20-08-2012, 11:24 AM
|
|
Guest
|
|
تاريخ التسجيل: Oct 2011
المشاركات: 126
معدل تقييم المستوى: 0
|
|
شبآب الله يجزآكم الجنهـ ..
بآب رزق جميل مجرد ممول للمشآريع الناشئة التي قيمتها تكلف اقل من 150 الف بالرياض و200 الف بجدهـ
طبعآ شروطهم شوي تعجيزية موا مرة لكن فيهآ شوية تعجيز عروض اسعار ومقآبله اصعب شيء بالدنيآ
وشوية شروط الي بيروح لهم بتطيب خاطره بهالمشاريع ..
وباب رزق عبداللطيف جميل هي جهة تمويلية وليست بنوكـ .. يعني تقبل الطلاب والاشخاص الي مايعملون
وتدعم المشآريع الناشئ فقط فقط فهمتوا الفرق بينهم وبين البنوكـ ..
واما الي يقول عبداللطيف جميل ماله نسبه او بدون فوائد فأقولهـ الرجآء كل الرجآء يروح يتأكد بنفسه قبل
مايتكلم وينصح به .. فكروا معي هل قد شفت جهة تجاريه بحتهـ بحتهـ مستأجرهـ صالات على طريق الملك عبدالله وقيمة الايجار مبلغ وقدره اخر السنه وفيها موظفين وتعاملات اكثر من الهبل ومدرآء واماكن وامور تشغيليه وتعطي الناس قروض لمشاريعهم بدون فوائد ؟
طيب فرضنآ ان هالجهة فيهآ خير وماتبي تكسب شيء وبتصرف من جيوبهآ كم بيقعدون وهم يصرفون من نفس الجهه .. صحيح فيه مساهمة للقرض من الحكومة الله يحفظهم لكن نسبه بسيطة لكل قرض والنسبه الاعلى تكون للجهة نفسهآ .. فرضنآ ان احد المشاريع خسر من يتحمل الخسارهـ من يرجع فلوس بدل فلوسهم حاولوا تفكرون قبل لاتطيحون .. والله خايف على الجميع من هالامور ..
بالنسبه لي تعمقت معهم وبعد مافكرت وكملت اوراقي فكرت وفكرت لحد ماطلعت بنتائج كبيرة وعظيمة يعلم الله اني طلعت وتركتهم بعد مارفض مشروعي المدير بداية وبعد كم يوم اتصلوا علي قالوا تعال مشروعك يعتبر مميز وكذآ لانه مربح بشكل غير طبيعي .. ولما فحصوا الاورآق والدراسات تفاجئوا ولكن سبحان الله بعد ماطلعت عرفت انهم ياخذون فوائد وهالفوائد ماتدري عنهآ إلآ باخر عقد توقعه معهم غير 6 الاف ريال رسوم اداريه طبعآ القسط حسبته ومبلغ القرض فطلع مبلغ اعلى من القرض فكيف يكون بدون فوائد ؟
كلامي ليس محاربه للجهة الداعمه ولكن خوف عليكم من التخبط في مثل هذه الامور .. لانك لو طحت ماراح يرحمونك ولاراح يرحمون الكفيل حقكـ ..
والله يوفقكم وحاولوا قبل ماتفكرون بنفسكم حاولوا تفكرون بالي حوالينكم لو فشلت وش بيصير فيني وفيهم؟
وامر اخر اسس نفسك صح وبعدين خذ قرض واشتغلبه بسيط وتكبر تكبر صح النمو بسيط لكن اظمن .. ولو خسرت لاسمح الله فهو قرض شخصي والبنوك الان تعطي مبالغ كبيرة تفيد في مشآريع ناشئة
بالتوفيق للجميع
|
العرض العادي
