السلام عليكم ورحمة الله و بركاته

حياالله البطاليه كلن باسمه

ان شاء الله انكم بخير ********>>لايكثر دش بالموضوع

شباب السالفه و مافيها ليه صديق قديم وقام فار راسي بسالفه وانا خايف منها السالفه انه فيه موقع بالنت تسجل كل بيناتك عندهم ويرسلون لك امراءه تتفاهم معاك وتكمل الاتفاقيه والسالفه انه تعطيهم 2500ريال والمقابل انه يدوك منتجات تستخدمها حسب مرضك ظغط وسكرومنتجات طبيه وهيك شي وكل ماجبت لهم شخص اعطوني 250دولارهذي هي السالفه ومافيها وانا محتار وماني مستوعب الموضوع و اللي قاهرني صديقي يزن على راسي زن غيرطبيعي كانه لقه مغارة على بابا ابيكم تنور طريقي للصواب مابي شي يضر نفسي واهلي وعلى راسهم ديني ثم ديرتي الخوف كله من المنظمات اللي خبركم اللي تستهدف ابناء اطهر ارض نوروني الله ينور طريقكم
وهذا موقعهم http://www.****.net/

[align=center]الموضوع غامض بالنسبة لنا بس اشوف اول كمين الجنس الناعم اللي يرسلونها لك ليش مافي رجال ![/align]

اهلا اخي
هذا يسمى التسويق الشبكي وكله نصب واحتيال
احذر منهم

تحياتي لك

تسويق ادوية مستحيل

راح اقرب الفكرةب مثال
انك تشتري منتج ب1000 ريال و هو قيمتة 100
طيب لية اشترية عشان تصير عضو عندهم اجباري تشتري
طيب وش الفايدة ؟ الفايدة ان كل ما جبت احد من جماعتك و شرء المنتج
راح تأخذ علية 250 ريال و هكذا

الفكرة فيها شبهه كبيرة من حيث الدين
وهذا اللي عندي

اخي الكريم احذر اشد الحذر من هذه النوعية من الشركات . والله انها شركات كلها نصب واحتيال . وهناك عدة فتاوى من عدد كثير من الشيوخ يحرمون التعامل مع مثل هذه الشركات . ومثل ما قالو الاخوان هذا ما يسمى التسويق الشبكي . وحاول ان تنصح صديقك ان يتركهم . لان صديقك ما ألح عليك الا عشان يستفيد من سهمك معاه

اللهم ينور دربكم مثل مانورتني جزاكم الله خير يااخوان

هلا آخوي ...
آنا انصحك من الناحية الشرعية حسب ما علمت وقرآت وبحثت
اذا كانت الشركة تتعامل بالتسويق الشبكي فيشترط فيها ثلاثة آمور :
١- ان لا يجبر المشترك على الشراء
٢- ان تكون قيمة السلعة في الشركة بنفس قيمة السلعة في السووق العامة او آقل
٣- ان لا يُشترط على من اردا الاشتراك دفع مبلغا ل الاشتراك ..

وآظن ان هذه لا تتوافر في امور التسويق الشبكي ..
وهذا رابط الفتوى ..