام 9 ساعات والوظيفه مندوبه مبيعات وياليت هذا السبب لا قالولي الراتب 300 ريال لكل اسبوع ولو انتي بالمكتب وماجبتي شغل لكل اسبوع تنخصم منك 300 يعني احسبوا كم راتب

1200تقريبآ واذا مالقيت شغل مافي امل تاخذ راتب وعلى طول تنطرد يعني اطق مشوار على الفاضي والشغل ارزاق مش شرط احصل شغل كل يوم وتركت الوظيفه من ثالث يوم

ووكلت امري لله وجلست بالبيت والى الحين وانا متعلقه بسراب
وهذي سنه نفس العام محد قبلني بالجامعات رغم نسبتي الي تاهلني ادخل الجامعه وبنتظام بعد بس مانقبلت رغم اني بعد هالسنه قدمت اكثر من 7 مرات رحت انا وراح اخوي وراحة ابوي ولا لقيت قبول



ادري بتقولون اجلسي بالبيت انتي بنت بس احب اقولكم وش ذنب البنت اذا عتمدوا عليها اهلها بان تنفعهم بعد ماتعبوا عليها ودرسوها

الحمدلله انا مش فقيره الحاله متوسطه ولله يعني عايشين بنعمه ومش محتاجين احد



بس انا عندي طموح وطموحي كلها طارت ماشفت شي مابقى موقع ماقدمت عليها مابقى فاكس مارسلت عليه قولولي بالله انا وش اسوي ؟؟؟؟؟؟؟؟



لا دراسه ولا وظيفه
انا اسفه على الاطاله بس هم بصدري ودي افضضه بينكم ومن زمان شايلته وانا ماذكرت اشياء كثيره تحفظآ عليها

ويمكن تتفاجؤن من صراحتي الزايده وخصوص اني بنت وتكلمت اتمنى ان الموضوع ماينحذف لاني ابي اشوف ردودكم ورايكم وشوركم علي



لاتقفلونها بوجهي بعد لاني تعبت من صدود ابي اشوف ردود تفتح النفس وتعلقني باالامل الي بدا يقل وينفقد يوم بعد يوم وجلسه على النت اكثر من 11 ساعه تخيلوا بس عشان ادور وظايف الله كريم الحين بس ابي احد يواسيني ويواسي الغير الي مثل حالتي



تقبلوا تحيات العاطله االمكافحه

عزوف الجروح

الأخت / عزوف الجروح..

عندما نعلم أننا نعيش اليوم ...
ونوقن أن الغد سيأتي..
ونؤمن بقدرة الله عزوجل..
عندهااااااااااااااااااااا..
سندفن اليأس...
ونزرع الأمل...

فلاتدعي اليأس يتمكن منكِ..والله إنني أحكي لكِ من تجربه ففي يوم من الأيام تملكني اليأس ونظرت للدنيا نظرة سودويه..ولكن بفضل الله تعالى تغيرت نظرتي ..فبدأت بتغيير حياتي .. إخيتي الأمل يبدأ من داخلك ..أيقني أن الرزق بيد الله ..ولا تدعي رفض الجامعه أو رفض الوظيفه يقف عائقاً في مستقبلك ..إبحثي وإبحثي ولا تيأسي ..بل تفاءلي بالخير..وأجعلي حكمتك ((علمت أن رزقي لن يأخذه غيري فطئمن قلبي))..وعليكِ بالـــــــــــــــــــــــــدعــــــــــــــــــــ ــــــاء..

أسأل الله أن يوفقك.. وأن يسهل دربك.. وأن ييسر أمرك..وأن يكتب لك الخير عاجلاً .....

كل على همه سرى وانا على همي سريت

لاتفقدي الامل المستقبل قدامك ان شاء الله ..توك في بداية الطريق وانا اشوف انك

تكملين دراستك الجامعية انتساب ازين..او تدرسين على حسابك خلي عندك طوح

وهدف وان شاء الله راح توصلين له ..

واسال الله ان يفرج همك ويرزقك

الزمن لا جار والحظ وقف ضدك *** اصبر على المقسوم خيره وشره


بالتوفيق اختي والله مدري وش اقول بس الله يوفقك ويرزقك الرزق الحلال ويريح بالتس

[grade="8b0000 Ff0000 Ff7f50"]
اختي عزوف
اولا
س / كم نسبتك في الثانوية ؟

ثانيا

انا مثلك تخرجت من الثانوية مالقيت مكان يقبلني والله العظيم ماخليت كلية ولا جامعة الا وقدمت فيها

ولاكن بفضل الله ثم بفضل لاجتهاد والامل انقبلت في معهد الادارة وماكن متوقع هذا الشئ

ولاكن الارزاق بيد الله واصبري وعليك بالاستغفار فوالله الذى لااله غيرة انه يجلب لكي الرزق من حيث لاتعلمين

الصبر ....
الصبر ....
الصبر ....
الصبر ....
الصبر ....
الصبر ....
[/grade]

والله اختي المعاناة كلن يعانيها..



انا اخذت امتياز ولا دخلوني القسم اللي ابي.. دخلوني قسم ثاني..


تعبت ودرست وسهرت ليالي والله تعذيب.. واخر شئ بالبيت جالسه شهادتي مرمية بالدولاب..

ما مستفيدة منها شئ..


مندوبة مبيعات ما انصح بنت تدخلها.. انا رحت وقالوا لي راتبك 1900ريال..

بس ايش المهزلة انا اشتغل وسط شركة امريكية كلها رجال..

ومن ادخل اللي لى الباب ماسك رشاش..

السيارة ممنوع توقف يم المحل من خوف انها تفجير..

المكان اذا اتصل بالزبون.. لازم وراي صوت موسيقى.. واغاني ما تطفي ليل ونهار..قلت انا ما اسمع اغاني.. قالوا مضرة عشان عملك تقبلين..بعدين قالوا لازم تجيبين كل يوم 20 شخص غير اللي بالعمل..


قلت لصديقتي ترى اذا دخل ارهابيين المكان ما راح يقولون بنات مسلمين.. بيقولون كافرات جالسين مع امرييكان واغاني يا سلام..



بس انا مستغربة النسبة اذا عالية تنقبل بسرعة..الا في الطب يكون صعب..

اذا لزم الامر سوي اعلان بالجريدة.. على طول يدرسونك...

والاهم قبل هذا وذاك..خصصي لو ربع ساعة باليل وتهجدي فيها وادعي ربك بكل اخلاص.
.واقراي سورة البقرة قال عنها الرسول..اخذها بركة وتركها حسرة ولا تستطيعها البطلة..
والاهم كثير من الاستغفار.. والله الاستغفار ما تتصورين شقد يفرج الكرب وسألي مجربة..



انا في اختبار وكان صعب جدا جدا جدا جدا فوق ما تتصورين دخلت الاختبار.. وسويت خطأ على الورقة.. كل اجاباتي صحيح بس خط بسيط خربط الحسبة لانه بالكمبيوتر.. اغمى علي بعد ما طلعت من القاعة لما اكتشفت الخطأ..يعني راسبة. وهذي المادة صعبة بدرجة لاتطاق...دكتورة المادة الله لايوفقها.. قالت لي ارسبي وش وراك.. ومستحيل اخليك تنجحين.. وانا اترجها .تراعيني..قالت لا..وكانت تتضحك.. وتقولي انتي اصلا غاشة بالامتحان..قلت شلون غاشة.. انا اكبر من اني اغش..رجعت البيت انهرت ورحت المستشفى اخذ ابر.. يالله كيف انا برسب والمادة جهنمية يعني بعيد السنة كاملة لانه مستحيل اقدر اذاكرها بالصيف.. واخر شئ لزمة الاستغفار.. وكنت احافظ على صلاة الليل وادعي ربي انه يكفينهم بما شاء.. وانه يمدني بنصر من عنده.. وادعي عليها اللهم ان نجعلك في نحورهم ونعوذ بك من شوروهم..


تعرفين اسبوعين .. واخذت النتيجة .. نحجت بالمادة..وانا مقرر علي الرسوب..


والله يوفقك يارب وعقبال يارب ما تبشريني انك دخلتي الجامعة والله يوفقك

اختى في كلام كثير كنت ابقوله بس افضل خير الكلام ما قل ودل
ما بعد الصبر الا الفرج وما بعد العسر الا اليسر عليك بكثره الدعاء
واللالحاح عليه فان دعوة المظلوم ما بينها وبين الله حجاب عليك بالثلث الاخير من الليل فا ن الله عز وجل يقترب من السماء الدنيا
والله يحقق لك اللى تتمنيه في القريب العاجل