إخـلاف العقد بصرف الراتب : بليز ساعدوه

كبرتني · #1 (**permalink**) 12-12-2011, 05:16 PM

السلام عليكم ورحمة الله وبركاته

كيفكم ان شاء الله بخير

ياخوان انا لي زميل يعمل موقع عقد 3 الاف ريال

ويقول فرحت بالراتب وانبسطت يقول لما جيت استلم الراتب

صرفو لي 2000 ريال تقريبا بسسس

يقول تضايقت وكرهت العمل ويفكر يفصل منها مع انه راح عليه حافز

تكفون انصحوه وش يسوي

هل لو اشتكى يكون من مصلحته ؟

معقوله في ناس تاكل الناس كذا مايخافون الله

عاطل طمووح · #2 (**permalink**) 12-12-2011, 05:53 PM

وعليكم السلام ورحمة الله وبركاته

اكيد من حقه يشتكي .. لكن اول شي هل هو مداوم الشهر كامل يعني مافيه غيابات او تأخر او مثلا موقع العقد بنصف الشهر ..؟
اذا فعلا مداوم الشهر كامل ومافيه تأخر .. خله يراجع مكتب العمل ويكلمهم ..

جداً حزين · #3 (**permalink**) 12-12-2011, 09:46 PM

إيه تصير عادي جداً

أهم شيء هل فيه عقد موقع ينص بأن الراتب 3000 ؟

وهل وقع على مسير عندما إستلم الراتب ؟؟

هل يستطيع الحصول على نسخه من المسير !!

اذا يستطيع لايخلي محكمه ولا مكتب عمل ولامكتب أمير ولامكتب عقار مايشتكي فيه !

كبرتني · #4 (**permalink**) 13-12-2011, 12:44 AM

كلمت الرجال

يقول ولايوووووم واحد غاب ومداوم الشهر كامل يعني حاسبين الشهر من بدايته الى النهايه

ويقول كلمتهم قالو هذا الراتب بس 2000 يعني متعمدين دفعه اقل من العقد

طيب لو قدم شكوى تهقون ينفصل من عمله ؟ او يجيه ضرر ؟؟

عاطل طمووح · #5 (**permalink**) 13-12-2011, 07:31 AM

تهبى اي شركة تفصل شخص ماغلط .. وبينه وبينهم وزارة العمل ..

قل للرجال ياخذ نسخة من العقد ويتأكد من الراتب المكتوب .. اذا فعلا 3000 .. ياخذ النسخة من العقد و يروح للبنك وياخذ كشف حساب ويروح لمكتب العمل ..

ضاقت دنيتي بعيني · #6 (**permalink**) 13-12-2011, 08:45 AM

حسبي الله فيهممممممممممممممممممممم اناعانيت من هالاشكال سرقو نص راتبي اول وتعبي اخدوه بس طلعت من العمل لاني موحابتوو بس هو لازم يشتكي لمكتب العمل مايسكت لانو لوسكت راح يتمادوو معاه ناس كتير ماتخاف الله الله ينتقم منهم اشر انتقااااااام

كبرتني · #7 (**permalink**) 13-12-2011, 05:56 PM

اخوي قلتله روح البنك سو كشف حساب

قال الراتب يسلمونه بيدي ووقعت ايصال اني استلمت وقلتلهم ابي صوره منه قـال ارسلناه ويصرفون

حسبي الله ونعم الوكيل حسبي الله ونعم الوكيل ناس ماتخاف الله

عاطل طمووح · #8 (**permalink**) 14-12-2011, 06:06 AM

يروحلهم مرة ثانيه ويقول ابي صورة من المسير .. ولو صرفوا يقولهم انا رايح لمكتب العمل وهو الحكم بيننا ..

نصيحه مني لايكون بارد وساكت وراضي قدامهم .. ترى هاالأشكال ماينفع معهم الا العين الحمرا ..

α7ℓα 3yσσи · #9 (**permalink**) 14-12-2011, 09:36 AM

والله حتا انا مريت بهالمشكله
والادها انو للحين اسمي يستفيدون منه الشركه واانا ياغافلين لكم الله على اساس انهم هم يسقطونها ولا اسقطو يستفيدون منه بالسعوده ومن الموارد يجيهم دعم
انا سهيت لان جتني ظروف ولاتاكدت اسمي اسقط او لا الا امس تفاجات
حسبي الله ع كل ظالم

عاطل طمووح · #10 (**permalink**) 14-12-2011, 09:55 AM

اقتباس:

المشاركة الأصلية كتبت بواسطة غلاامون

والله حتا انا مريت بهالمشكله
والادها انو للحين اسمي يستفيدون منه الشركه واانا ياغافلين لكم الله على اساس انهم هم يسقطونها ولا اسقطو يستفيدون منه بالسعوده ومن الموارد يجيهم دعم
انا سهيت لان جتني ظروف ولاتاكدت اسمي اسقط او لا الا امس تفاجات
حسبي الله ع كل ظالم

اذا كنت مقدم استقاله وخلصت كل امورك من عندهم قبل تتركهم ومااسقطو اسمك .. تقدر تهددهم يايعطوك مبلغ مالي او تشتكي بوزارة العمل