خل غيرك يستفيد يالغالي.. لكن لا تصير حقنه يالغالي.. بعدين يالغالي الرجال في سابك وانت في المقاولين يالغالي منت بحوله ولا هو بحولك يالغالي ...... بعدين ماتلااحظ انك ماقلت كلمه يالغالي في الرد السابق يالغالي

ههههههههههههههههههههههه ....... يالغالي

السلام عليكم ورحمة الله وبركاته

أنا ياشباب خلصت المقابلة , تبع مشروع سابك ..

يوم الأربعاء ( 26-1-1433 هـ )

في الجبيل الصناعية , في المركز التربوي , مقابل مدارس أم القرى ,,,

طبعاً قبل لا تسألون عن المقابلة وكيف وماكيف ...

أعرف هل يناسبك البرنامج أو لا ..

طبعاً البرنامج ماله علاقة في سابك أبد ..

فكرة البرنامج أنه يتم تأهليك للعمل . بواسطة الهيئة الملكية في الجبيل وينبع .

يتم تأهليك من خلال ثلاث سنوات ,,

السنة الأولى : اللغة الإنجليزية .

وياشباب حطوا في بالكم أن الدراسة ماراح تكون زي ماتعودنا في الثانوية , الدراسة شوي صعبة , ونظامهم متشدد ,,

مثال يدل على أن نظامهم متشدد , أبداً مايبقلون أعذار طبية , لك عدد معين من ساعات الغياب , لو تجاوزته هالعدد ترسب ومما يؤدي الى استبعادك من البرنامج .

السنة الثانية : دراسة التخصص ,

بعد ماتخلص من السنة الأولى ولو نجحت بنسبة حلوة تتدلع في اختيار التخصص , لكن لو ماجبت نسبة جيدة ,

يحطونك في تخصصات على حسب حاجتهم .

السنة الثالثة : التدريب على رأس العمل .

هنا تتم السنة الأخيرة , ويتوقع منك انك تكون ملم بالأمور اللي محتاجها في التخصص ,,

وإن شاء الله تبدع ..


بالنسبة للرواتب ..

الثانوية تبدأ من 3500 إلى 4500 ( راتب أساسي ) على حسب نسبة نجاحك من الدراسة , وتوصل مع البدلات إلى 6000 ..

بالنسبة لأصحاب الدبلوم أنا آسف جدا إني مااقدر افيدكم بشي لأني ماكنت مركز الا في الثانوية ,.

لكن اللي اذكره ان شباب الدبلوم . مايدرسون لا تخصص ولا انجليزي على طول ينتقلون للسنة الثالثة .

اللي هي على رأس العمل , هذا في حال تعديهم من اختبار اللغة . لكن لو ماتعدوا الاختبار , بيدرسون سنة انجليزي وعلى طول يروحون السنة الثالثة اللي على رأس العمل .

فيه شروط لهم ماوظحوها في الموقع

اللي عنده سجل تجاري ماراح يقبلونه , واللي سبق ودعم من صندوق الموارد البشرية , ماراح يقبلونه ,,.

بالنسبة للمقابلة سهلة مره ترا ولحد يتخوف ,, يقول اختبار انجليزي وماني عارف ايش ..

أول مادخلنا طابقوا الأسماء مع الشهادة , وعطونا نموذج مقابلة , يطلبون منك صورتك , ويحطونها في النموذج

بعدها دخلنا داخل قاعة فيها واحد جزاه الله خير شرح لنا البرنامج وعرفنا فيه اكثر بعدها عبينا استبيان .. مدته 8 دقائق ,, سهل مره

بعد كذا طلعنا للمقابلة ,.

المقابلة أنا قابلوني شخصين .. زي الحلاوة .

يسألونك أسألة عادية . ايش اسمك . تقدر تتحدث عن نفسك باللغة الانجليزية . تقدر تقولنا هالجملة باللغة الانجليزية .

وسألوني ايش تبي نوع الأسئلة اللي نسألك اياها ..

واهم شئ تعال لهم وانت فاهم البرنامج وفاهم كل شئ ..

هذا اللي اتذكره يااخواني ,.

واللي يبي يسأل عن شئ أنا اعرفه . بإذن الله بجاوبه ..



أنا الآن انتظر رسالة الفحص ..

وإن شاء الله يكتب اللي فيه خير ,,

أخوكم صالح الهليل ,,

ياشباب نتمنى أن الموضوع يرتقي شوي ,

لأن فيه ناس قلبوا الموضوع شات ..

فيه رسايل خاصة ..

وأي إستفسار بإذن الله أحاول اجاوب عليه ..

الله يوفقكم

مشكووور ياصالح على التوضيح واللة يعطيك العافية
ان سويت المقابلة قبل اسبوعين وبانتظار رسالة الفحص
واللة يكتب اللي فية الخير ----
وبالتوفيق لجميع

الله يعطيك الف عافية ياصالح الهليل بس حبيت اسألك يالغالي ماقالولك بالتحديد الرسالة متى تجيك يالغالي ومتى يبدون الدراسة شهر كم يعني لأني انا اختبرت وانتظر رسالة الفحص يالغالي الله يكتب اللي فيه الخير إنشالله
انا كان إختباري 15/1/1433 ولسى ماجاتني الله يكتب اللي فيه الخير وآآسف كاني ازعجتك يالغالي
بالتوفيق

مشروووب وين سويت المقابلة في ينبع او الجبيل

في ينبع الله يوفقك يابندريكو
بس ليش يالغالي انت قالولك متى تجيك الرسالة حقت الفحص

وانا بعد سويت المقابلة في ينبع في تاريخ 16/1 وقالي الموظف ان شاء اللة النتايج بعد اسبوعين او 3اسابيع بالكثير
يعني يامشرووب خلال الاسبوع هذا او اللي بعده----واللة يكتب اللي فيه الخير

آمين الله يسمع منك يالغاااااالي يااااااااارب ويوفقك
إنشااالله نكوون من المقبولين يااارب ومشكوور على المعلوومه يالغلا ماقصرت
وإذا جاااتك الرسالة يالغالي علمني تكفى يالغالي طلبتك لا تردني
موفق بإذن الله ... لك مني أجمل تحية .