قصتي مع تقديم المخدرات يوم السبت

خالدفايز · #1 (**permalink**) 12-12-2011, 06:35 AM

[align=center]
السلام عليكم ورحمة الله وبركاته

قصتي مع ادارة مكافحة المخدرات الي هو على طريق الدمام السريع
شمال الفحص الدوري وصلت الى الاداره الساعه 7 وربع صباحا وكان مبناهم عمارتين مستأجرات وللمعلوميه مكان موقعهم بعيد جدا ومع زحمة دوامات يعني حرص تروح بسياره قبل الموعد بساعه ونص وجيتهم ونزلت ولقيت في شباب متقديمن اعدادهم لايتجاوز 50 شخص بنفس موعدي وعند الساعه الثامنه صباحا دخلونا (وحرص تدخل على الساعه الثامنه
عشان لاتأخرت يحطونك اخر واحد احتراما لااشخاص الي قبلك ) ودخلونا الى حوش ادراة المخدرات وجانا ملازم اول مطوع معه افراد ويشهد الله ان ملازم اول عسل ووسيع صدر هو والاافراد الي معه وينادون بالاسامي بالترتيب حسب رقم الطلب ويقولون لك اذا مامعك صور لاتدخل روح جيب صور ولاصور عند اقرب استديو وتعال ثم بعدها الي ينادون اسمه يقولون له ادخل مع سيب تدخل السيب طويل وتجلس فيه مع متقدمين وبعدها يطلبون منك طلع اوراقك كامله من الملف
ويدخلونا واحد واحد بغرفه فيها اثنين يتاكدون من اوراقك كامله المطلوبه ويشوفون بطاقة الاحوال
ويدبسون الاوراق كامله لك ويقول ادخل على غرفه ثانيه مفتوحه عليها تدخل الغرفه تلاقي
فيها ملازم لابس مدني محترم جدا يقيس الطول فقط من دون الوزن لأن الوزن تقيسه مع الطول
مره ثانيه بمستشفى (لبشارتكم ياذيابه طول 168 وميزانهم يزود سانتي يعني الي قاس طوله بالامن العام ولا بحرس الحدود وطلع 167 عندهم يمشي ) والي يعدي يروح لااثنين
بنفس الغرفه ياخذون اوراقك ويطبعون ورقة بياناتك الي مسجله بموقع وزارة الداخليه عشان
يدبسونها مع اوراقك كامله ويقولون ادخل على سيب ثاني تدخل السيب تلاقي اثنين
ياخذون اوراقك ويقولون لك ادخل الصاله تدخل الصاله وتجلس ويجي ضابط لابس مدني
رتبته والله اعلم من عقيد وفوق ويحطون اوراقك كامله عنده يقلبها ويشوف بياناتك مسجله بوزارة الداخليه ويركز على صورة دفتر العائله واسم امك هي سعوديه ولا لا وين ولدت ويسألك وش اسم امك ( واحرص تجيب دفتر العائله او صوره منه موضح فيه اسم الام ومكان ولادتها )
وبعدها يقول اكتب اسمك الرباعي وقع خلف اوراقك ثم تروح تجلس بصاله
ثم ياخذونا بدور الى دور الثاني وجلسونا في قاعه كبير جانا ملازم لابس مدني
عطانا دفتر الالتحاق والكشف الطبي وقال لنا سجلوا عليه رقم طلب الالتحاق
واسمك الرباعي ورقم جوالك وجوال قريب لك ويدبس لك خمس صور صورتين
بكشف الطبي وثلاث صور بدفتر الالتحاق ثم تروح تجلس بالقاعه
وينادون باالاسامي بنفس القاعه لثلاث اشخاص جالسين على مكتب يختمون على اوارق
الكشف الطبي ودفتر الالتحاق ويسألونك انت من اي منطقه ومدينه
عشان يعطونك خطابين موجهات لـ الاحوال المدنيه والادله الجنائيه ويعطونك الاوراق كامله
ثم تروح تجلس ثم ينادون عليك ثاني مره لااشخاص معهم بنفس القاعه بس
على مكتب ثاني بينهم الضابط الي يسأل وش اسم امك تعطيهم الاوراق
كامله يوقع عليها الضابط ويعطيها اللي جمبه والي بجمبه يحطون خطاب الاحوال
في ظرف ويعطيك كرت فيه موعد الفحص الطبي وانا عطوني موعد 3صفر الاربعاء
قالوا تاخذه معك الكرت ضروري يوم الفحص الطبي (للمعلوميه الفحص الطبي في مستشفى قوى الامن بالرياض فقط )
ويعطونكم دفتر الالتحاق وظرف خطاب الاحوال وخطاب الادله الجنائيه الا ورقة الكشف طبي
يوجهونها للمستشفى بموعد فحصك ويقولون لك ترى نعطيك موعد ثاني تسلم اوراقك كامله
عن طريق بياناتك بموقع الالكتروني لمكافحة المخدرات يعني راقب بياناتك كل يوم عن طريق الموقع وبعدها توكل على الله ويشهد الله انهم محترمين جدا وحرصين على راحة المتقدمين و تعاملهم مره راقي حتى افضل من معاملة البنوك لاجيتهم والامور عندهم سهالات وبالتوفيق للي مواعيدهم قادمه وانا حبيت اخدمك فقط ومايهمني التقيم الي هابين فيه هاليومين
هالعالم بقدر ماتهمني خدمتك لاني عارف في اشخاص مواعيدهم قريبه وجالسين على اعصابهم
وحبيت اهديهم واقول لهم الامور سهلات ولله الحمد
[/align]