تجمع المتقدمين على شركة مرافق

فارس الحواش · #31 (**permalink**) 05-01-2012, 04:50 PM

للأسف بلا حظ

يعطيك العافية ومشكور ,
انا مقبول وبجي بعد 9 ايام بالضبط لرابغ في المعهد العالي (يوافق 20 صفر)
و ,,, الحمد لله اولا واخرا لأني انقبلت واقول للي ما جا لهم خبر عقبالكم امين
المهم يا عزيزي ,,,
ممكن توضح لاهنت عن التفاصيل الدقيقة للدراسة والاقسام وماهي افضلها وكيف السكن وكيف نظامهم فيه ,,,,
اعذرني اسئلتي كثير

خالد الوسمي · #32 (**permalink**) 06-01-2012, 05:46 AM

السلام عليكم
اخوي للاسف بلا حظ
كيف حالك يا غالي
يا اخوي انا سويت مقابله بس لسى ما سويت فحص طبي
هل تتوقع الي ما سوى فحص طبي وما دقوا عليه
انهم يقبلوه في الدفعه الي بشهر 4
وشكرااا الله يعطيك العافيه

خالد الوسمي · #33 (**permalink**) 06-01-2012, 05:47 AM

هلا وغلا فيك
اخوي فارس الحواش
والله يا اخوي اتمنى اني معكم بس للاسف ما دقوا علي
والله ودي امشى الحين الرابغ وادرس معكم
بس ما باليد حيله ....
اتمني لك التوفيق يا الغالي

خالد الوسمي · #34 (**permalink**) 06-01-2012, 05:58 AM

اخوي فارس الحواش
شيك باستمرار على هذا رابط : http://www.*******.net/vb/t82382-9.html
هذا رابط راح تلقى فيه كل المقبولين بشركه مرافق والي درسوا فيها
اذا ما فتح معك الرابط عاد انت ادخل موقع اسمه شركتي كوم
ادخل تلقى شركات سعوديه اكثير تلقى من بينهم شركه مرافق .
في شباب واجد بس
للاسف قبل كم اسبوع قفلوا الموقع عشان الصيانه الموقع
بس انت شيك عليه من بين فتره وفتره ان شاء الله يفتحوه قريب
موفق يا الغالي

فارس الحواش · #35 (**permalink**) 06-01-2012, 03:19 PM

[grade="8B0000 00BFFF 008000 4B0082"]الله يبيض وجهك ولا يهينكـ [/grade] اخوي العزيز خـــالد الوسمــي .

وانا والله بعد أتمنى تكون معنا , بس الله يوفقك ويعوضك باللي أحسن منها
لازم نتبع المكتوب وين ما دعانا , فتدري يا خالد
انا كنت احسب اني بادخل الخطوط ورحت اختبرت وبعد اشياء كثير ما قبلوني
وثم رحت لخميس مشيط جاني قبول بمعهد الدراسات الفنية للقوات الجوية مطابقة اوراق
ودعوني مرة ثانية للظهران كشف واختبارات ورحت وبهذلوني وكرف موب صاحي واخر شي ما طلع اسمي وثم اختبرت بشركة صدارة وثم بغيت اروح لجامعة الامام ,,,إلــــخ
بس !!!!
خلاصة كلامي .
كـــل شـخــص لـه قدر ونصيب مكتوب ,,, ومن الممكن أن نكره شي ما تحقق لنا حدوثه وهو خير لنا
فما اقول إلا الله يوفقك واصبر يا الغآلي
واعذرني على الإطالة .

مآرق · #36 (**permalink**) 06-01-2012, 05:02 PM

للآسف بلآ حظ // يعطيك العافيه ولآيرحمنا منك ,

بس عندي استفسار صغير !!

انا مقدم قبل شهر تقريبا !!

ب النسبه لي مع اللي تقول عليهم ! => شهر 4 و 5 .. ولا شلون !!!

مآرق · #37 (**permalink**) 06-01-2012, 05:04 PM

ثثثثثثثثثثثثثثثثثثثثثثثثثثثثثثثثثثثثثثثثثثبت ي مشششششششششششششششششششششششششرف ,

للأسف بلا حظ · #38 (**permalink**) 06-01-2012, 08:23 PM

اقتباس:

المشاركة الأصلية كتبت بواسطة فارس الحواش

للأسف بلا حظ

يعطيك العافية ومشكور ,
انا مقبول وبجي بعد 9 ايام بالضبط لرابغ في المعهد العالي (يوافق 20 صفر)
و ,,, الحمد لله اولا واخرا لأني انقبلت واقول للي ما جا لهم خبر عقبالكم امين
المهم يا عزيزي

,,,
ممكن توضح لاهنت عن التفاصيل الدقيقة للدراسة والاقسام وماهي افضلها وكيف السكن وكيف نظامهم فيه ,,,,
اعذرني اسئلتي كثير

الله يعافيك والعفو ..

ماشاء الله تبارك الله , عالبركه يارب والله يسهلك ..
اللهم امين ..

الدراسه سهله .. والسكن يختلف حسب المنطقه ..
لكن حسب ماسمعت دفعه رابغ القادمه حيكون سكنها بالمعهد نفسه
" المعهد جديد وكل شي فيه حديث "

الدراسه سهاله والله .. بس شد حيلك شوي وركز واهتم شي بسيط ..
وباذن الله تنجح وتعدي ..

لان الدراسه قسمين ..
قسم فتره عامه ( لغه ) + قسم تخصص ( تشغيل )

وبالنسبه للاقسام بالتخصص .. كل الطلاب حيكونون تشغيل ( مشغلين ) ..
وانواع التشغيل في مرافق ( تحلية - الات مساعده - حراري )

وكل دفعه وظروفها .. بمعنى

الدفعه اللي بالجبيل حاليا ..
كل الطلاب درسوا كل التخصصات الثلاثه التحلية والالات المساعده والحراري ..

اما دفعه ينبع الاخيره ..
قسموهم حسب درجاتهم وكل طالب درس تخصص واحد فقط ..

وافضل هالتخصصات من ناحية الطلب والرغبه في غالبية الشركات .. هو مشغل حراري ..
مع العلم انه تخصص شاق في العمل نوعا ما وصعب شوي دراسيا ..

واسوا التخصصات هو مشغل تحلية .. لان هالتخصص لايوجد الا في محطات التحلية ..
وهو الاسهل من ناحية الراحة بالعمل وسهلا دراسيا لحد ما ..

والتخصص الاخير واللي اشوفة الانسب ( من وجهه نظري ) هو مشغل الات مساعده ..
التخصص هذا عمله وسط نوعا ما .. ومطلوب في بعض الشركات او اكثرها نوعا ما ..

بس حاليا لاتفكر في التخصصات .. شي ملحوق عليه ..
فكر تعدي الفتره العامه بافضل الدرجات وتستفيد من اللغه ..

لا بالعكس خذ راحتك , , واي اسئله اخرى تحت امركم ..
وتكفيني منكم دعوه بظهر الغيب بالتوفيق وبـ بر الوالدين : )

والله يوفقكم جميعا ..

للأسف بلا حظ · #39 (**permalink**) 06-01-2012, 08:32 PM

اقتباس:

المشاركة الأصلية كتبت بواسطة خالد الوسمي

السلام عليكم
اخوي للاسف بلا حظ
كيف حالك يا غالي
يا اخوي انا سويت مقابله بس لسى ما سويت فحص طبي
هل تتوقع الي ما سوى فحص طبي وما دقوا عليه
انهم يقبلوه في الدفعه الي بشهر 4
وشكرااا الله يعطيك العافيه

هلا اخوي ..
اتوقع , يـ انهم رفضوك بعد المقابلة ,
او انك ضمن الدفعه بشهر 4 ..

اذا انهم حطوك من ضمن الدفعه اللي ب شهر 4 فـ هم ينتظرون يخلصون من المقابلات للكل ..
وبعدها يبدون يستدعونهم كلهم للفحص الطبي مرهـ وحده ..
( لانهم لحد الان شغالين يسسون مقابلات ) وعلى حسب علمي بكره السبت فيه مقابلات بعد ..
وبما انه لسه بدري على بداية الدفعه بقي شهرين تقريبا فـ بدري على الفحص الطبي يعتبر ..

لكن عندي لك راي .. دق على الشركة وقولهم انك سويت مقابله وماجاك رد لحد الان ..
وقوله يشوف وش وضعك عندهـ بالسيستم .. وشوف وش يقولك عاد ..

واتمنى لك التوفيق ..

تحية طيبة

للأسف بلا حظ · #40 (**permalink**) 06-01-2012, 08:35 PM

اقتباس:

المشاركة الأصلية كتبت بواسطة مآرق

للآسف بلآ حظ // يعطيك العافيه ولآيرحمنا منك ,

بس عندي استفسار صغير !!

انا مقدم قبل شهر تقريبا !!

ب النسبه لي مع اللي تقول عليهم ! => شهر 4 و 5 .. ولا شلون !!!

الله يعافيك ..

سويت مقابله ؟
اذا سويت ( اقرا ردي على الاخ خالد الوسمي فوق , يشملك نفس الكلام ايضا )

واذا ماسويت .. اتوقع انهم م اختاروك من ضمن المقبولين : )
ويمكن يكون لك نصيب بالمرات الجاية ان شاء الله ..
وترى فيه ناس مقدمين لهم 3 شهور و 4 و 6 واكثر وبعدها دقوا عليهم : )

الله يوفقكم ,