ارجووووا الدخوووول للاهميه ايميل غرررررريب

امل جده · #1 (**permalink**) 14-12-2011, 06:09 AM

السلام عليكم

بخش بالموضوع على طول

يا بنااااااااااااااااااااااااااااااااااااااااااات احد جاها ايميل غريب

جاني ايميل من جد صدمني ذا الايميل مدري وش اقول

فيه اشياء غريبه من جد

احترت والحمدلله اخوي ماشافه والى كان رحت وطي

الايميل مكتوب فيه مستعد اشحن لك بس بشرط تتواصلين معي والخ ......

كلام ماينقال المشكله مو هنا

المشكله الايميل جاني وجا لاختي وجا لبنات اعرفهم مقدمين بحافز يا ناس بنجن

نفس الكلام مرسووووول لنا كلنا

نفس الكلام ماتغير ولا زاد حرف

وش هذا تتوقعون احد يخش على بيناتنا ويلعب فيها ؟؟؟؟؟

والله بنجن الي جاها نفس الايميل ذا تقلي ابي ارتاح

لانه جا لي ولاختي ولبنات اعرفهم

حسبي الله عليه عسى يده تنشل

الشاكره لله · #2 (**permalink**) 14-12-2011, 06:16 AM

الله يستر علينا احذفيه وبس

الدواميك · #3 (**permalink**) 14-12-2011, 06:22 AM

وعليكم السلام ورحمة الله وبركاته
اختي دآمه جآء لكم كلكمِ آكيد من حآفز حفز اللهِ روحهم بجهنمِ....
ياليته يرسل لي والله لفضحهم بسس دآمه جآكم وانتوآ آكثر من 10 بنآت نصيحتي لك روحي لـ سبق ع موقعهم وارسلوا كلكم رسآله لهم تتضمن الكلام المرسل لكم وبينوا لهم انكم كلكم مسجلين في حافز تكفييين لاتسكتين عن الموضوع ولو تبين انا اتكفل ارسل لـ سبق بس لا تسكتين عنهم ....
حسبي الله ونعم الوكيل عليهم

امل جده · #4 (**permalink**) 14-12-2011, 06:26 AM

بس ياخوي الايميل الي جاتنا منه الرساله مو تبع حافز يعني ايميل شخص يعني ايميل لشخص

حتى اسم الايميل ماينقال كلام بالانجليزي بس ماينقال يعني كلمة منحرفه بالانجليزي ونفسه ارسل لكل البنات الي اعرفهم ولاختي والله حيرني الله يستر لايرسل كمان

يعني حتى لو شكيت وش اقول بيقولون هاتي اثبات انه لحافز الي محيرني مرسل للبنات ولاختي بنفس الوقت وش ذااااااااااااا ؟

الدواميك · #5 (**permalink**) 14-12-2011, 06:35 AM

يمكن انتي مظهره ملف تعريفك وفيه صديقاتك او احد صديقاتكِ ..... ويمكن انه من حآفز بكبره ويمكن بنت حآقده عليكم وتبي تبلآكمِ....انا حسبته من حافز استانست قلت والله لنكبهم

امل جده · #6 (**permalink**) 14-12-2011, 06:41 AM

مستحيل تكون بنت بعدين حتى لو انا مظهره ملفي الي مضافين عندي غير عن اختي والي عند اختي غير عني ومالي حساب لا بالفيس بوك ولا بالخرابيط ذي والرساله جات لي ولصحباتي الي مقدمين بحافز ولاختي

انا احترت بصراحه لانه مستحيل تكون وحده صحباتي ينعدوا عالاصابع ومو حقين السواليف ذي ابداااااااا

واختي نفس الشي حتى هي انفجعت يعني حسيت الايميل رسالته فيها نوع من التهديد يعني اذا ماصار الي يبيه حاط صورة فيس ماسك جوال يعني زي الي يقول ارقامكم عندنا مع العلم ان حتى جوال ماعندي ماحبه

عاد اذا دق على ابوي اجل جنى على عمره

بس متاكده مليون بالميه انا مانعرفه ولا حد بيسوي مقلب فينا والي بيسوي مقلب بيسوي على اربع بنات انا وصحباتي واختي مستحيييييييييييييييل وصحباتي مايعرفون بعض يعني كل وحده معرفته غير عالثانيه

لا من جد احترت مررررررررررررررررررررررررره

تكفوووون يابنات الي جتها رساله مثلي تقلي ابي اعرف راسي تعبني من التفكير

انين الروووح · #7 (**permalink**) 14-12-2011, 07:14 AM

وربي هالحافز ما ارتحت له ماجاب الا المشاكل

لكن هدي نفسك ياقلبي ان شاءالله مو صاير الا كل خير

جوزيفكو · #8 (**permalink**) 14-12-2011, 07:35 AM

اختي ليش كل هذا الخوف...خليه يرسل مليون رسالة بالنهايه ما بيقدر يسوي شي

حُلُمي التدريس · #9 (**permalink**) 14-12-2011, 08:05 AM

استغفر الله العظييم
ليييييييييييش كذااااااااا انهبلوا ذا النااس الله حسييبهم
ماودي أظلم أحد بس مدري اخاف من موظفين اللي مايتسمى
استغفر الله وربي ماودي اشكك بأحد بس مو معقوول كذاا؟؟
اللي جتهم الايميلات مسجلات بحافز ويعرف عنهم بعض الاشياء
بالله من وين بيعرف هالأشياء؟؟الا من نظام موجود فيه معلومات
عن هالبنات طييب احننا دولتنا وش كبرها مايقدرون يجيبون راس صاحب
الايميل لو اشتكيتوا عليه؟؟؟؟؟؟؟؟؟؟اااخ بس وش هذاا لهالدرجة وصلت فيهم