10-12-2011, 07:24 PM
|
 |
عضو نشيط
|
|
تاريخ التسجيل: Nov 2009
المشاركات: 178
معدل تقييم المستوى: 25225
|
|
|
اسمعو قرار محمد بن نايف لتنقيص الطول
بسم الله الرحمن الرحيم
اخواني اعضاء المنتدى والزوار السلام عليكم ورحمة الله وبركاته بصراحة ماادري من وين ابتدي عندي كلام كثير ودي اقوله لكن تعجز الحروف ماذا تكتب مابي اطول عليكم ابي احكيلكم قصتي ولكم الحكم انا موظف بشركة سيل التابعه لشركة الاتصالات السعودية ومتزوج ويعلم الله الراتب يالله يغطي الوضع الحمدلله على كل حال المهم قدمة في الامن العام في مكة المكرمة نهاية شهر رمضان المبارك والحمدلله طلع اسمي وعطوني موعد في تاريخ 28 / 11 / 1432 ورحتلة وعديت في الطول والوزن طبعا انا جامعي وقدمة على رتبة وكيل رقيب وبعد اجتياز الموعد بامتياز عطوني ورقة صغيرة مكتوب فيها الموعد الثاني في 24 / 2 / 1433 وتباشرت خير وقلة خلاص هانت والحمدلله جلسة تقريبن الا يوم الاحد الماضي ويجيني اتصال من رقم ثابت بدايته 02 رديت قالي معك مدينة تدريب الامن العام بمكة جانا امر باستحقاق الجامعيين رتبة رقيب وتحويلهم لمدينة تدريب الرياض فسالت الموظف وش الاوراق المطلوبة قالي نفس اللي جبتها لنا في التقديم الاول المهم رحتلهم يوم الثلاثاء الماضي بصراحة انا افتكرت انهم ارسلو اوراقنا للرياض واني باروح على اني باخذ اوراق الكشف الطبي المهم حجزت تذاكري وسافرت رحتلهم يوم الثلاثاء جيت الا الدعوة فيها ميزان واللي واقفين على الميزان افراد تقول انه بيصرف عليك من راتبه وفيه عقيد تقول انه بالعله ليمونه وجهه يسد الرزق جيت ولا طالع في الشهادة ولاشي مع العلم ان عددنا كان قليل يمكن مانعدي 20 قالي الضابط اطلع الميزان قلتله تراني مقدم في مكة ومشية في الطول والوزن يعني ليه تقيسوني مرة ثانيه قال اطلع على الميزان طلعت والا العسكري ينزلني ويطلعني ويقولي ضم رجولك لاترفع راسك الا شوي ويقول ناقص نص سانتي انا يوم قالي هالكلام جن جنوني فنزلت وانا معصب قلت للضابط انا مشية في مكة ليه عندكم مامشية الا وهو يطير فيني بالكلام وقعد ينفخ علي قدام الطلاب والافراد يقولي حنا مالنا شغل بمكة حنا ادارتنا غير عودت اخذت اوراقي ورجعة ويعلم الله ياجماعة الخير اني خسرت في هالسفرة تقريبن حول الالف ريال حقة التذاكر والمشاوير في الرياض وراح الراتب كله على هالسفريه لكن مااقول الا الله لايوفق من يقطع رزق من يحتاج لوظيفة ياجماعة الخير انا مادري المسؤولين مثل الامير نايف والامير محمد بن نايف عندهم خبر على هالوضع اللي صاير مافي اي رحمة من قبل العسكر بصراحة وياااااااااااااااااااااليتهم ماشين على النظام يدخل ولد عمه وخاله وفلان وعلنتان وهذا الشي اللي يخلينا نتعب حيل هذي قصتي مع الامن العام اتمنى ياخوان ياعضاء المنتدى انكم تثبتوا موضوعي ممكن شخص مسؤول يشوف هاكلام ويشوفلنا حل وانا متاكد لو درى الامير نايف وولدة الامير محمد بن نايف عن الوضع اللي صاير راح يكون لهم قرار حيوي يدعم شباب هذا الوطن المعطاء وبالنسبة لي انا راح ارفع برقية باسمي للامير نايف واخبرة عن الموضوع وانشاء الله توصله مابي اطول عليكم ابي منكم انكم تدعولي وتدعو على من ظلمنا في بلدنا
والسلام عليكم ورحة الله وبركاته
التعديل الأخير تم بواسطة إعلامي بلا وظيفة ; 10-12-2011 الساعة 07:29 PM
|
العرض الشجري
