السلام عليكم

كيفكم شباب

عسى الله يوفقنا وياكم ويجمعنا بكم بالدووووووووووووره

حبيت استفسر عن ملف طلب الالتحاق

راح يفيدني رايكم ويفيد بعض الناس الي ماتدري مثلي

1- فيه واحد من اخوياي ماهو قبلي (( صانع )) وش يكتب بخانه القبيله والفخذ توقعون يكتب اي قبيله ولا وش يكتب ؟؟

2- ( معلومات عن الوضع الاجتماعي للطالب ) مكتوب يقيم مع اسرته ام اعزب هو متزوج طيب يكتب وش يكتب؟؟ هل يكتب عدد افراد الاسره الي بكرت العائله حق ابوه ولا كرت العائله حقه؟؟

3- الاسم الثلاثي لشخصين ((معروفين)) وفيه (( المعرفان)) هل يكتب اخوانه يعني مافيها مشاكل ولا يبون من الجيران بعدين المعروفين والمعرفان يصيرون زي بعض ولا لازم يكونون اربعه اشخاص؟؟

4- تصديق شيخ القبيله وتصديق العمده هل يكتفي بس بختم العمده اذا لايوجد شيخ قبيله ؟؟ وهل اروح للاماره الي انا تابعن له وفي خانه ختم الاماره يختمونه لي ؟؟ وتصديق الشرطه يعني اختمه من الشرطه؟؟

5- طيب انا عندي رخصه ماعلي مخالفات لاكن مطوفه يجيله ثلاث سنين هل لازم اجدده ولا بس يبي يعرفون ان عندي رخصه ولا لا يعني مايحتاج اجدده بس اجيبه وجيب صوره منه ؟؟

6- بصفحه مكتوب تعهد عن (( الشهاده خلوها من التزوير )) وعن (( المخالفات المروريه)) وعن (( خلو الجسم عن تعاطي المخدرات )) وعن (( القضايا الجنائيه )) فيها توقيعات هل انا اوقعها وبأخر الصفحه فيه (( تصديق)) من يصدقه لي لان مكتوب الاسم والرتبه والجهه والتوقيع ؟؟

7- الشهاده الي ختمو عليه الامن العام سمعت ناس يقولون لازم تصدقه من الوزاره وانا مصدقه من التربيه والتعليم يعني ماهو من المدرسه والشهاده حقت الحاسب مصدقه من نفس المعهد مادري يمكن احد فاهم يوضح لي ؟؟

8- واخر شي بسالكم لاخلصت هالدفتر حق (( طلب الالتحاق)) اوديه لم الاحوال بالله الي ودوه وخلصوه من الاحوال كم يجلس هل يوم يومين اسبوع ولا كم بالله افيدونا؟؟


الله يجزاكم خير جاوبوونن على هالاساله لان والله ماسالت الا لاني ماعندي معلوميه وبي احد يفيدن الله لايحرمكم الجنه