14-12-2011, 01:20 AM
|
|
Guest
|
|
تاريخ التسجيل: May 2009
الدولة: غير مستقر حاليا .,
المشاركات: 6,661
معدل تقييم المستوى: 0
|
|
اقتباس:
المشاركة الأصلية كتبت بواسطة آحمد آلحربي
السلام عليكم جميعا
هذه أبيات كتبتها الوالدة -الله يطول بعمرها- بعد ماحست معاناة الاخوان مع حافز
وللمعلومية ماحد في العائلة مقدم عليه الكل إما موظف أو طالب بس انقهرت يوم شافت انها ألفين وكتبت هالأبيات
وإن شاء الله ربي ييسر أمركم ويفتح لي ولكم ابواب الرزق
مع الأبيات ..
قالوا حافز حفزوني وثارت أحلامي خيال
اتخيل واتفكر وش ابي يا دنيتي
@@@
ابسدد حق ساهر وكم دينن للعيال
وباقي حساب البقالة وابى اجدد رخصتي
@@@
وبشتري لي ثوب كشخة مع غترة ومع عقال
وبشتري لي عطر واتعطر وابين رزتي
@@@
وبشتري لأمي عباية وأبغى للشايب نعال
وبشتري لأختي وأخوي ولاني ناسي جدتي
@@@
بتعقل واتمرجل وأشعر إني من الرجال
أتفلسف وادلي بدلوي واناقش فكرتي
@@@
أتمنى وأتمنى واثر قصري من رمال
ضاعت أحلامي وتحطمت وتلاشت فرحتي
@@@
جاتني حالة ذهول ثم تبلد ثم هبال
أبكي الألفين والا ابكي بقايا عزتي
@@@
لكن اطلب من بيده كل رزق وكل مال
يبتلي بالفقر اللي تسبب بانسكابة دمعتي
@@@
|
الله الله الله .,
والله جميله الابيات ., ورائعه الكلمات .,
ومشاء الله عليها احساس رائع ., وتصوير جميل في الابيات .,
الله يحفضها لكم ويبقيها ع طاعته .,
والله يعطيك العافيه اللى نقلت لنا ابياتها الجميله .,
اسجل اعجابي بالابيات ., واسمح لي احتفظ فيها .,
|
العرض العادي
