السلام عليكم ..
يا بنات يا عاطلات ..

الشعب كل ماله يصير عجّاز أكثر من أوّل .. و لا عاد صاروا يطبخون في المناسبات و العزايم ..

إذا أنتي مبدعة في الأكل الشعبي .. مثل اجريش و القرصان و السلطات و هالحركات ..

أبدئيها في بيتك .. و انشري اسمك بين النّاس .. و صدقيني شوي شوي يذيع أسمك و يشتهر

و بتقولين بس بس بس يا فلووووووس



و أقولها من واقع تجربة مرأة سعودية .. صارت تصرف النّاس من كثر الضغط الي عليها ..



موفقين

حقا هناك من لها نفس وخفة في انجاز اجمل الاطباق والذها يعجز امهر الطهاه في ارقي الفنادق مجارته ولكن

لا تجد من يشجعها لاستغلال تلك الموهبة والاستفادة منها بالابداع والكسب منها وقد شاهدنا في الاونه الاخيره

محلات تعتمد على بعض منتوجات وخاصة الشعبية لنساء سعوديات مثل محلات هضيم حيث تجد علب مغلفة وعليها استكر بصورة المنتج وتواريخ التصنيع واسم الصانعة ومنها اقراص المرقوق الناشف والمثلج والحنيني والمصابيب والكليجا والفتيت والمعمول والشبورة المنزلية واكلات أخرى

شكرا لموضوعك وجزاك الله خير

ومن تحتاج لبدا بمثل هذا المشروع تضع لها خطه للعمل عليها حتى لا تتفادى الفشل فيه ثم تعلق مشروعها

ولا تكمل فيه وهنا باذن الله سوفا تجد من يساعدها في افكار او دراسة لمشروعها

الله يوفق الجميع لكل خير

أهم شي تبعد عن جماعتها و الي يعرفونها كبداية ..
سبحان الله بعض القريبات .. عشانه طبخك تلاقينها تستطعمه زيادة و تركز فيه اكثر و تعطيك نظرات و الا شي

خصوصا انتم يا البنات .. ابعدوا شوي عن قريباتكم اقل شي اول الشهور لين تاقفون على رجولكم و بعدها .. خلوا الي يتكلم يتكلم لأن نجاحكم بيمنحكم الثقة أكثر و أكثر

و عشان ما يكثر الهرج حولكم و يعطونكم نص عين و الا يقللون من شأنكم ..


عاد أنتم يا الحريم أبخص في بعض مني