السلام عليكم ورحمة الله وبركاته

اللهم اجزء من عمل بالموقع كل خير ووفقه وسدد خطاه يارب العالمين

ندخل بالموضوع يا اخوان .. انا انسان عاطل عن العمل ومعي سياره " سوناتا " ولونها لؤلؤي ودخل براسي اني اقلبها اجره .... فعندي بعض الأستفسارات لأصحاب الخبره في هذا المجال ولهم مني خالص الدعاء

انا يا اخوان باقي علي العمر المحدد للرخصه العموميه 4 اشهر واتم الـ 21 سنه فبعد تفكير واستنتاج قررت انقل السياره باسم اخوي واخليه يطلع رخصه عموميه ويسوي متطلبات نقل السياره لأجره بدل من الخصوصي
فسؤالي هو ؟؟؟
لو وقفوني اي تفتيش لاسمح الله هل يسحبون السياره للحجز كون مامعي رخصه عموميه او يكتفون بالمخالفه
وهل يقبلون باللون الؤلؤي " ابيض على صفار " بدل الأبيض او لازم اقلبها ابيض ناصع علما بأن اللون بالأستماره " لؤلؤي"
وهل اقدر ارجع سيارتي خصوصي اذا جيت ابيعها او لازم ابيعها على ماهي " اجره"
وياليت بعض النصائح من اصحاب الخبره مثل اسعار التوصيل او وش التصرف السليم في بعض المواقف الحرجه
اتمنى منكم الأجابه ولكم دعوه في ظهر الغيب ان شاء الله
تمنياتي لأخواني التوفيق والنجاح

سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته

السلام عليكم ورحمة الله وبركاته ..

الكثير مننا يتسأل عن كيفية تحويل السيارة من خصوصي .. إلى اجرة عامه (تاكسي)...

في البداية يجب ان تهيئ نفسك وتستكمل الشروط الواجب توفرها في سائق التكسي:

أولاً: تصفيه النية لوجه الله تعالى .. وتكون نيتك صادقه في طلب الرزق ..

ثانياً: استخراج رخصة عمومي .. واستكمال طلباتها .. وهي كالتالي:
1- ان تكون المهنة متسبب .. وان لم تكن متسبب يجب عليك احضار خطاب من العمل يسمح باستخراج رخصه عمومي ..
2- شهادة من البصمات او الادلة الجنائية .. تثبت خلو سجلك من السوابق ..
3- تسديد المخالفات المرورية ..
4- الدراسة لمدة 4 أيام .. واذا كان عندك واسطه .. وانت في البيت ..

ثالثاً: السيارة .. والشروط الواجب توفرها هي :
1- ان لا تقل قوة المكينة عن 2000 سي سي ..
2- ان يكون لونها ابيض ..
3- ان تكون مفحوصة ومجدده ..
4- اذا كانت قد مضى على انتاجها اكثر من خمس سنوات .. فيجب عرضها على اللجنه ..

رابعاً: الإجراءات التي يجب عليك القيام بها لتحويل السيارة .. والبدء بطلب الرزق .. هي :
1- الذهاب للمرور .. واستكمال طلباتهم .. وسيطلبون منك التالي:
- برنت للسيارة من المرور ..
- برنت للرخصة العمومي من المرور ..
- برنت للشخص نفسه من المرور ايضاً .. لا تخوفكم سالفة البرنتات .. ترا وانت واقف تسويها ..
- تأمين السيارة (تأمين الأجره)..
- تصوير (الرخصة العمومي ـ بطاقة الاحوال ـ الاستمارة ـ الفحص الدوري ـ وثيقة التأمين)..

بعد ذلك يعطونك خطاب للإدارة العامة للنقل بوزارة المواصلات .. يفيدونهم فيها بأنك ترغب بتحويل سيارتك لإجرة .. وإستخراج تصريح الاجرة ..
وعند عرض الاوراق عليهم .. سيطلبون منك التالي :
-صور من (الرخصة العمومي ـ بطاقة الاحوال ـ الاستمارة ـ الفحص الدوري ـ وثيقة التأمين ـ دفتر العائلة ان وجد .. او برنت من الاحوال يفيد بأن مهنتك متسبب ) .. - وان كان قد مضى على سيارتك اكثر من خمس سنوات .. سيطلبون منك عرض سيارتك على اللجنة التي تقام في يوم الثلاثاء .. وبعدها يعطونك التصريح .. بعد ذلك .. يعطونك خطاب للمرور يفيدونهم فيه بان السيارة صالحه للاجره .. وان الشخص صالح ايضاً ..

بعد ذلك .. ترجع للمرور .. ويعطونك خطاب للشركات اللي تحول السيارة إلى اجره .. لوضع العداد والاستكرات .. اثناء ما هم يقومون بتلزيق الاستكرات والعداد .. ترجع للمرور تكون لوحة الاجرة جاهزة وتعطيهم لوحات السيارة القديمة .. ويعطونك لوحة الاجره الصفراء ..

بعد هذي الخطوة .. ترجع للخطوة الاخيرة اللي هي رقم التشغيل .. وهي خطوة سهله .. فقط ترجع لإدارة النقل وتعطيهم ماتبقى معك من اوراق .. وسند الشركة المحولة للسيارة .. ويعطونك رقم تشغيل وانت واقف .. ويستخرجون لك بطاقة تشغيل ايضاً ..


طبعاً اذا كانت السيارة لونها غير اللون الابيض .. يجب عليك تغيير لونها .. والمطلوب لتغيير اللون التالي:
الذهاب لمركز المعلومات بالمرور .. وطلب ورقة تغيير لون منهم .. وسيقومون بمعاينة السيارة .. وإعطائك الورقة .. وبعد تحويل لونها ترجع لهم .. ويقومون بالمعاينة مره اخرى .. وتصديق الورقة وتحويل لونها في الاستمارة ..


هذا والله اعلم واسئل الله التوفيق للجميع

جزاك الله خير يا اخ سعود
انا سبق وقريت هذا الرد بس موضوعي فيه استفسارات غير ,,,مشكور على تعبك والنقل
بانتظار اصحاب الليموزينات

هـلا والله محكيك صاحب تكسي اللون اللولوي عادي يجي ليموزين كذا مره شفت باللون ذا
الاسعار على حسب مسافه المشوار وكلن يحط السعر اللي براسه
المواقف المحرجه راح تواجه انواع وطبقات الشعب
بس صف النيه والله بيرزقكك ولا تتعامل الا مع كبيرات بالسن يكون أحسن
واجهتني مشاكل والله شفت انواع الهبال
وحده تقول تزوجني
والثانيه تقول ادخل البيت هات الغاز وهي نيتها وسخه
والثالثه تمون عليك وتقول هات البي بي
واللي تغزل فيك وفي طول جسمك هههه
الله يعينك بس اتكل على الله وتبي تشوف الخير بس النيه خلها لله وبيرزقك

يا اخوان ياليت تركزون على سالفة الرخصه لأني بحول السياره بأسم اخوي
وبكذا باكد بدون رخصه عموميه
اللي جرب هالشي او صار مه مثل هالحاله ياليت يدلي بدلوه
جزاكم الله خير الجزاء

اوخص يالحلوين
خققققققققق

الله يوفقك اخوي ... زي ما قالوا الاخوان صف نيتك لله وانتبه لنفسك وربي بيحفظك ...

هالأيام نسمع عن مواقف عجيبة .. الله يكفينا الشر

موفق