03-12-2011, 06:33 PM
|
عضو مميز
|
|
تاريخ التسجيل: Dec 2010
المشاركات: 1,339
معدل تقييم المستوى: 584957
|
|
|
ماحصل معي في مكافحة المخدرات اليوم
[align=center]
السلام عليكم ورحمة الله وبركاته
الله يمسي الجميع بالخير
توجهنا صبيحة اليوم السبت 8 / 1 / 1433 هـ نحو مكافحة المخدرات في حي المونسية وصلنا على 8 ونص لقيت جندي دلني على مكان تسليم الأوراق لقيت ضابط ابن حلال عطيته اسمي
بعدها رحت لقيت حول 45 شخص أمامي والله أعلم نصيحة اللي عنده موعد يروح من بدري لايلحقني تأخرت وراح نهاري كله عندهم المهم هرجة رايحة وسواليف كان في ملازم أول قمة الإحترام والتقدير يسولف مع الشباب في الطابور دخلت بعد صلاة الظهر تقريبا دققت الأوراق بعدها قاسوا طولي ووزني مشينا الحمدلله طلعنا الدور الرابع عطوني طلب التحاق الصفحة الاولى كتبت اسمي وتاريخ ميلادي ورقم الهوية وتلفون المنزل والجوال بعد عطون ورقة الكشف الطبي دبسوا لنا الصور في الورقة والدفتر بعدها الله يطول أعماركم عطونا ورقة الأدلة الجنائية وورقة الأحول المدنية تطلب المدينة اللي تبيها وعطوني موعد يوم الأحد القادم بمشيئة الله 16 / 1 / 1433 هـ نسوي الكسف الطبي مع إحظار أوراق كل من الأدلة الجنائية والأحوال المدنية وتعبي دفتر طلب الإلتحاق وتجيبه معاك خرجت على نهاية دوامهم وراسي صار كبر الرياض من الوقفة الطويلة والجلسة الطويلة أتمنى التوفيق والقبول لكل من حالفه الحظ في القبول المبدئي
وتحية خاصة للقبول والتسجيل اللي كانوا في قمة الاحترام والتواضع لهم جزيل الشكر
هذا علمنا وسلامتكم
[/align]
|
العرض العادي
