لا اله الا الله
استغفر ربك اولا و ش انتحاره ؟ تعوذ من ابليس
و ليش تلعن الساعة اللي انولدت فيها ؟ ما يجوز يا خي انت مؤمن ,, لا تلعنوا الدهر
اولا ارضى بقضاء الله و قدره ,, اذا ما قبلك البنك الاهلي ماهي نهاية الدنيا ( لعله خير) يمكن ربك مسخرلك افضل منه . (استعينوا بالصبر و الصلاة )
و اذا على الزواج بامكانك تؤجله , , ,
و اذا لك سنه عاااااطل
محاكيك متخرج عام 2009 م ,, و للحين عاطل ,, معي دبلوم محاسبة كلية تقنية و دبلوم سنتين لغة انجليزيه
و 4 دورات حاسب , اشتغلت شغلات الاجنبي يفكر مليون مره قبل ما يشتغلها , اشتغلت مارشندايزر 3 شهور
ادور على البقالات و السوبرماركتات و اوزع اجبان و قشطة و ... كل منتجات البقر اوزعها من صباح الله خير الى نص العصر براتب 2500 ريال الين جاتني الام بالظهر و خليتها ,,
و للحين ادور على عمل ما يئست من رحمة رب العالمين
و عمري الحين 27 سنة ,, و احوالنا المادية ماشية بالبركة بيت اجار و ديون ,,
و قافلة الدنيا في وجهي من زماااان و اصبت بمرض القولون العصبي من العطالة و هبل فيني ذا المرض و الحمد لله على كل شي
بس ما توصل للافكار اللي تراودك ,,, انتحار ,,, سب الدهر ,, اعوذ بالله
اطلب ربك و بيسرها
( ان مع العسر يسرا ان مع العسر يسرا)