السلام عليكم ورحمة الله
انا اول مره انزل استفسار لأني محتاااره وموقادره أنام من التفكير !!

انا انقبلت بوظيفه كنت مقدمه عليها عن طريق الموقع وبعد تفكيررر عمييق ومشاورات وعمل الأستخاره رحت ووقعت العقد قبل اسبوعين تقريبآ ..
والشركة هيا (الفيرجن ميغاستور) هيا شركة تبييع سي دي واشرطه اغاني وفيديو وكمان أجهزه كهربائيه وكتب وغيروو // انا راح اشتغل بالأداره بقسم نسائي
ولكن.............. حصل إلي ماكنت متوقعته

بعد ماتوكلت على الله رحت وقعت العقد ، بس يوم السبت إلي هو امس اتصلت عليا شركة تأمين طبي كنت مقدمه عليها في شهر شوال !!
وهالشركة كنت اتمنى اشتغل فيها وفقدت الأمل (استغفرالله) نسيت انه الله كريم بعباده...سبحان الله اتصلوا عليا وقالوا لي اذا وافقت عالراتب ابدأ الشغل يوم الأربعاء هاذا >> (يعني بعد يومين)!!!

انا الحين محتاره وخايفه بنفس الوقت >> لأني وقعت عقد مع شركة الفيرجن ميغاستور بس لسا مابدأت شغل ، راح ابدأ يوم السبت إلي هوا بتاريخ 9/2
بس طبعآ راتب الشركه الثانيه احسن والمميزات افضل بكثيرررر
الســـــــــــــــــــؤاااال هوااااااا.............................

اذا وافقت اشتغل بالشركه الثانيه ، ايش الموقف إلي راح تتخذه الشركه الأولى إلي وقعت معاهم العقد؟؟
هل راح تصير لي مشاكل معاهم ، او مع مكتب العمل ؟؟

لأنه وحده قريبه مني قالت لي انه مالهم دخل فيكي مدام مابدأت معاهم العمل وكمان اذا بدأت راح يككون الأسبوعيين الأولى تدرريب فقط وبعدها نبدأ شغل

ياريت اي أحد عنده فكره ويكون يفهم بقوانين مكتب العمل يوجهني..الله يخليكم
موقادره أنام من القلق..كيف أحل المشكله ؟ وكيف اعتذر من الشركة الأولي

آســـــــــفه عالتطويل ..بس حبيت اعطيكم التفاصيل عشان تعطوني اجابه شافيه :o

اختي العزيزه انا من رايي اذا تبغين ترتاحين ويرتاح ضميرك
ادخلي شركة تأمين طبي....
ب لان الشركه الاولى زي ماقلتي تبيع اغاني والواحد يالله يالله يخفف ذنوبه فمابالك لو اشتغلتي فيها
اما على شركة تامين طبي شكلها افضل لان عمومآ مجال الطب والشغل فيه حلو وغير كذا راح تكسبين خبرات متنوعه في جميع المجالات ودورات لان اعرف ناس ادخلوا مجالات مكتبيه في مجال الطبي واستفادوا الكثير

وغير كذا انتي المفروض لما توقعين العقد تقرين الشروط كلها وتاخذين نسخه من العقد تحتفظين فيه للضروره

لان في بعض شركات فيها شرط جزائي وعلى حسب شركه وشروطها ..

انت شوفي شركه وتفاهمي معهم على الانسحاب منها وتوكلي على الله وقعي في شركة التامين الطبي واستخيري وربي يوفقك يارب ...

اتمنى اني فدتك لو بشي بسيط والقرار لك ..

أختي / عزف الجروح

الله يعطيك العافيه على ردك.. وبالنسبة لشركة التأمين انا كنت اشتغل بشركة تأمين لمدة سنه (2006_2007) ومره فهمت الشغل فيها وصرت بيرفكت
عشان كذا كنت اتمنى اشتغل بشركة تأمين ، بس لما تأخر الطلب اضطريت ادخل هالشركة قلت اعبر فيها .. سبحان الله اول ماوقعت العقد اتصلت الشركه !!

بالنسبة للعقد ، انا قرأته بعضه لأنه كان بالأنجليزي وانا مش ممتازه بالأنجليزي بس سألت المدير قبل ماأوقع العقد عن طبيعة العقد قالي :
انه العقد مفتوح واذا ابغى أطلع من عندهم لازم اعطيهم خبر قبلها بـ شهر حسب قوانين مكتب العمل ..
بس انا لساا مابدأت شغل عشان أعطيهم خبر ، وكمان الشغل راح يكون اول اسبوعين تدريب فقط ..

عالعموم مشكوره أختي عالرد ..وياريت القى ردود ثانيه تكون شافيه اكثر ..ياااريت

ياهلا اختي والله بقول لك وظيفتك الاولي زي ما قال اخوي اغاني والواحد يكفي ذنوبه

لكن بخصوص الغاء العقد اذا مافيه شرط جزائي مافيه مانع ولا وقعي العقد مع التامين وخلي الشركه الاولى تغيبك وبعدين اعتذري لكن راجعي الشرط الجزائي يمكن يكون مافيه

واذا العقد اكتبي الي فيه ونترجمه لك

والله يوفقك يارب

شكرآ لك أخي جريح ينبع

المشكله انه العقد مش عندي ..ماأعطوني اياه
حتى النسخه العربية قالي انه لسا ماجهزت ..
انا راح اتصل بكره عالمدير واسأله ، وان شاءالله مايكون فيه شرط جزائي

دعواتكم أخواني وأخواتي ..انا والله ماأبغى اشتغل بشركة الأغاني بس تعبت من جلسة البيت ،، وانا ماوقعت العقد الا بعد استخااااره >> شكرآ لكم جزيلآ

ما اقول الا الله يسهل اموورك

وان شاء الله ما يصيرلك الا كل خيير

كلمي المدير وقوليله جاني عرض افضل, ايش الوضع الان؟؟؟؟

رأيي: ما اظن فيها مشاكل..

الرويلي .. مشكور اخوي ، يارب ..الله يسهل امري ويهديني للطريق الصحيح

محمد صالح .. انا صديقاتي قالت لي انه من الأفضل ماأقول انه جاني عرض عمل مع انه انا بطبعي مأاحب الكذب من البدايه ,, افضل المصداقيه
حتى الشركه الثانيه لما رحت وعملت المقابله ماقلت لهم انه موقعه عقد عمل مع شركه لأني خفت اذا عرفوا يكنسلوني ..وانا بصراحه مرتاحه مع الشركه الثانيه أكثر
لأنه فيها قسم نسائي بحت بدون أختلاط

الله يوفق لك

شكرآ أخوي

ويوفق الجميــــــــع