04-12-2011, 09:43 AM
|
 |
عضو سوبر
|
|
تاريخ التسجيل: Feb 2009
المشاركات: 415
معدل تقييم المستوى: 4389
|
|
عليكم السلام
انا كنت بالدفاع الجوي وانسحبت واقدر افيدك باللي اعرفه
اول شيء اذا قدمت يخلونك تهرول هروله طويله ويقيسون وزنك وطولك والامور هاذي
بعدين يدققون باوراقك ويعطونك موعد
يعطونك ورقه توقعها انك انت دخلت العسكريه برضاك وماحد اجبرك
بعدها يعطونك ورق خلو سوابق تروح فيها للجنائيه حقت البصمات
وباقي الاوراق عن بياناتك ومعلومات عنك اللي تحتاج معرفين وغيرها
بعدها يحددون لكم يوم يفحصونكم فحص دم وبول واشعه لصدر
بعدها يحللونكم مخدرات مرتين ويفحصون خصيانك علشان يتاكدون انك سليم من الفتاق
بعدين اذا خلصت مره
يعطونك موعد لدوره
مو ضروري تروح من اول يوم لدوره فيه ناس ماحضرو الا اخر الاسبوع
تعاملهم معاك عادى واقل من عادى
بس انت لازم تكسب الناس بلسانك وتكون علاقات
تنامون الساعه 9 أو 10 بالليل
وتصحون قبل صلاة الفجر بنص ساعه
اول ماتصحون تتوضون وتروحون للمسجد وبعدين للميز تفطرون
بعدين يصرفونكم للحضاير خمس دقايق وبعدها يدق البروقي
ولازم تكون بالساحه باقل وقت
يعطونكم حصة رياضه بالغالب تكون تمارين رياضيه
بعدها حصتين عسكريه بينهم بريك اذا تبي تشتري شي من البوفيه او تشرب مويه
والحصص العسكريه عباره عن تعليم للاستعداد والتحيه والمشيه وكل الامور هاذي
السلبيات فيه ناس يروحون الدوره يحسبونها زي السجن
بالعكس الدوره وناسه وفله وخذها على انها رحله او كشته
حاول تكسب كل الناس سواء اعجبوك او لا
فيه بنقالي يبيع دخان بس لازم تكلمه باسلوب حلو وتعطيه فلوس ولاتقصر معه
ولاتدخن بالحضيره او بدورات المياه وتجني على الفصيل حقكم كامل
لانهم راح يطلعونهم كلهم ويعاقبونهم لو ماحد اعترف
او اعترف وخذ لك جزاء سريع
مهما سويت وفعلت ماراح يطردونك حتى لو دخنت او تاخرت بالتحضير للبروقي
لاتنسى تشتري جززمه رياضيه زينه حتى لو غاليه علشان ماتتعبك
لاتنسى الشراب وكثر منه
وعلى اي حال لو نقصك شي لاتشيل هم لان فيه عسكر هناك يسجلون الطلبات اللي تبيها ويشترونها لك من برا مايقصرون
وغير كذا البوفيه حقتهم فيها كل شيء حتى الفنايل والسراويل والشراب وملطف الجو
اما بخصوص مدة الدوره على حسب الدوره اللي انت داخلها
مثلا اذا فني
اول شيء تدخل 45 يوم ماتطلع منها ابد
بعدين يطلعونكم كم اسبوع وترجع مره ثانيه 45 يوم بس هالمره تطلع خميس وجمعه
بعدها على حسب تخصصك اذا عندك تخصص تدرسه على حسب المده
واذا ماعندك تخصص تتخرج بعد ماتسوون عرض قدام اللواء
وبالتوفيق لك
|
العرض العادي
