والله حاس بمعاناتك وانا اخوك لكن الله يرزقك برزقً من عنده انشالله

انا طال عمرك رحت للموارد البشريه من شهر 8 هجري الماضي وقلت لهم ابي دعم الموارد البشريه للتوظيف وقلت لهم ابي اقدم على الكهرباء تحديداً
واخذو اوراقي وقالو نتصل عليك وعلى وجههم جلست فتره طووووويله

واتصلو علي من شهرين تقريباً من الان وبديت اكمل اجرائتي الحمدلله
بداية قالو نسوي لك مقابله بالموارد البشريه والحمدلله اجتزتها
همين اتصلو علي بعدها بفتره وقالو تجي للمحطه اللي بحي الوشم بالرياض
ورحت لهم وطلبو صور شخصيه وصور شهادتي والاحوال
همين قالو تسوي فحص طبي بكره
ومن بكره صمت عن الاكل والشرب 8 ساعات وجيت مستشفى نسيت اسمه على طريق الملك عبدالله وماخلو شي فيني الا وفحصصوه
والحمدلله اجتزته والفحص اهم شي عندهم انك سالم من المخدرات !
همين طال عمرك جلست تقريباً شهر او اكثر لاحس ولا خبر

واليوم العصر ابشرك جتني رساله على الجوال منهم
يقولون فيها :
يرجى مراجعة معهد تدريب الشركه السعوديه للكهرباء بمدينة الرياض بداء من غداً الثلاثاءالساعه 7:30 ص الى الساعه 2 ظهراً من يوم الاربعاء وذلك لتوقيع عقد التدريب معك . عدم حضورك سيعطي الفرصه لمتقدم آخر احتياط ..

عاد هاللي أقولك بروح لهم باتسر وانشالله ربي يسر امري انا والاخوان الي موعدهم بكره
وباذن الله تعالى راح ارد لكم خبر وش صار معنا وبعلمكم بالمستجدات حول هالموضوع ..

وانت مثل ماقلت لك اول شي عليك توجه لاقرب فرع للموارد البشريه وقل لهم ابي دعم التوظيف
عاد هم راح يشيكون على سجلك المدني
ويشوفون سبق لك التوظيف عن طريق الموارد البشريه أو لا
اذا ماسبق دعمك بيدعمونك وبتمشي اوراقك انشالله


انا هذا كل اللي صار معي بالضبط .. واذا فيه شي نسيته يفيدونك الاخوان أكثر
بالتوفيق يارب للجميع ..

ماقصرت ياشرقاوي والله يعطيك على قد نيتك وكثر الله من امثالك اخوي
وبالنسبه لاستفسارك :
اذا انت خلصت الفحوصات واجتزت الفحص بنجاح
راح يتصلون عليك هالاسبوع ذا او الاسبوع الجاي بالكثير
لانهم بادين يتصلون هالفتره الحاليه بالمقبولين نهائياً وعددهم كبير مشالله
على دفعات ولو تلاحظ بالردود السابقه لأحد الاخوان سبق وان وضح لنا انهم جالسين يتصلون على الشباب بذا الفتره يوم اقرا رده كنت انتظر ومادريت الا يوم جتن رساله منهم على الجوال اليوم العصر الحمدلله

فلذلك انت انتظر هالاسبوعين مثل ماقلت لك وباذن الله تعالى بيجيك رزقك
بالتوفيق يالغالي ..