تكفوووووون تكفوون طمنو قلبي

وهمالمطيري · #1 (**permalink**) 12-12-2011, 04:29 PM

السلام عليكم ورحمة الله وبركآته

بالله عليكم اللي عنده علم او يقدر يفيدني لايقصر وربي نفسيتي تعبانه ومتضايقه

انا حلم حياتي الماجستير وبالعآفيه اقنعت اهلي ادرس لان راح ادرس برا المملكه ووافقو الحمد لله وبدينا الأجراءات وحصلت على قبول مشروط .. ويافرحه ماتمت .. لأن راح تنزل وظآيف جداره آخر الشهر هذا .. انا ما ابغى وظيفه وخايفه ينزل اسمي لأان لو طلع لي شي ابوي راح يقول لي طبي الأرض مافيه روحه .. احيانا ادعي ان ماينزل اسمي .. بس اللي ابي اعرفه لو لاسمح الله نزل اسمي بالوظايف اللي بجدآره وش اسوي .. سمعت انو لو الغيت طلبي راح يسقط حقي .. شلون يعني ؟
طيب اقدر ارفضها الحين وبعدين ان شاء الله لما اخلص دراسه اقدم من جديد بالخدمه ؟
المشكله ان التفرغ للدراسه وقت الوظيفه مايصلح الا لو كان للمتقدم 3 سنوات متوظف .. يعني احسها مقفله من كل جهه ,, انا ما ابغى اتنازل عن الماجستير لأني انام واصحى على هالحلم

تكفووووووووووووووووون ريحو بالي الله يريح بالكم

وهمالمطيري · #2 (**permalink**) 12-12-2011, 05:21 PM

ليه ما احد رد

واحد اثنين · #3 (**permalink**) 12-12-2011, 05:34 PM

توكلي على الله وكملي الماستر الدراسة تنفعك اكثر من الوظيفة والرزق على الله
وما اعتقد يسقط اسمك يمكن تكملين الماستر ترجعين على خير تتوظفين وظيفة افضل من وظيفة الديوان بألف مره
لاتتهاونين بالدراسة ابد لو كانت ضروفك تسمح انك تدرسين وفقك الله

وهمالمطيري · #4 (**permalink**) 12-12-2011, 05:39 PM

الله يسعدك ويجزآك خير وماقصرت وان شاء الله ان اسمي مايسقط لأن هذا اللي خآيفه منه ومره ثآنيه مشكوووووووور

الجآمعية · #5 (**permalink**) 12-12-2011, 05:45 PM

[align=center]وعليكم السلام ورحمة الله وبركاته
اختي انا رأيي تكملي دراسة برآ يمكن لان حلمي اكمل
برآ >> بس مالقيت من يروح معي >>
وبالنسبة للوظيفة ماعندي خلفية,,
والله يوفقك..[/align]

وهمالمطيري · #6 (**permalink**) 12-12-2011, 05:57 PM

الله يحقق لك حلمك ويحقق لي حلمي .. انا لو الشور بيدي رفضت الوظيفه لأني اطمح للدرآسه بس المشكله الأهل يعني لو صحيح ان حقي يسقط بالخدمه لو رفضت الوظيفه مستحيل يتركوني اروح.. دعوآتكم وربي يحقق للجميع مايتمنون يآرب

اوكلت همي لربي · #7 (**permalink**) 12-12-2011, 06:15 PM

اااااااااااه ياوهما انتي نفس مشكلتي الله لايطلع لنا اسماء قولي آمين
مشكلتي انا ادرس بس جايه بإجازه عند أهلي
وانصدمت ان فيه نتائج بتطلع
بس الحمدلله اقنعت امي بإنها وظائف اداريه ووقفت معاي بإنها وظائف مو مره مش حالك
لو كانت تعليميه بنقول لكن اداريه ماراح اقبلها
والله يوفقنا بدراستنا
بس خالتي كلمتني تشتغل بالخدمه المدنيه وقالت لي ماراح يعلنون عن نتائج
بيبداء تقديم من اول وجديد
تطمني ياعسل ماراح يطلع شي
محتاسين بالتثبيت وبعدها حملة الماستر والدكتوراه
ارتاحي بس عجلي بأمور سفرك بأقرب وقت
ماتتخيلين انتظر الشهر يخلص بأقرب وقت عشان ارد بسلام
الله يحقق مبتغانى بس

جدارة بنت حافز · #8 (**permalink**) 12-12-2011, 06:26 PM

بالله عليكم

من تجربة اسمعوني

انا خلصت ماستر

باقيلي بس مناقشة رسالتي

وش رح استفيد من الماستر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الان ادور وظيفة على اي مرتبه

لاترفضي الوظيفة ابدا

ترى الماستر مثله مثل البكالوريوس

ماجستيريه · #9 (**permalink**) 12-12-2011, 06:29 PM

[align=center]
انا حاصله على الماجستير وتبغين الصراحه مااستفدت منه شي العطاله ورانا ورانا
فرأيي لو انه طلع أسمك وتوظفتي أقبلي وأضمني لك وظيفه وكم سنه وتقدرين تكملين دراستك
كانو معاي زميلات يداومو في عملهم ويجو الجامعه ياخذو محاضراتهم وماشاء الله متفوقات وتقديرهم إمتياز.
وفي النهاية القرار قرارك وربنا يوفقك ويكتب لك كل خير,,
[/align]

المتفائلة للأبد · #10 (**permalink**) 12-12-2011, 06:37 PM

يمكن يعتمد على تخصصك اللي بتدرسينه لو كان مطلوب لسوق العمل يعني بتضل فرصه الوظيفية متاحة حتى لو ما توظفتي دايركت

و لو إني أرى الوظيفة أفضل

عموماً موفقة لكل ما فيه خير بإذن الله