السلام عليكم ورحمة الله وبركاته

يا اخوان انا طالب في معهد صحي وادرس على حسابي

لكن مع القرارت الجديده تحطمو اللي عندي في المعهد

وانا انسان اهوى التجاره وما احب اكون مرتبط بمكان واحد

وكان ودي افك محل ديوانية قهوه لاكن ماعندي فلوس وحاولت اروح للجهات اللي تدعم المشاريع الصغيره يقولون لازم تكون متفرغ وخفت اني المشروع يفشل واتحمل دين وابقى عاطل واسدد في القرض واقترح علي احد الاصدقاء بمشروع مغسلة سيارات مع كوفي ومحل زينه وتلميع ساطع وايضا لايوجد مال وظروفي الماديه صعبه جدا


لاكن مشروعي الحالي ولي تجربة فيه
انا اعشق التصميم والديزاينات لاكن بطريقه غير يعني الله يسلمكم
انا مستعد اجهزك من فوق الى تحت من ثوب وشماغ وحذيان او جزمات الله يكرمك وغيرها من الاكسسوارات

وانا لي اصدقاء وعيال عم اضبطهم في زواجاتهم

في البدايه ماراح افتح محل راح يكون موقع ع النت واي شخص حاب اضبطه اجي لحد عنده او اجتمع معه

واذا والله صارو عندي زباين وكثروا الناس اللي تبغاني اصمملها فكيت المحل

طبعا انا اشتري له الاغراض ويكون لي مكسب من كل قطعه بنسبه معينه

فيه ناس حطموني وفيه ناس شجعوني وقالو اذا صار لك اسم واشتهرت راح يجونك ناس على قولتهم هاي كلاس...

فما رأيكم وتحياتي للجميع

وصلى الله على سيدنا محمد

اذا كنت واثق من مشروع المغسلة خذلك قرض وتوكل
وترى ماتنجح اذا ماغامرت

بالنسبة لمشروعك الثاني اللي فهمتو انك تجهز الشخص في ملابسو وكمالياتو
لازم تعرف ان كل شخص له ذوق خاص فيه
يعني ماتتفق معاي انو صعب تفرض ذوقك ع شخص اخر ؟
ممكن اخوانك او عيال عمك لهم وضع مختلف لانك موجود معاهم ع طول ووالف عليهم
لكن شخص اخر اشوفها صعبة وانت جرب وشوف مابى تخسر شي
كلها صفحة في الفيس بوك كبداية او كم موضوع في منتديات مشهورة وتشوف مدى نجاح فكرتك
لاتعتمد ع ردي وشوف الردود الثانية والله يوفقك

[align=center]
الاخ الستروميري

شكرا ع الرد

بالتأكيد كل شخص له ذوق وانا ما اقدر افرض رايي على الزبون

انا اشوف ايش اللي الالوان اللي يحبها واذا يبغا الشغل كله ماركات او لا او شي متوسط او شي بسيط

واكيد مو شرط افرض عليه الاكسسوارات كلها

لان الناس كلها مي طبقه وحده

تحياتي لك لكن كفكره ابغا رايك تأيدني او لا

واتمنى من الجميع التفاعل
[/align]

والله وانا اخوك اذا تشوف انك فنان في مجال التصميم توكل على الله

ومو شرط تعتمد على الزباين اللي بالنت او المواقع

تقدر تروح لمحلات ومراكز رجاليه وتعرض عليهم تصاميمك

تحياااااتي يابو عتب

حياك الله فتى الصحاري

ومشكوووووور ع الرد

تحياتي لك

يا اخوان 75 المشاهدات واربع ردود فقط

لاتبخلون عليه

شغله حلوه بس ما تليق فينا كـ رجال ..
احسه انوثيه بعض الشيء
وعلى ما قال : الرجال مخابر وليسوا مظاهر
بالتوفيق