بسم الله الرحمن الرحيم

السلام عليكم ورحمة الله وبركاته

مثل ماهو موضح بالموضوع وبالأمكان الأستفاده من اقتراحاتي ..
انا حاب افتح مشروع وبراسي كذا مجال .. وحاب تعطوني ارائكم واقتراحاتكم بكل مشروع
بالأول والاخير هو توفيق من الله عز وجل ..

اول مشروع الي هو محل بيع بلاستيكيات ..
المشروع الثاني محل بيع ملابس نسائيه بأحد المولات ..
المشروع الثالث محل جوالات او الكترونيات او اجهزة كمبيوتر ..
المشروع الرابع محل بيع اثاث ..

بالنسبه لي انا موظف حكومي ولا اقدر اسوي شي بأسمي ولا عندي اي عماله ..
بفتح المشروع باسم الوالده الله يحفظها .. والمشاريع بفتحها بالمنطقه الغربيه

الاستفسارات :
- المحل الواحد كم عليه عامل ؟
- هل يلزم توظيف سعودي ؟
- اي جنسيه تنصحوني بكل مشروع ؟ وخاصه مشروع محل البلاستيك ؟؟
- انا عن نفسي ما احب الشراكه احب اشتغل بنفسي بس نظراً لمحتكرين التجاره البسيطه هم الأجانب وش رايكم ادخل الاجنبي معي شريك ؟ ولا اعطيه راتب ولا اعطيه نسبه معينه ؟؟


تجربتي :
زمان قبل كم سنه يوم كنت ادرس قررت افتح محل جوالات وفعلا اجتهدت وفتحت المحل
اتفقت مع عامل من الجنسيه البنقلاديشيه له في صيانه أجهزة الجوال
قلت له انا بفتح المحل وبجيب البضاعه وانت عليك تجلس بالمحل وشغل الصيانه لك ما ابغا منه شي بس عليك تبيع لي البضاعه حقتي واذا انت حاب تشتغل تجيب لك بضاعه مايمنع تجيب لك
المهم ان المحل اشتغل شغل غير متوقع الأرباح تجيني بالهبل رجعت رأس مالي بخلال شهر ونص من فتح المحل مع العلم ان رأس المال قرابة الـ 20 الف ريال
وبدأت الأرباح بالارتفاع واقبال الزباين على المحل واستمر لمدة سنه وبعدها جاني العامل وقال انا بسافر 6 اشهر وراجع .. طبعا العامل مو باسمي وسافر العامل وجلست انا اشتغل بالمحل المحل كان بمنطقي الي انا ساكن فيها وقريبه من البيت وكثير الي يعرفوني صاروا يجون وياخذوا من عندي بالدين وشارف المحل على الانهيار والعامل ا انتهت مدت اجازته بحثت عن عامل ولم اجد واغلقت المحل .. وفيه دفتر الديون قرابه الــ 30 الف ريال وكلها من ناس اعرفها وكبار في السن الله يسامحهم الكلام هذا له اكثر من 8 سنوات .. وللحين ما احد سدد هذي سلبيه فتح المحل بالمنطقه الي انت فيها وخاصه اذا انت كنت تشتغل فيه

اقتراحاتكم وأرائكم تهمني كثير واذا احد عنده لي مشروع ويشوف انه مناسب ياليت يفيدني فيه ويفيد غيري ..

ارق التحايا لكم ..

بانتظاركم ..