25-01-2012, 10:33 AM
|
|
Guest
|
|
تاريخ التسجيل: Feb 2009
الدولة: خميس مشيط حاليا
المشاركات: 6,889
معدل تقييم المستوى: 0
|
|
السلام عليكم ورحمة الله وبركاته
رحت يوم الاحد للادارة الهندسية فرع خميس مشيط.....ياخوان الكلام اللي باللون الاحمر ركزوا عليه لأنه مهم لكم
عطوني 3 خطابات
واحد للاحوال المدنية تغيير مهنة
واحد للادلة الجنائية شهادة خلو سوابق ...اللي هي البصمات
واحد لمستشفى الملك فهد للقوات المسلحة
ولما تكتمل الاوراق....تروح تسوي موعد مع المخدرات....مو عشان تصير بياع....الا عشان تسوي تحليل عندهم... يعطونك تاريخ وساعة محددة.....وهالتحليل سري يعني يرسل للادراة الهندسية
ياشباب كل واحد يتأكد ان الاوراق مختمة من الادارة الهندسية...لأن في الاحوال طبيت في واحد ابن حرام عقد لي الامور وضيع علي يوم كامل....مو بس يوم واحد فقط.... الا ضيع علي اسبوع كامل...كله بسبب ان الخطاب الموجه للاحوال ماكان مختوم...ولما كلمت مدير شئون الموظفين...قالي والله ماعمري ختمت لأحد لكن تعال اختمها
قبل ما تستلمون الخطابات....كلموا شئون الموظفين يوجه الخطاب لفرع الادراة في مدينته او منطقته عشان اللي حاب يسوي الاجراءات من نفس مدينته
طبعا انا رحت لهم يوم الاثنين وهم متصلين علي اليوم اللي قبله...يعني رحت لهم وكنت متوقع ان اوراقي جاهزة ومطبوعة....لكن تفاجأت انهم لسه ما سووا اي شي....وجلست عندهم حوالي ساعة وشوي الين استلمت الاوراق
ايضا لا احد ينسى صورة من البطاقة+ صورة لكرت العايلة ان وجدت
رحت للاحوال مالقيت الموظف......
طلعت من رحت احوال ابها....قالي الموظف ما اقدر اكمل الاجراءات الا لما تختم لي الورقة من مرجعك....قلت له عدل بدل رفض....
رحت الادلة الجنائية.....طبعا معي الخطاب + صورة من الهوية + صورة شمسية وحدة حديثة
سويت البصمات وقالي بعد 10 ايام تستلمها...
رحت يوم الثلاثاء للمستشفى قالوا لي موعدكم يالمدنيين يوم السبت والاحد والاثنين من كل اسبوع وتاخذ النتيجة بعد 4 ايام
رحت للاحوال مرة ثانية لكن فرع الخميس....عطيت الموظف الخطاب+صورة من البطاقة+صورة من كرت العايلة
وخمس دقايق وهو معدل المهنة ومعطيني البرنت
كنت اتكلم مع الموظف قالي ممكن يعطونك المرتبة السادسة ...بالنسبة للخبرات كل سنة بدرجة..
قلت له انا عندي خبرة حوالي 4سنوات و10 شهور قالي يعني يعطونك المرتبة الرابعة او الخامسة
وقالي كمان اذا جا تعيينك على الخامسة راح تكون اجراءات التعيين من هنا....وتداوم وقت ما تحب....
ولو على السادسة تجي تعيينك من الرياض...يعني اسبوع بالكثير واوراقك جاهزة ونتصل عليك عشان التعيين
كل دائرة خذوا معاكم صورة البطاقة + صورة كرت العايلة+ صورتين شمسية للاحتياط
واي استسفار انا تحت امركم
ياشباب هي 3 دواير حكومية تراجعونها...والحمدلله تيسرت معي وخلصت ورجعت لجدة واكلت مطب في القحمة وانا ماشي 130 وضرب راسي في التندة وانعفست رقبتي ...وجنبت وجلست اهمزها....(اهمزها يعني اسوي مساج دائري بعكس اتجاه عقارب الساعة...) والى الان وهي تعورني
والسلام عليكم ورحمة الله وبركاته
التعديل الأخير تم بواسطة قاصر الشر ; 25-01-2012 الساعة 10:36 AM
|
العرض العادي
