السلام عليكم ورحمة الله وبركاته
يا عيال أنا ماني من النوع اللي حسود لكن إذا
شفت واحد من زملائي اللي درسوا بالمدرسه ويقولون لي
توظفنا ابارك له وادعي له ولكن بعد لحظه يصيبني حزن شديد
أتمنى إني ما اشوف اي زميل كان يدرس معي عشان الحزن لا يجيني
واحيان ودي اطلع من المنطقه اللي أنا فيها البعض منهم وصل رتبة عريف
والطب والتمريض واغلبهم يعني بالجيش والله يوفقهم ويسعدهم شوفوا ادعي لهم وهم ما يدرون عني وش اقول فيهم لكن هذا مقدر لي ومكتوب الله له حكمه سبحانه وتعالى .

لا تياس ربك كريم ومايخذل عبااده بتاخذ نصيبك لو بعد حين ..

ربي يرزقك ويحقق امانيك

صحيح حتى انا مثلك والله ادعيلهم

حالنا من حالك
كل أصدقائي متوظفين متزوجين وبيوت وعيال وسيارات ماشاء الله تبارك الله
أخوي أصغر مني توظف وبنا شقته وتزوج ماشاء الله تبارك الله
وأنا أتلتفت لاوظيفة ولا بيت ولا زواج ولا عيال ولا سياره ولا أرض ولاقرض

المسألة مو حسد بالعكس نتمنى لهم الخير أكثر وأكثر
لكن نحزن على أنفسنا حزن عميق

إلى متى ؟ وكم بقي من أيام الشباب اللي تضيع بدون أي متعه من متع الدنيا
حسبنا الله ونعم الوكيل

لا هذا مو حسد يكفي أنك تدعيلهم عارف ياخوي بما أنك تدعي له فيه ملك يقول ولك بالمثل

دعائك مستجاب يعني لأنه بظهر الغيب

بس ياخوي لنفسك عليك حق ..!! ولأهلك حق

أرضيت نفسك وأهلك ..!!

مايكفي تتمنى الخير لغيرك لازم تسعى للخير لنفسك بالدراسة وقبل كل شي بالعباده الصلاة والدعاء وبر الوالدين

أخوي حنا بسنه جديده وبأولهااا

حاول تغير نفسك ترى مافي شي مسستحيل

هم أطباء ومهندسين أو أي شي أنت ممكن تكون أحسن منهم بس خلي عندك ثقه بالله

ولا تنسى الدعاء

الله يوفقكم يارب

لاياخوي هذا ماهو حسد لانك تدعي لهم
وان شاء الله فرج ربك قريب
وعلى فكره الحال من بعضه كل الي حولي متوظفين بس عادي
ادري انه ربي بيفرجها علي وعلى الجميع

الله يوفقك ويرزقك ويحقق كل آمانيك
لاتيأس ويإذن الله بيجي اليوم الي بتفرح فيه

مثلك تماما صديقاتي اقل مني توظفوا لمابشوفهم بحزن على حالي