بسم الله الرحمن الرحيم
السلام عليكم ورحمة الله وبركاته

شباب واحد مكلمني يقول ان الات مارات فاتحه وظائف للسعودين
الي يعرف طريقة التقديم على وظائفهم او الي يعرف احد من اهل الاماراات او قطر

يسئله عن طريقة التقديم اي وظيفه لو طباخ

والسعوديات مالهم شي !!!!!!

نفس الحاله يلعن ام الحاله ياشيخ بس العيشه عندهم غاليه

انا خويي بالاتصالات السعودية وانقبل بشركة في مجال النفط في قطر .. ومثلكم كذى .. متردد

خصوصا انهم عرضوا علية راتب دبل راتبة وزيادة

^^^^^^^
كهرباء بلاش وسكن بلاش .. هذا اذا انت معك الجنسية القطرية ..

عموما رح يوم قطر .. وأسال عن كيفية الحصول على جنسية قطرية .. واتوقع انها مو صعبة لكن اكيد لها اشتراطات ومؤهلات ضروري انك تحصل عليها .. لكن يمكن تكون لك شروط خاصة وسهلة بحكم انك من مجلس التعاون الخليجي

مثلا عندنا هنا بالسعودية الي يبي جنسية سعودية .. لازم يكون باحث او دكتور نادر ومميز وعنده موهبة خاصة فية في مجال علمي او فني او أي مجال ينفع فية المملكة العربية السعودية

بس شباب انتبهوا .. انا لاحضت ان مواضيع العمل في دول الخليج كثرت .. وانتبهوا توصل للصحافة وينشرونها ويشوفونها المسؤلين .. اذا تبي جنسية .. رح الدولة الي تبي واسأل واسعى في الحصول عليها من دون ماحد يدري

لأن في عهد الملك فهد الله يرحمة ..الأمارات سمحت بعسكريين سعوديين ويعطون رواتب ومميزات زي ماتعطى للمواطن الاماراتي.. استقال عدد كبير من العسكريين السعوديين وراحوا الامارات وتوظفوا..

وصل الموضوع للملك فهد .. وأتصل بالشيخ زايد رسميا .. وطلب منه عدم توظيف عسكريين سعوديين لانه لاحظ ان استقال عدد كبير جداا .. والسعودية كانت بحاجة ماسة للعسكر في ذاك الوقت لانها كانت تحت ضغوطات و مواجهات صدام

اخذوني معكم اذا حصلتو

رزقكم بيجي والله اللي كاتبه لنا ولكم بنشوفه في السعودية في قطر في الأمارات ........
الله يحقق لكم مطالبكم ويكتب لكم رزق ماتعلمون فيه ويغنيكم من فضله ولايحدنا على احد

الي مكتوب لك راح تاخذه سواء هنا ولا برى
السعوديه او قطر او الأمارات او الكويت
الرازق هو الله

قنااااص عتيبة

اناا أسير على نفس نهجك ,,,

أدور لي وظيفة بقطر ,, لفيت الشرقية مدينه مدينه شركة شركة مؤسسة مؤسسة بنك بنك

و لا حصلت شي ,, و اشوف اخوياي بعضهم توظف (الله يوفقهم) بــ مكالمة جوال (و),, و اغلبهم عاطل مثلي

(( كيف نبحث عن وظائف بقطر؟؟ وش رايك نسجل بمنتديات الاندية الرياضيه القطرية و نسأل الشباب عن الوظائف

اللي ممكن تقبل السعوديين , عاد شبابهم مطانيخ و مراجل و مراح يقصرون ان شاء الله ))

وش شهادتك يا قناص ؟؟

انا معاي صك اعسار من التقنية تخصص محاسبة خريج عام 2009م