10-12-2011, 12:11 AM
|
 |
عضو مهم جداً
|
|
تاريخ التسجيل: Oct 2009
المشاركات: 545
معدل تقييم المستوى: 18508
|
|
اقتباس:
المشاركة الأصلية كتبت بواسطة نايف االدوسري
السلام عليكم ورحمة الله وبركاته
مساء الخير جميعا ..
طبعا معضمكم عارف الفوائد من مؤسسة المقاولات وكيف تستخدمها لمشاريع تدر بالملايين
راح ابدا مباشرة بشرح موجز عن اهم النقاط لفتح مؤسسة مقاولات
الخطوة الأولى "المحل" :
تبحث عن محل فاضي على شارع تجاري .. تستأجره .. سواءا من المالك او عن طريق مكتب عقارات
طبعا بعد ما تستاجر المحل راح يعطونك عقد ايجار لمدة معينه على حسب الاتفاق والاغلب سنه
ولكن تأكد انه ما يكون عليه رخصة حتى تقدر تطلع عليه رخصه لاحقا
بعد ما تاخذ المحل تروح تضبط الاثاث ويكون عباره عن طاوله خشبيه زي اللي في اي مكتب عقار و كراسي جلد وعاد من ناحية الاثاث ضبط مع البلدية شف والمطلوب في الخطوه الثالثه ..
بعد الاستاجار : راح يكون لديك عقد الايجار
الخطوة الثانيه " السجل التجاري" :
السجل التجاري تذهب لفرع الغرفة التجارية وتقدم طلب سجل تجاري جديد
طبعا راح يعطونك نماذج تعبيها بالاضافه انهم يطلبون منك برنت من الاحوال تثبت مهنتك
ما يختلف سواءا متسبب او طالب تقدر تطلع سجل حتى الطلاب
تعبي النماذج وتقدمها لهم وبعد كذا يعطونك موعد مثلا بكره او بعدها بيومين تروح لهم وتسدد 800 اشتراك الغرفه التجاريه "ثابت" و تدفع حق السجل التجاري عاد على حسب المده اللي تبيها .. كل سنه ب200 ريال ..
مثلا دفعت 1800 ريال .. الغرفه التجاريه 800 ريال و السجل 1000 ريال لمدة خمس سنوات ..
الخطوة الثالثه :
تقدم على البلدية لاستخراج رخصة محل .. طبعا الاوراق المطلوبه برنت من الاحوال + صورة من السجل التجاري + صورة بطاقتك وبعض الاوراق الاخرى راح يقولون لك عليها اذا قدمت .. راح يعطونك استمارة تعبيها .. وشغلتها سهله ..
طبعا الرسوم 120 ريال تسددها عن طريق صراف بعد ما تخلص اوراقك عنده .. بعد التسديد تستلم الرخصه ..
الخطوة الرابعة " التأمينات الإجتماعية "
تاخذ اوراقك وتنقز التأمينات الاجتماعيه تسوي تسجيل منشأة جديده .. راح يعطونك نماذج تعبيها سهله تخلصها في دقايق عندهم وبعد ما تسوي تسجيل منشأه .. توظف سعودي عن طريق تقديم "عقد عمل" للتأمينات .. كلها تخلص في يوم او يومين بالكثير ان شاء الله .. بعدها تاخذ شهادة تأمينات لمؤسستك من خدمات المشتركين عندهم ..
الخطوة الخامسة "مكتب العمل" :
تقدم على مكتب العمل "طلب استقدام" عمالة طبعا ,,
راح يعطونك على المؤسسة 3 عمال
طبعا راح يشيكون اولا على انك وظفت سعودي في التامينات الاجتماعيه ويتبين كل شي في السيستم عندهم
بعد ما تقدم على مكتب العمل الله يوفقك كل شي بيكون واضح لك
ملاحظات :
1- تطول بالك يمكن تواجه بعض المطبات لكن لازم تصبر وتعديها
2- لازم تراعي الوقت لانه مهم .. تبكر عند الدوائر الحكوميه من 8 الصبح
هذا والله أعلم وصلى الله على نبينا محمد ..
اللي عنده استفسارات يكلمني عالخاص اعطيه ايميلي ودااعيلكم بالتوفيق
أخوكم نايف
|
شكرا لك اخي العزيز
انا لدي صاحب لديه سجل تجارى ولديه عماله باسمة الا السعوديين لايوجد
|
العرض العادي
