السلام عليكم جميعا
هذه أبيات كتبتها الوالدة -الله يطول بعمرها- بعد ماحست معاناة الاخوان مع حافز
وللمعلومية ماحد في العائلة مقدم عليه الكل إما موظف أو طالب بس انقهرت يوم شافت انها ألفين وكتبت هالأبيات
وإن شاء الله ربي ييسر أمركم ويفتح لي ولكم ابواب الرزق

مع الأبيات ..


قالوا حافز حفزوني وثارت أحلامي خيال
اتخيل واتفكر وش ابي يا دنيتي
@@@
ابسدد حق ساهر وكم دينن للعيال
وباقي حساب البقالة وابى اجدد رخصتي
@@@
وبشتري لي ثوب كشخة مع غترة ومع عقال
وبشتري لي عطر واتعطر وابين رزتي
@@@
وبشتري لأمي عباية وأبغى للشايب نعال
وبشتري لأختي وأخوي ولاني ناسي جدتي
@@@
بتعقل واتمرجل وأشعر إني من الرجال
أتفلسف وادلي بدلوي واناقش فكرتي
@@@
أتمنى وأتمنى واثر قصري من رمال
ضاعت أحلامي وتحطمت وتلاشت فرحتي
@@@
جاتني حالة ذهول ثم تبلد ثم هبال
أبكي الألفين والا ابكي بقايا عزتي
@@@
لكن اطلب من بيده كل رزق وكل مال
يبتلي بالفقر اللي تسبب بانسكابة دمعتي
@@@

وعليكم السلام ورحمة الله وبركاته...

الله يحفظها لك من كل شر
وصح السانها وتسلم علي انك طرحها

ماشاء الله

الله يحفظها يآآرب

صح لسانها ،،

[align=center]
ماشاء الله الوالده شاعره الله يخليها لك
مره معبـــــــره القصيده
والله يرزقنـــــا ويغنيـــــا عن حافز وطقتــه
[/align]

الله يحفظها

ماقصرت

صح لسآنهآ و آلله يخليهآ لكــــــم ,,

صح لسانها الله يحفظها

صح لسانــــها ربي يخليها لكم يارب

روووعه القصيده ومعبرررررررررره جدااااا

تستحق النشرر
مشكوور لانك امتعتنا....

دمت بخيررر

لاتمنى ياوخيي مال أمانينا مجال
كلها كذبة ونصدق هذي عادة أمتي
والبطانة فاسدة ماعرفت اسم الحلال
حافز اسمه بالاصل عاجز يحقق فرحتي

على السريع قلت اشاركك بهالبيتين

والله يعين