وش الي ينقض موظفي القطاع الخاص
1- سلم رواتب كما هو معمول به في الوظائف المدنيه والعسكريه ولا يتم التفريق بينهم وارغام الشركات على دفع نفس الراتب او ايقافها واذا خايفين ع اقتصاد الدوله ( اليابان ع غفله الي يسمعني يقول دوله صناعيه) الدوله تدفع جزأ من الراتب
2- بالنسبه للساعات الاضافيه يومياً 8 ساعات والحكومه اقل يتم دفع الفارق ساعات اضافيه كما هو مشروط في وزارة العمل الساعه بساعه ونصف والخميس اما اجازه او يعتبر دوامه اضافي والساعه بساعه ونصف سواء 5 ساعات او 8 ساعات
3- الاجازات عاد اكيد لكل واحد منكم اخ موظف في قطاع حكومي ويعرف الفرق
4- الانتظام في صرف الرواتب
5- ترقيات وتعديل في الرواتب سنوي كغيرنا من القطاعات
6- التحويل السريع للرواتب للبنوك لكي استفيد من خدماتها لاني اكيد سعودي ولا املك سكن او سياره ولا اقدر اتزوج بدون قرض
7- تشملنا المكرمات اذا جت شكلها مره وغلطه بعد
8- هذي اهم نقطه يكون لي مرجع حكومي واضح يبت في اموري بسهوله وبسرعه غير مكتب العمل الفاشل .
طبعاً اتذكر يوم الراتبين الي اخذوها الطلاب والموظفين وكل الناس حتى المعاققين ماعدا القطاع الخاص الي تحت رحمة ربي
قال لنا صاحب الشركة :الدولة صرفة من المال العام وهذا امر راجع لهم حتى للطلاب تم الصرف لهم وانا ع استعداد ازودكم ببيانات رواتبكم واذهبو للحكومه لتصرف لكم راتبين انا اعتذر منكم ماراح اصرف راتبين .
في هالحاله ماقدر اقوله اي شيء معه حق
شركته وهو حر
طبعاً كل البنود الي قلتها احلام ولا في امل يتطبق لو حد ادنى للرواتب في القطاع الخايس
وبعد كل هذا يقولون ليه مانبي القطاع الخاص