السلام عليكم ورحمة الله وبركاته
أنا خريجة حاسب قسم نظم معلومات تقدير ممتاز
انا حاليا ادرس شهادة a+
لي تقريبا 3 شهور متخرجة
بصراحة ماجات وظائف اقدم عليها كل اللي جاء كانوا يبغو خبرة
انا سمعت انو في شركات تعطي دورات مثل ارامكو او بترورابغ
للبنات ,, هذي الدورات كيف احصل عليها وكيف اسجل فيها خاصه اني في المدينة وماعرف فيها
ايش رايكم في دورة cbp دورة الاعمال الاحترافيه
لقيت قيمتها ب مهعد الخليج ب 5000 بس مدتها شهر احس المبلغ مبالغ فيه
بس مدري اذا تفيدني كخريجة حاسب ولالا
ايضا ممكن اسال فين القى الدورات التدربية الاداريه في المدينة المنورة
عجزت ادور وماني لقايه
وعجزت ادور دورة شبكات كلو دبلومات وانا بكالوريوس ماحيفدني الدبلوم
احد عنده فكرة عن الدورات اللي ممكن تفيدني
وهل يوجد اماكن ادرب فيها لمدة كم شهر
لاني مرة مو حابه فكرة اني ادرس بمعهد او مدرسه خاصه
فالله يخليكم ساعدوني كيف اطور نفسي

يجي من يفيدك ان شالله

اهلين اختي راجية
بداية مبروك التخرج
بالنسبة لدورات ارامكو وبترورابغ ماعندي فيها أي معلومة
وأما بالنسبة لدورة الـ cbp فاللي أعرفه انها دورة إدارية وماقدر أفيدك أكثر هل بتكون جيدة لك أو لا
لكن بالنسبة لإستفسارك عن دورات الحاسب وبالذات الشبكات فأن حاب إني اقدم لك خبرتي المتواضعة في هذا الموضوع..
أولا بالنسبة للشبكات فهي تنقسم إلى نوعين في شبكات الهاردوير واللي يكون عملها عبارة عن تشبيك الأجهزة وإعدادها والدورات في هذا المجال كثيرة.. على سبيل المثال إذا كانت خلفيتك عن الشبكات ضعيفة فبإمكانك البدء بأخذ دورة عن مبادئ الشبكات عندك دورة إسمها +N وهي شهادة تتبع لمنظمة Comptia وهي نفس المنظمة اللي تطرح شهادة الـ +A..
بعد كذا عندك شهادات السيسكو وهي كالآتي :-
Cisco CCNA وهي للمبتدئين و Cisco CCNP للمحترفين و CCIE للخبراء والأخيرة هذي قليل اللي يحملها.
هذي الشهادات في مجال الهاردوير للشبكات كما ذكرت لك.
في المجال الآخر اللي هو شبكات سوفتوير أو إدارة الشبكات أو برمجة الشبكات فيه شهادات المايكروسوفت
وهي كالآتي :-
Microsoft MCSA وهي شهادة إدارة انظمة شبكات و Microsoft MCSE وهي شهادة هندسة انظمة الشبكات..
أيضا في مجالات البرمجة الدورات كثيرة في شهادات المايكروسوفت أو الأوراكل وكلها بتفيدك
وفي مجال آخر ومهم وهو مجال آمن المعلومات وهذا المجال قليل اللي يتجهون له مع أنه مهم وفيه دورات في هذا المجال..
والمجال مفتوح أمامك بإمكانك تطوير نفسك بحيث تصبحين مؤهله ومتميزة في مجال الكمبيوتر سواء في مجال الشبكات أو البرمجة أو تشغيل أنظمة أو أمن معلومات وغيرها ربما أنتي تفهمينها أكثر مني بحكم مؤهلك الأكاديمي.
ابحثي في هذا الموضوع ووسعي خياراتك لاتكوني حاجرة نفسك على موضوع الوظيفة وبس
اتمنى لك التوفيق

يجي من يفيدك ان شالله

__________________

أشكركم جميعا
أخوي سفير الخليج اشكرك شكر خاص
لكن المشكله انا في المنطقه اللي انا فيها مافي دورات حاسب كبيرة غير A+
اما السيسكو واللي تكلمت عنها فهي غير موجودة للنساء في منطقتي
اغلب الدورات ادخال بيانات وزي كذا
انا بالنسبه ليا هذي الامور مرة بسيطة
يعني انا معاي شهادة بكالوريوس في الحاسب
يعني مثلا زي دورة كامبردج وادخال بيانات دي مااحسها تفيدني
في دبلومات شبكات بس الدبلوم سنتين وبالنسبه ليا دي مدة طويله
وغاليه كمان يعني معهد نيوهرايزن ب 29 الف وانا بصراحة ماعندي امكانيه
واخاف اتوظف او انقل يعني مو ضامنه وضعي
انا ابغى اطور نفسي بس ماني عارفه
لانو الوظيفه قد تطول وانا ماابغى اتوظف لانو اسمي توظفت ابغى اكون متميزة
يعني في مدارس خاصه لو قدمت بلقى بس مو حابه
ابغى شي تدريبي فالله يخليكم اللي عنده خبرة يفدني
انا من سكان المدينة المنورة اللي يعرف دورات يقولي تعبت وانا ادور

بسم الله ماشاء الله أسال الله ان يوفقك
حبيبتي بما انك متخرجه بممتاز حاولي تدرسي بمعهد مثل العالمية او كلية الغد الاهلية عندكم بالمدينة او الاكاديمية الصحية السنة التحضيرية او فرع الجامعة العربية المفتوحة يعني شوفي لكي مؤسسة تعليمية قوية حتى تفيدك في السيرة الذاتية اذا اضفتيها حتى لو الراتب ضعيف الله يعينك وفترة المساء حاولي تشوقيلك دورات ميكروسوفت ودورات تطويرية ودبلوم لغة انجليزية لانه ذحين في كليات مجتمع واداب كثيرة تم فتحها في المدينة ومحافضتها وفي ينبع ورابغ ويبغوا معيدات فحاولي ياحياتي تزبطي السيرة الذاتية تبعك وعقبال مانشوفك معيده في احدى الكليات