تجمع المتقدمين على شركة مرافق

سَرآب · #**101** (**permalink**) 15-01-2012, 06:19 PM

نبي تكاتف من الجميع
لاهنتم

( حب لاخيك ماتحب لنفسسك )
اللي عنده معلومات لايبخل علينا .. والي جرب يعطينا خلفيه

وشكرا

للأسف بلا حظ · #**102** (**permalink**) 15-01-2012, 07:30 PM

اقتباس:

المشاركة الأصلية كتبت بواسطة سَرآب

السسلام ع ـليكم
مسساء الخير
كيفكم يااشبااب

: انا سسويت مقابله يوم الاربعاء 11-1-2012
الحمدلله المقابله تسساهيل بسس سؤالي
هم قالوا لي نتيجة المقابله بعد اسبوعين والدراسه تبدا يوم 28-1
يعني بعد اسبوعين نقدر نقول انها يوم 25-1
طيب بعدها اسوي الفحص يوم واحد يككفي للفرز ؟

والله لحسسوا مخي ..؟!
طبعاً الدراسسه اللي بدفعتي بكلية ينبع الصناعيه
اللي معي فالدفعي يرفع بنق ههههه

وبالتوفيق ياشباب

سلام عليكم ..

دفعتنا اللي في الجبيل ..
اعلنوا نتائج القبول وسواو الفحص الطبي واعلنوا نتائجة وبدوا الدراسه بالجبيل .. خلال 4 ايام تقريبا ,
وافتكر كلموني يوم الخميس ( نتائج الفحص الطبي ) وقالوا لي السبت تكون بالجبيل ( بداية الدراسة )

يعني لاتستبعد يصير هالشي مع الدفعه الجديده ايضا ..

وياشباب اللي عنده استفسار , يتصفح الموضوع بالصفحات الماضية وبيلقى جواب لـ استفسارهـ ..
الصفحات الماضية فيها اجابات عن كل شي تقريبا ..

والله يوفقكم ..

العلم نوررر · #**103** (**permalink**) 16-01-2012, 12:53 AM

السلام عليكم ورحمه الله وبركاته
بالتوفيق للجميع ان شاء الله

شباب ايش برنامج الجامعيين ومين فيكم مقدم بالشهاده الجامعيه وكم مكافاتهم وقت الدراسه وكم الرواتب بعد التوظيف ؟ وهل البرامج تختلف عن برامج الثانوي والدبلوم ؟

ارجو الافاده..

وشكراً

للأسف بلا حظ · #**104** (**permalink**) 16-01-2012, 07:40 AM

اقتباس:

المشاركة الأصلية كتبت بواسطة العلم نوررر

السلام عليكم ورحمه الله وبركاته
بالتوفيق للجميع ان شاء الله

شباب ايش برنامج الجامعيين ومين فيكم مقدم بالشهاده الجامعيه وكم مكافاتهم وقت الدراسه وكم الرواتب بعد التوظيف ؟ وهل البرامج تختلف عن برامج الثانوي والدبلوم ؟

ارجو الافاده..

وشكراً

برنامج الجامعيين بالشركه يسمى PDP
وماعندي معلومات بصراحه عن الرواتب والمكافات ,
لكن سنين الدراسه سنتين والبرنامج يختلف اختلاف كلي عن برنامج الثانوية والدبلوم ..
وابحث عن البرنامج في موقع الشركة او في موقع ( مرافق اليوم ) ..

الله يوفقك ,

العلم نوررر · #**105** (**permalink**) 16-01-2012, 11:36 AM

يعطيك الف عافيه اخوي
طيب عندك فكره عن المقابله الشخصيه لهذا البرنامج ؟ وايش محتوى المقابله والاسئله؟

فهَد · #**106** (**permalink**) 17-01-2012, 09:17 AM

سلام عليكم..

سؤال..

أنا قدمت على البرنامج حق مرافق أول ما فتح " في بداية رمضان " ، تقريباً في نص شهر شوال انسرق جوالي وراح علي الرقم " هو نفس الرقم اللي استخدمته في تسجيل مرافق " ، المهم مشيت الأيام.. قبل اسبوع اظن جيت بدخل موقع مرافق أشيك اش صار اش ما صار.. وللأسف الظاهر اني نسيت الباسوورد..

يعني لو كان فيه قبول كان دقو ولقو الجوال مقفل ، ولاني قادر أسوي استعادة كلمة مرور من نفس الموقع " الظاهر فيه عطل أو شي كذا "..

ما أدري.. هل صار الكلام هذا مع أحد ثاني ؟ ولو صار ياليت يقول لي وش سوا..

يعطيكم العافية ، والله يوفق الجميع

للأسف بلا حظ · #**107** (**permalink**) 17-01-2012, 12:40 PM

اقتباس:

المشاركة الأصلية كتبت بواسطة العلم نوررر

يعطيك الف عافيه اخوي
طيب عندك فكره عن المقابله الشخصيه لهذا البرنامج ؟ وايش محتوى المقابله والاسئله؟

هلا اخوي ..
لا والله , بس اتوقع يسالونك عن تخصصك ويسالونك اسئله يعرفون شخصيتك من خلالها ..
وعن فتره دراستك ومن هالكلام ( مجرد توقع لـ اكثر ) ..

الله يوفقك

للأسف بلا حظ · #**108** (**permalink**) 17-01-2012, 12:48 PM

اقتباس:

المشاركة الأصلية كتبت بواسطة فهَد

سلام عليكم..

سؤال..

أنا قدمت على البرنامج حق مرافق أول ما فتح " في بداية رمضان " ، تقريباً في نص شهر شوال انسرق جوالي وراح علي الرقم " هو نفس الرقم اللي استخدمته في تسجيل مرافق " ، المهم مشيت الأيام.. قبل اسبوع اظن جيت بدخل موقع مرافق أشيك اش صار اش ما صار.. وللأسف الظاهر اني نسيت الباسوورد..

يعني لو كان فيه قبول كان دقو ولقو الجوال مقفل ، ولاني قادر أسوي استعادة كلمة مرور من نفس الموقع " الظاهر فيه عطل أو شي كذا "..

ما أدري.. هل صار الكلام هذا مع أحد ثاني ؟ ولو صار ياليت يقول لي وش سوا..

يعطيكم العافية ، والله يوفق الجميع

هلا اخوي ..

( فيه خلل بالموقع ) للاسف , مايمديك تستعيد الباسورد ,

بس اخوي .. هل كنت حاط رقم اخر بالتسجيل ( الرقم الثاني ) ..
لان عند التسجيل فيه اكثر من فراغ للارقام ..
الرقم الاول والرقم الثاني ... ,

اذا حطيت رقم ثاني فـ هم بحال انك مارديت على الرقم الاول او لقوهـ مقفل ..
يدقون على كل الارقام الموجودهـ بطلب التسجيل .. واذا مالقوا رد ..
يكنسلون الطلب بالحاله هذي للاسف : )
( اسال اللي انت حاط ارقامهم هل سبق ودق عليهم رقم تحويلته 03 او 04 ؟ )

واذا سبق و دقوا عليهم الشركة ,
ارجع دق على الشركة انت وقولهم جاني منكم اتصال ..

واذا مافيه احد دق على الارقام الثانيه ..
فـ معناته انه م انت مقبول بالدفعه هذي او بالدفعه الجاية ..
( ممكن يكون لك نصيب بالمرات الجايه )

لكن من رايي .. انت دق على الشركة واسال عن وضعك واعطيهم بياناتك ..
اسمك ورقم الطلب ..

والله يوفقك ,

الركاب والمبيعات · #**109** (**permalink**) 17-01-2012, 04:32 PM

يا شباااب عكووني ارقااام موظفيــن يردون على طووول ...ّّ

مآرق · #**110** (**permalink**) 17-01-2012, 07:27 PM

ي شباب احد مقدم قبل شهر او شهر ونص ودقوا عليه !!!؟؟؟؟؟؟؟؟؟؟؟؟؟؟؟؟؟؟؟؟

انا للحين ماوصلني خبر . لاكن اتصلت ع الشركه , وقالو لي فـ شهر فبرآير . راح يتصلون ع ارقام الطلب من 4500 الا 5000 , وقالي يصفون هالـ 500 ويدخلون الدراسه المؤهلين فقط !!