صالح الجبيل .. مشكور وما قصرت بس عندي سؤال وقت المقابلات كم اسبوع بس الاسبوع الجاي ولا كم
وشكرآ..

سين سؤال ، انا مقابلتي الشخصية بتكون في ينبع ، يعني اذا انقبلت بمشيئة الله ، هل راح يكون التدريب والتوظيف في ينبع او مو شرط يمقن يودوني الجبيل ):

وعندي مشكله عويصه ، انا سجلت في برنامج سابك الدفعه السابقه بس ماانقبلت ، والدفعه هذه لمن جيت اسجل يطلع مكتوب رقم الهويه مسجله مسبقا , ومن ذكائي الخارق غيرت اخر رقم في بطاقة الاحوال وسجلت ، وقبلوني ، اروح المقابله او بيرفضوني عشان غيرت في اخر رقم في رقم الهوية ، والسبب مو عارف كيف اعدل سيرتي السابقه، جاوبوني الله يرحم والديكم مابي اضرب مشوار الين ينبع ع الفاضي

يا شباب الله يعطيكم عافية كيف طريقة التقديم على وظيفة إدارية في شركة سابك

[align=center]
أنا يوم السبت وصلت أخوي للمقابلة الشخصية في ينبع .
العنوان ينبع (( الكلية الصناعية )) أول ما تدخل ينبع 2 أو 3 إشارة تلف يمين تلاقي مكان المقابلة (( الكلية الصناعية )) وانتبه زين للوحات الارشادية على يمين الخط اذا دخلت بوابة مدينة ينبع تلاقي سهم يقلك الكلية الصناعية .

اول ما تدخل الكلية راح تروح للمسرح لجل المقابلة الشخصية خذ معاك صورتين شخصية وصورة من المؤهل وأهل بطاقة الهوية وخذ معاك أي شهادة تدريبية لك أو خبرات (( صور وليس الاصل )) .

راح تستمعون لواحد الظاهر اسمه فارس أو ابو فارس يشرح لكم (( برنامج السعودة ))
من الحكي اللي قاله وأنا خارج المسرح انتظر أخوي .

سعودة المقاولين هي شركات تابعة لسابك يعني العقد حيكون مع هاذي الشركات (( مثل شركة ينساب وبتروكيماء وغيرها )) . مهندس كان وياي بالخارج يقلي سابك لها 21 شركة في ينبع تحت ادارتها .
يعني عقدت مع هاذي الشركات مهب مباشرة مع سابك (( هذا المهندس يقول ليه اصدقاء ترسموا في شركة سابك بعد كذا سنة )) .

تابع هذا المسؤول كلامه .
فتره الدراسة 3 سنوات (( لحملة الثانوي )) سنة لغة انجليزية وسنة تخصص في نفس المجال اللي اخترته وسنة تطبيق في بيئة العمل .
(( حملة الدبلومات )) فترة الدراسة سنتان فقط واذا كان مـُلم باللغة الانجليزية سنة ونص الدراسة .
السكن اذا بتسكن في سكن الطلاب راح تاخذ مكافأة 1000 ريال فقط واذا بتسكن خارج سكن الطلاب راح تاخذ 1500 ريال فقط .

العقد / عقدك دائم مع هاذي الشركات حتى لو راحت هاذي الشركة تجي وحده غيرها وتجدد معها عقد .
يعني مافيه نهاية خدمه إلا اذا انت تبي تفصل بنفسك .
فيه أمان وظيفي .
الهدف من هذا البرنامج / هو الاستغناء عن الاجانب ويحل السعودي مكانهم .
مثل ما قلت عقدك ليس مع شركة سابك نفسها ،، مع هاذي الشركات اللي تحت ادارة شركة سابك .
مثل موبايلي فيه ناس توظفوا في نفس شركة موبايلي وفيه ناس متوظفين في شركات تابعه لموبايلي .
ومثل شركة الاتصالات السعودية فيه ناس متوظفين في نفس الشركة وناس في شركات تابعه للإتصالات .

بعد التخرج ان شاء الله راتب اساسي 4000 ريال (( سامعها من المسوؤل اللي جالس يشرح للطلاب اللي بالمسرح )) .
المهندس اللي بجنبي يقلي و 25% بدل سكن يعني (( 1000 ريال )) و 10% لبدل نقل الظاهر انها 600 ريال .

الاجمالي مع البدلات على أقل تقدير يطلع للي معه ثانوي 5500 ريال (( أول راتب بعد التخرج ))
اذا رحت للمقابله مهب عيب اذا سألت عن البدلات أسأل لجل تتأكد أزين .
حتى ان المسؤول قال أحد عنده سؤال فواحد قال اللي يبي يكمل تعليمه انتساب في الجامعه في اشكال ؟
قال المسؤول اذا عندك طموح وتبي تكمل الدراسة عادي .

الدبلومات واحد يقلي مقابلاتهم بعد شهر (( ما ادري عن صحة هذا الكلام لأني ما سألت المسؤولين عن هذا الحكي )) .
راتب الدبلوم الاساسي مثل ما قلي هذا الشخص 5500 ريال غير البدلات يعني حوالي قريب من 7000 ريال اول ما يتخرج .

بعد ما انتهى هذا المسؤول من الشرح وزع على الطلاب اوراق (( عباره عن استبيان )) يعني مثل الاسم ورقم البطاقه و و (( يعني مافيه اسئلة )) .

المهم خرج الطلاب من المسرح وراحوا لقاعه ثانية ولما تجمعوا بدأ المسؤولين يسالون كل واحد على حده .
(( تكلم عن نفسك وشهي طوحاتك وشهو التخصص اللي تبيه و و و ))

بعد كذا تصفون طابور لجل المسؤولين ياخذون منكم الاوراق ويكملون تسجيلكم .
ويعطونكم كتيب صغير فيه كل التفاصيل عن (( برنامج سعودة المقاولين )) الكتيب عندي الحين وهو عباره عن اربع ورقات او اكثر بحجم الكف .

مدينة ينبع بعد جدة بـ 290 كيلو تقريبا او 250 كيلو تقريبا .
العقد دائم أكثر من 100 سنة ان شاء الله اذا راحت شركة جت اللي بعدها وصرت انت فيها لا تخافون
مسؤول سابك يقول وظيفتك على طول وان شاء الله يا اخوان بعد كذا سنة تترسمون مباشرة في سابك بس اثبت وجودك
بالنسبة للسكن واحد يقلي اذا خارج الهيئة الملكية الايجارات رخيصه قال يعني بـ 700 ريال شهريا (( استراحات ))
داخل الهيئة الملكية اللي هي في مكان الدراسة غاليه مره بـ 1500 ريال .
لكن وقت الدراسه راح يوفرون لك سكن ويخصمون منك 500 ريال يعني 1000 ريال راح تاخذ .
أنا إلى الحين ما أحد ارسل ليه رسالة ان شاء الله المانع خير يمكن مثل ما قيل ليه بعد كذا اسبوع يتفرغون للدبلومات .
ان شاء الله يكون فيه دفعات لجل المقابلات الشخصية ونلاقي لنا رزق فيها .
التعيين بعد الدراسة في الجبيل أو ينبع كذلك الدراسة ،،وعلى كيفك بس أهم شيء ما تخرج عن هاذي المدينتين .
هذا اللي فهمته من المسؤول في سابك وهو يشرح للطلاب .
جاس اقول لنفسي لا يكون اني حاط رقم جوالي غلط عشان كذا ما ارسلوا ليه رساله علما ان معي دبلوم كلية تقنيه والجماعه في سعودة المقاولين يقولوا
قبول بدون استثناء للدبلومات .
يا ناس اللي يروح منكم يسأل عن الدبلومات متى حيكون موعد مقابلاتهم تكفون واللي يقدر يفيدني الحين يقول ..


[/align]

[align=center]

اقتباس:

المشاركة الأصلية كتبت بواسطة صالح الجبيل القبول يجي دفعات^_^ والبدايه يقبلون الثانوي بعدين الدبلوم وانا طالب فيها بالجبيل الصناعيه