أبي رايكم في تعيني الجديد.......

ردادي المدينة · #11 (**permalink**) 14-12-2011, 12:23 AM

موفق بإذن الله ... لك مني أجمل تحية .

AL.3BDLI · #12 (**permalink**) 14-12-2011, 12:49 AM

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

زي مايقولون الفلوس تعمي النفوس

ترا يااااااخوي تقدر تداقش اي واحد وتقدر تختار المنطقة الي تبيها بالفلوس

يعني طلع قرض 100الف واعطها اي واحد وراح يداقشونك ناس واجد

ويقول المثل اسئل مجرب ولا تسئل طبيب

وراح تتأكد من كلامي في قسم المداقشات

عاطل ووصابرر · #13 (**permalink**) 14-12-2011, 02:41 AM

موفق بإذن الله ... لك مني أجمل تحية . موفق بإذن الله ... لك مني أجمل تحية .

ياالسلطي · #14 (**permalink**) 17-12-2011, 04:10 AM

اقتباس:

المشاركة الأصلية كتبت بواسطة طفشت من العطااله

االسلام عليكم....اخباركم طيبين
ياشباب انا متردد وابي رايكم بالموووضووع انا جاء تعيني بتبوووك
برتبه رقيب فني وانا من سكان الريااض
وش راايكم اتوكل على ورووح لاني فكرت لو ابي انقل ما عندي واسطه

لاني سمعت اي واحد يتعين بتبوك مراح ينقل
انتظر ردودكم ....

تبوك ياتبوك الورد لبيه بس اذا انت قصدك تبووك واااااو تدري وش احسن مابتبوك انك تقدر تعيش لحالك

ورق ابيض · #15 (**permalink**) 17-12-2011, 04:21 AM

صحيح ان ديرتك الي تنرزق به مهي الي تنولد به
لكن مهما يكون الانسان يفكر ان يجي لهله وعائلته وجماعته هذي الحقيقه محد يتغرب بدولته
لكن نفس الغربه والله يسهل عليك ويرزقك ان شاء الله

رومانسي عاطل · #16 (**permalink**) 17-12-2011, 04:33 AM

اقتباس:

المشاركة الأصلية كتبت بواسطة احب الفقراء

إذا على المنطقة
والله انها رهيبه

لكن مشكلتها السرقات

بس ماذكرت لنا بأي قطاع تعينت...

اخوي ماعليش ماسمح لك تقول وتغلط على اهل تبوك وتقول كل سرقات ياخي السرقات في كل مكان ولو خليت لخربت
بالتوفيق لجميع

شوي وانتحر · #17 (**permalink**) 17-12-2011, 11:55 AM

اقتباس:

المشاركة الأصلية كتبت بواسطة رومانسي عاطل

اخوي ماعليش ماسمح لك تقول وتغلط على اهل تبوك وتقول كل سرقات ياخي السرقات في كل مكان ولو خليت لخربت
بالتوفيق لجميع

فديت انا الغيره عند اهل تبوك

والله واضح انكم ناس رياجييل

¦ĢϞ̲Ō̲Ϟ¦ · #18 (**permalink**) 17-12-2011, 12:03 PM

يقولون تبوك دلع ،، يا رجال توكل على الله احمد ربك على الوظفيه

وصحيح انها بعيده عن اهلك واسألني انا صحيح تحس بضيقه وتشتاق لأهلك بس اول ما تروح هناك تعرف على شباب وصدقني مع الربع وجلساتهم بتنسى وتتأقلم

بس اللي اسمعه عن تبوك شيء اطلق من الرياض فيها اماكن شباب وسعه صدر ،،،

وسبحان الله كلن ما يبي يترك ديرته

وانا اللي ادعي ربي ليل نهار ما يحطني بأي وظيفه بالرياض

وزي ما قال اخوي احب الفقراء انت من بين 2 مليون عاطل يدور على وظيفه لا تتركها

والله يوفقك

مهاجر الخبر · #19 (**permalink**) 17-12-2011, 12:16 PM

السلام عليكم ورحمة الله وبركاته

أخوي أن من جهتي اقول لك توكل على الله واهم شي انك في داخل المملكة لايصير الاجنبي افضل منا يتغرب من بلده ويجي عندنا وبراتب مرة اشوي ومايشوف اهله الا كل سنة او سنتين انت افضل في وطنك وهاليومين السيارة تقرب البعيد وانا اخوك ولو طقت تبي السرعة بالطيارة يارخصها اقرب مطار الا وانت واصل للرياض
واذا كانت على النقل فاقول لك :
دع الأيام تفعــــــــل ما تشــاء ..... وطب نفسا إذا حكم القضاء

ولا تجــــــــزع لحادثة الليالي ..... فما لحـــوادث الدنيا بقـــــاء
وكن رجلا على الأهوال جلدا ..... وشيمتك السماحة والوفـــاء
وإن كثرت عيوبك في البرايا ..... وسرك أن يكون لها غطـاء
تستر بالسخاء فكـل عيــــــب ..... يغطيه كمـا قــيــل السخـــاء
ولا تــــــر للأعادي قــط ذلا ..... فإن شماتة الأعدا بـــــــــلاء
ولا ترج السماحة مــن بخيل ..... فما في النــــــار للظمآن ماء
ورزقك ليـــس ينقصه التأني ..... وليس يزيد في الرزق العناء
ولا حزن يــدوم ولا ســرور ..... ولا بؤس عليك ولا رخــــاء
إذا ما كنــــت ذا قـلب قنـوع ..... فأنت ومالك الدنيا ســــــــواء
ومــــن نزلت بساحته المنايا ..... فلا أرض تقيه ولا سمــــــاء
وأرض الله واسعة ولــــكــن ..... إذا نزل القضا ضاق الفضاء
دع الأيام تغـــــدر كل حيــن ..... فما يغني عن المــوت الدواء

وكما احب ان اقول لك ايضاً

(على كف القدر نمشي ولا ندري عن المكتوب)

واتمنى كلامي يكون لك وسعاً لصدرك وليس ضيقاً له

أخوك مهاجر الخبر