بسم الله الرحمن الرحيم
السلام عليكم ورحمة الله وبركاته ...
اليوم تمت المقابلة الشخصية في كلية ينبع الصناعية حول مشروع سابك لسعودة وظائف المقاولين

في البداية :
ذهبت بتوتر ومشغول الذهن ماذا سيحدث يالله يا رب تسهلها ...
دخلت مع البوابة وجدت مجموعة كبيرة من المتقدمين لهذهـ الوظيفة
كلمت الموظف المسؤول قال روح سوي الإختبار وتعال .
قات اختبار ؟ قال ايه روح للمسرح وهم يفيدونك

ذهب للمسرح وانا اقول هو اختبار ولا مقابلة شخصية ؟ يالله وربي ماني فالح بالإنجليزي يارب تسهلها
دخلت المسرح وإذا هو اختبار بالعربي وهو اختبار للشخصية " يبون يعرفون شخصيتك "
اجتماعي ، انطوائي ، عملي ، كسول ، خجول ، تحب الروتين ولا لا ،،،،، .... الخ

المهم خلصت الاختبار ورحت وسألت الحين وش السواهـ
قال انتظر دورك في المقابلة الشخصية
جاء دوري ورحت لهم
سألوني :
انت من اي مدينة
وش اشتغلت قبل كذا
وش شهادتك
كم نسبتك " معدلك "
لية ما كملت دراسة
وش تبي تخصص
ليش اخترت هل تخصص


وبعدها قالوا الله يوفقك ورحت " اهم شي يشوفون انت واثق من نفسك ولا لا "

ماشاء الله أخوي ربي يوفقك وييسر امورك وعقبال ما تفرحنا بقبولك بالبرنامج.

حاب اسألك بعد الاختبار والمقابله في شي ثاني نسويه سواء اختبار ثاني او مقابله او اي شي ولا بس بعد المقابله ننتظر مقبولين او لا.
سؤالي هذا لأني من ينبع وجاتني رسالة المقابله بالجبيل وانا مابي اروحاكثر من مشوار وبالاخير ما انقبل.
ياليت تفيدني ياخوي محتاج مساعدتك وكمان لو اقدر اغير مقابلتي لينبع كيف وعن طريق ايش

اعذرني كثرت اسئلتي ههههههههه
شكرآ لك

السلام عليكم ورحمة الله وبركاته حتى انا اخوي شغل مخك اختباري اليوم 15/1/1433 واختبرت زي ماختبرت انت والله يوفقنا ونكووون من المقبولين يااااارب بس لى فكرة وش اخترت تخصص يالغالي موفق بإذن الله ... لك مني أجمل تحية .

على فكرة ياأخوي شغل مخك في ينبع معاااك اختبرت

انا سجلت
من
اسبوعين
ومااجاتني رساله الى الان افيدوني جزاكم الله الف خير متى سجلتو انتو

ماشاء الله تبارك الرحمن ..
الله يوفقك وييسرلك امرك ..
حبيت اسألك اخوي .. الاختبار كان بالعربي
والمقابلة بالعربي ولا بالانقلش ...
ارجوا افادتي بسرعة لان يوم الاثنين موعدي عندهم