السلام عليكم

صباح / مساء الخير

وشلونكم ان شاء الله تماااام

هذه القصيده موجهه للملك عبد الله حفظه الله

وتعبر عن معاناة العاطلين بصفه عامه

ومعاناة عاطلي حاملي الدبلومات الصحيه بشكل خاص

ووالله ما سويتها الا من القهرررر اللي اعيشه

واخليكم مع القصيده

//




[poem=font=",6,,bold,italic" bkcolor="transparent" bkimage="" border="none,4," type=1 line=1 align=center use=ex num="0,black""]
فزعتك ياصقر العروبه ترانا=رجال لكن في بلادك صغرنا
باغنى بلد والفقر فيها وطانا=ووزيرنا الفايز سكوته قهرنا
اعمارنا راحت ووكلٍ رثانا=وحقوقنا وكلت وحنا كبرنا
تكفون لبوا يا ملكنا ندانا=شف كم لنا في بيت اهلنا صبرنا
حنا عيالك يابو متعب عسانا= فدوتك ياغيم الحيا يا مطرنا
حنا نجدد كل يومٍ ولانا=ودونك قسم بالله نقدح شررنا
لكن بعد الله نوجه رجانا=لـ حضرتك ياشمسنا يا قمر نا
الهم يحرقنا ويلعن ثوانا=وتهت بقاع البحر غالي دررنا
ياكم كتبنا بالرصاص وقرانا=وياكم تعنينا بـ ليل وسهرنا
ورحنا نذاكر في بيوت اصدقانا= وجينا بقاعة درسنا واختبرنا
وجبنا معدل وارتفع مستوانا=وجبنا الوثايق وانبسطنا وصرنا
من عقبها ضاق الفضا مامدانا=نفرح بها الا بالزوايا انحصرنا
والله لو فينا دموعٍ بكانا=حتى من دموع المحاجر طفرنا
شفني انا علقت بنت اقصرانا=وكل يوم فالاخبار تنطر خبرنا
وزارة الخدمه تبيح خفانا=وكلٍ على الكرسي بعينه حقرنا
وربيعنا درات رحاه ورحانا=وطاحت زهوره لين طيّح زهرنا
والا لاجل محدٍ يوقف ورانا=ولافيه جسر الواسطه يختصرنا
بطاله وعاله ويسعد مسانا=حتى ياعاطل لو هذا قدرنا
تكفون لبوا يابو متعب ندانا= حقوقنا وكلت وحنا كبرنا
واحلى تحية شوق يامنتدانا=ياللي نحبك لو نشوفك قبرنا
[/poem]
//

رائد الديحاني

//

؟! !!!

صح لسانك لين ترضى بس لو تغير التوقيع ^_^

صح لسانك
ومشكور ع القصيدهـ
وان شاء الله ابو متعب ما يقصرنا معنا
الله يخليه ويطول في عمره ولا يحرمنا منه
موفق بإذن الله ... لك مني أجمل تحية .

صح لسانك


وعساء الله تتيسر الامور

صح لسسـآنك ولسسـآن قـآيلهـآإ

والله مـآدري الين مـتى رآح نصبرر خـلآص كبرنـآ واعمـآرنا رآحت

يـآلله بـ الوظيـفه الى تريحـني وتريح آهـلي

خـلآص طفشت من الششركـآت والذل الـى إحنا فــيه ..