10-02-2008, 02:15 AM
|
 |
|
|
تاريخ التسجيل: Jul 2007
المشاركات: 6,655
معدل تقييم المستوى: 1046658
|
|
( نهار سبعة عشر ) : للشاعر أحمد الناصر الشايع
[grade="ff0000 Ffa500 008000 Ffa500 Ff0000"]
بسم الله الرحمن الرحيم
السلام عليكم ورحمة الله وبركاتة
أسعد الله أوقاتكم جميعا بالخيرات والمسرات
المره هذي جايب لكم قصيده اعشقها بالحيل بالحيل واموت فيها وعندي نفس القصيده بصوت الشاعر نفسه وهو شاعر معروف وقوي وشاعر محاوره ونظم وهو الشاعر المشهور :
أحمد الناصر الشايع
( نهار سبعة عشر )
نهار سبعة عشر سبعة بتالي رجب ...... يا ليتني ما دخلت السوق و انا اجنبي
العصر مريت يوم السبت سوق الذهب ...... لقيت مخلوق لا هندي و لا مغربي
من شوفته ما لقيت الا السهر و التعب ...... صار السهر و التعب من شوفته مكسبي
اللبس لبس اجنبي و الدم دم العرب ...... زولٍ ليا شافه الشايب يعود صبي
مكملٍ بالجمال و بالحسب و النسب ...... قلت:السلام و تبسم قال: لي وش تبي
و ليا تقربت من زين الحلايا هرب ...... واقول:عطني الصراحة و انت ابو ما تبي
بغيت اعرفه وش اسمه مير ما الله كتب ...... يقول:ابي سمعتي و اخشى على مذهبي
تبين النور من خده على و احتجب ...... يالله عليك الخلف تخلف علي تعبي
انا قتيل العيون النجل سود الهدب ...... ذقت العنا و العذاب و لاحصل مطلبي
قلت : ارحم اللي طواه الهم و انت السبب ...... قالت : لعله يطاولك السهر بسببي
قلت : الظليمة حرام بكل حشمة و أدب ...... قالت : معي عين وصانا عليه النبي
انشد و لا يلحق النشاد لوم و عتب ...... انا غريب و قضى مايي و قضى مزهبي
انت من اهل الكرك و الدير و لا حلب ...... قالت : يشيب الولد ماحصل اللي يبي
قلت : انتي من السويد اهل الفرح و الطرب ...... قالت : بلاد العروبة رغبتي و طلبي
انتي من اهل الخليج مخلصين النشب ...... قالت : من المسلمين و جد ابوي عربي
و اللي يقول الهوى كله خطر ما كذب ...... قلت : اوعديني وعد بس اذكره و اكذبي
قامت تعجّب و قالت : يا زمان العجب ...... يا لايم اهل الغرام انا اشهد انك غبي
عليك رسم البداوة و الزمان انقلب ...... قالت : عظامي و دمي و اللحم و العصب
انا من البدو كان الدم وصْل الركب ...... يوم السلاح المتل و الرصاص حلبي
ـــــــــــــــــــــــــــــــــــــــ
أتمنى أن تنال إعجابكم
[/grade]
|
العرض الشجري
