كيف أستفيد من وجودي بأمريكا

مقبل على الدنيا · #1 (**permalink**) 13-12-2011, 09:24 AM

السلام عليكم ..

شباب .. قرب تخرجي إن شـاء الله .. و بيني و بينكم ودي أسـأل وش رايكم ؟ كيف أستفيد من وجودي في أمريكا خلال هالأربع شهور الجاية بإذن الله ؟ فيه مقترح تقدمونه لي؟

جاني شايب من عرعر الله يجزاه خير و قال لي يا ولدي ترا المعدات الثقيلة يبونها الناس في السعودية !! بس ما ادري كيف اصدرها و لا عندي خلفية !!

إذا فيه شي كويس عطوناه يا شباب

موفقين

اكمل الفراغ · #2 (**permalink**) 13-12-2011, 09:40 AM

وعليكم السلام ورحمة الله وبركاته

شف اخوي هذا يعتمد على قوة راس المال الذي معك ... اذا كبير وتبي تجيب معدات ثقيله ..

ادخل موقع حراج قسم المعدات الثقيله فيه كثير ناس من امريكا هناك تقدر تستفيد منهم

ثانيا السيارت . النضيفه مثلا اللكزس ال اس وغيرها

ثالثا جولات اي فون اس الجديده المفتوحه طبعا والغير مفتوحه رخيصه .. وحط معها شرايح جلفريك اتوقع

اسمها كذا ..موفق ..يجي من يفيدك اكثر ..

مقبل على الدنيا · #3 (**permalink**) 13-12-2011, 09:54 AM

شرايح جلفريك قصدك الي تحطها مع الشريحة عشان تفكها لك؟

و كم أسعار الآي فون الجديد بالله في السعودية ؟

موفق

اكمل الفراغ · #4 (**permalink**) 13-12-2011, 11:09 AM

الاسعااار بالسعوديه حددتها شركة الاتصلات راح تنزلها مطلع صفر القادم

من 2800 الى 3300 اتوقع حسب السعه ..

بس انصحك لاتجيب مفتوح جب المغلق وحط معه جلفريك .. راح يكون رخيص وارخص من الاتصلاات

بس لازم يكون لك مندوب بالسعوديه سوا اصدقائك او اي احد .. وارسل البضاعه بالفيدكس ..

واعرضها بالجرايد موقع حراج قسم الاجهزه موفق .... بس انتبه لاتجيب بضاعه كبيره وتخسر ...

مقبل على الدنيا · #5 (**permalink**) 13-12-2011, 11:12 AM

لا هنت حبيبنا

فتى مغيد · #6 (**permalink**) 13-12-2011, 02:17 PM

ااااااااخ يالقهر كنت محتاج لشخص في امريكا ونزلت موضوع عشان هالشي ..

وكنت محتاج بس يجيب لي سيارات مصدومة وافككها هنا بالسعوديه وابيعها قطع غيار.. لكن كالعاده لازم يشنقونا .. اصدروا قرار بمنع استيراد السيارات المصدومة ..

بالتوفيق خيو .. شفت الموضوع وقلت حبيت ارد..

عاطل وحالتي حاله · #7 (**permalink**) 13-12-2011, 03:19 PM

تعلم لغة انجليزية

المردف · #8 (**permalink**) 13-12-2011, 04:47 PM

اخي راسلني على الخاص اعرف واحد كان في امريكا كم سنة ونيته يفتح موقع مزاد لسيارات النقل الثقيل
راسلني على الخاص وان شاء الله اجد بريده وارسله لك وتتراسل انت واياه الرجل ملتزم وطيب ربما تجع بينكم الصلحة او على الاقل يدلك على من يفيدك المشكلة بعد شوي طالع مكة من الرياض وراح انشغل كم يوم لكن ان شاء الله افيدك

دحوم الدحيم · #9 (**permalink**) 20-12-2011, 02:17 AM

انتبه تجيب جوالات ايفون من امريكا لان السوق السعودي مايبيها
اول شي المرغوب اجهزه الايفون اللي تجي من بريطانيا ليش طبعا بتقول
لان الاجهزه اللي تجي من بريطانيا يجي فيها جيلبريك اساسي يعني لما يعمل تحديث ماينمسح بينما الاجهزه اللي تجي من امريكا لما يعمل تحديث ينمسح الجيلبريك
علشان كذا اسعار الايفون اللي جاي من امريكا ارخص ومومرغوبه في السوق
نصيحه مني لك شوف لك شي مو موجود هنا منتج جديد اي شي مو موجود بالسوق وحاول تكون وكيل لهم يعني بالشي اللي تقدر عليه والله يوفقك يارب

عاشق المشاريع · #10 (**permalink**) 20-12-2011, 02:33 AM

اخوي شوف افضل المنتجات العنايه بالبشره والجسم اللي على اقبال ومفعولها كويس شوف لصقات كريس مثلا شوف اجهزه الليزر المنزليه ...؟؟؟

شوف اسعار المنتجات هناك انا ابي والله اكثر من منتج ؟؟؟ ابي اشوف اسعارها هناك

عندي كريم تبيض بسته ميه ريال شريته من الصيدليه خطير منتج اميركي اتوقع انه هناك ارخص بكثييييييييير

الله يوفقك اخوي وترجع بالسلامه ...

وعقبااااااااااااااااااااااااااااااااااالي يارب